ಗದಗ : ಒಂಟಿ ಮಹಿಳೆ ಇದ್ದ ಮನೆ ದರೋಡೆ ಮಾಡಿ ಕೊಲೆಗೈದ ಪ್ರಕರಣ ಸಂಬಂಧ ಐವರು ಅಪರಾಧಿಗಳಿಗೆ ಕೋರ್ಟ್‌ ಜೀವಾವಧಿ ಶಿಕ್ಷೆ ವಿಧಿಸಿದೆ. ಐವರು ಆಪರಾಧಿಗಳಿಗೆ ಜೀವಾವಧಿ ಶಿಕ್ಷೆ , ಓರ್ವ ಆರೋಪಿತನಿಗೆ ಮೂರು ವರ್ಷ ಜೈಲು, ಮೂರು ಸಾವಿರ ದಂಡ ವಿಧಿಸಿ ಗದಗ ಪ್ರಧಾನ ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯದ ನ್ಯಾಯಾಧೀಶರಾದ ಬಸವರಾಜ ಅವರು ಆದೇಶ ಹೊರಡಿಸಿದ್ದಾರೆ.
2018 ರಲ್ಲಿ ಗದಗನ ಬೆಟಗೇರಿ ಹೇಲ್ತ್‌ ಕ್ಯಾಂಪ್ ನಲ್ಲಿ ದರೋಡೆ ನಡೆದಿತ್ತು. ಒಂಟಿ ಮಹಿಳೆ ವಾಸ ಇರುವದನ್ನು ನೋಡಿ ಖಾತ್ರಿ ಪಡಿಸಿಕೊಂಡು ಆರೋಪಿತರು ಮನೆಗೆ ನುಗ್ಗಿ, ಸರೋಜಾ ಕಬಾಡಿ ಎಂಬ ಮಹಿಳೆ ಕೊಲೆ ಮಾಡಿ, ದರೋಡೆ ಮಾಡಿದ್ದು. 9 ಲಕ್ಷ 50 ಸಾವಿರ ರೂ. ಮೌಲ್ಯದ ಸುಮಾರು 260 ಗ್ರಾಂ ಬಂಗಾರದ ಆಭರಣಗಳ ದರೋಡೆ ಮಾಡಲಾಗಿತ್ತು. ಈ ಸಂಬಂಧ ಶಂಕ್ರಪ್ಪ ಹರಣಶಿಕಾರಿ, ಚಂದ್ರಪ್ಪ ಹರಣಶಿಕಾರಿ, ಮಾರುತಿ ರೋಣ, ಮನ್ನಪ್ಪ ರೋಣ, ಉಮೇಶ ಹರಣಶಿಕಾರಿಗೆ ಜೀವಾವಧಿ ಶಿಕ್ಷೆ ಹಾಗೂ ತಲಾ 10 ಸಾವಿರ ರೂ ದಂಡ. ಪ್ರಮೋದ ಕೊರವರಗೆ 3 ವರ್ಷ ಶಿಕ್ಷೆ 3 ಸಾವಿರ ರೂಪಾಯಿ ದಂಡ ವಿಧಿಸಿ ಕೋರ್ಟ್‌ ಆದೇಶ ನೀಡಿದೆ.
