ಬಾದಾಮಿಯಲ್ಲಿ ವಿಟಮಿನ್ ಇ, ಆಂಟಿಆಕ್ಸಿಡೆಂಟ್ಸ್, ಆರೋಗ್ಯಕರ ಕೊಬ್ಬು ನಮ್ಮ ಚರ್ಮವನ್ನು ಕಾಪಾಡುವಲ್ಲಿ ಸಹಾಯ ಮಾಡುತ್ತದೆ. ಬಾದಾಮಿ ಚರ್ಮವನ್ನು ತೇವಗೊಳಿಸಲು ಮತ್ತು ಹೈಡ್ರೇಟ್ ಮಾಡಲು ಸಹಾಯ ಮಾಡುತ್ತದೆ, ಕೊಲ್ಯಾಜಿನ್ ಉತ್ಪಾದನೆಯನ್ನು ಉತ್ತೇಜಿಸುತ್ತದೆ ಮತ್ತು ಆಕ್ಸಿಡೇಟಿವ್ ಹಾನಿಯಿಂದ ರಕ್ಷಿಸುತ್ತದೆ.
“ಯುದ್ಧ ಕೊನೆಗೊಳ್ಳಬಹುದು…”: ಝಿಲೆನ್ಸ್ಕಿ ಖನಿಜಗಳ ಒಪ್ಪಂದಕ್ಕೆ ಸಹಿ ಹಾಕಲು ಸಿದ್ಧ ಎಂದು ಸುಳಿವು ನೀಡಿದ ಟ್ರಂಪ್
ಬಾದಾಮಿಯು ಕೊಬ್ಬಿನಾಮ್ಲಗಳಿಂದ ತುಂಬಿದ್ದು, ಇದು ಕೂದಲಿನ ಆರೋಗ್ಯ ಹಾಗೂ ಬಲ ಹೆಚ್ಚಿಸುವಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ಬಾದಾಮಿ ಎಣ್ಣೆಯನ್ನು ಕೂದಲಿಗೆ ಹಚ್ಚಿದರೆ, ಕೂದಲಿನ ಆರೋಗ್ಯ ಹೆಚ್ಚಾಗುವುದಲ್ಲದೆ, ಕೂದಲಿನ ಹೊಳಪು ಕೂಡ ಹೆಚ್ಚಾಗುತ್ತದೆ.
ಬಾದಾಮಿಯಲ್ಲಿ ಹಲವಾರು ಬಗೆಯ ಪೋಷಕಾಂಶಗಳಿದ್ದು, ಇದರಲ್ಲಿ ಆರೋಗ್ಯಕಾರಿ ಕೊಬ್ಬು, ಪ್ರೋಟೀನ್, ನಾರಿನಾಂಶ ಮತ್ತು ಪ್ರಮುಖ ವಿಟಮಿನ್‌ಗಳು ಹಾಗೂ ಖನಿಜಾಂಶಗಳು ಇವೆ. ಬಾದಾಮಿಯನ್ನು ಹಾಗೆ ಸೇವನೆ ಮಾಡಬಹುದು ಅಥವಾ ಅದನ್ನು ಬಾದಾಮಿ ಹಾಲು, ಸ್ಮೂಥಿಯಾಗಿ ಕೂಡ ಬಳಸಬಹುದು. ಇದರ ಲಾಭಗಳು ಹಾಗೆ ಸಿಗುವುದು. ಆದರೆ ಕೆಲವು ಆಹಾರಗಳ ಜತೆಗೆ ಬಾದಾಮಿ ಸೇವಿಸಿದರೆ, ಆಗ ಇದು ಜೀರ್ಣಕ್ರಿಯೆಗೆ ಸಮಸ್ಯೆ ಉಂಟು ಮಾಡುವುದು. ಇದರಿಂದ ಪೋಷಕಾಂಶಗಳ ಹೀರುವಿಕೆಗೂ ಸಮಸ್ಯೆಯಾಗುವುದು ಮತ್ತು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವುದು
ಆಯುರ್ವೇದದ ಪ್ರಕಾರ ಕೆಲವು ಆಹಾರಗಳನ್ನು ಬೇರೆ ಆಹಾರಗಳ ಜತೆಗೆ ಸೇರ್ಪಡೆ ಮಾಡಿಕೊಂಡು ಸೇವನೆ ಮಾಡಬಾರದು. ಇದನ್ನು ವಿರುದ್ಧಾಹಾರಗಳು ಎಂದು ಕರೆಯಲಾಗುತ್ತದೆ. ಇದರಿಂದ ಜೀರ್ಣಕ್ರಿಯೆಗೆ ಸಮಸ್ಯೆಯಾಗಿ ವಿಷಕಾರಿ ಅಂಶಗಳು ದೇಹದಲ್ಲಿ ಉತ್ಪತ್ತಿ ಆಗುವುದು. ಬಾದಾಮಿಯನ್ನು ಹಾಲಿನ ಉತ್ಪನ್ನಗಳಾಗಿರುವ ಮೊಸರಿನ ಜತೆಗೆ ಸೇರ್ಪಡೆ ಮಾಡಿಕೊಂಡು ಸೇವಿಸಿದರೆ, ಆಗ ಇದರಿಂದ ಜೀರ್ಣಕ್ರಿಯೆಗೆ ಸಮಸ್ಯೆಯಾಗುವುದು. ಬಾದಾಮಿಯನ್ನು ಉಪ್ಪು ಅಥವಾ ಆಮ್ಲೀಯ ಆಹಾರಗಳ ಜತೆಗೆ ಸೇವನೆ ಮಾಡಿದರೆ, ಆಗ ಇದರಿಂದ ಪಿತ್ತ ದೋಷವು ಹೆಚ್ಚಾಗುವುದು. ಮತ್ತು ಪೋಷಕಾಂಶಗಳ ಹೀರುವಿಕೆಗೆ ಸಮಸ್ಯೆಯಾಗುವುದು. ಬಾದಾಮಿಯನ್ನು ನೀರಿನಲ್ಲಿ ನೆನೆಯಲು ಹಾಕಿ, ಅದರ ಸಿಪ್ಪೆ ತೆಗೆದು ಸೇವನೆ ಮಾಡಿದರೆ, ಆಗ ಇದರಿಂದ ಜೀರ್ಣಕ್ರಿಯೆಗೆ ತುಂಬಾ ಒಳ್ಳೆಯದು.
ಸಿಟ್ರಸ್ ಹಣ್ಣುಗಳಾಗಿರುವಂತಹ ಕಿತ್ತಳೆ, ಲಿಂಬೆ ಮತ್ತು ಮೂಸಂಬಿಯು ಅಧಿಕ ಆಮ್ಲೀಯತೆ ಹೊಂದಿದ್ದು, ಬಾದಾಮಿಯಲ್ಲಿ ಅಧಿಕ ನಾರಿನಾಂಶ ಮತ್ತು ಆರೋಗ್ಯಕಾರಿ ಕೊಬ್ಬು ಇದೆ.
ಇವುಗಳನ್ನು ಜತೆಯಾಗಿ ಸೇವನೆ ಮಾಡಿದರೆ ಆಗ ಇದರಿಂದ ಜೀರ್ಣಕ್ರಿಯೆಗೆ ಸಮಸ್ಯೆಯಾಗುವುದು. ಇದು ಹೊಟ್ಟೆ ಉಬ್ಬರ, ಗ್ಯಾಸ್ ಮತ್ತು ಹೊಟ್ಟೆ ನೋವು ಉಂಟು ಮಾಡುವುದು. ಸಿಟ್ರಸ್ ಹಣ್ಣುಗಳು ಬಾದಾಮಿಯ ಜೀರ್ಣಕ್ರಿಯೆಗೆ ಸಮಸ್ಯೆಯಾಗುವುದು ಮತ್ತು ಹೊಟ್ಟೆ ಉಬ್ಬರ ಉಂಟು ಮಾಡುವುದು.
ಸಿಟ್ರಸ್ ಹಣ್ಣುಗಳಲ್ಲಿ ಅಧಿಕವಾಗಿ ವಿಟಮಿನ್ ಸಿ ಇದ್ದು, ಇದು ಬಾದಾಮಿಯಲ್ಲಿನ ಕ್ಯಾಲ್ಸಿಯಂನಂತಹ ಖನಿಜಾಂಶಗಳ ಹೀರುವಿಕೆಗೆ ತೊಂದರೆ ಉಂಟು ಮಾಡುವುದು. ಎರಡನ್ನು ತಿನ್ನಲು ಬಯಸಿದ್ದರೆ, ಆಗ ಇವುಗಳನ್ನು ಬೇರೆ ಬೇರೆ ಸಮಯದಲ್ಲಿ ಸೇವನೆ ಮಾಡಿದರೆ ಒಳ್ಳೆಯದು.
ಕೆಲವರು ಬಾದಾಮಿಯನ್ನು ಹಾಲಿನ ಉತ್ಪನ್ನಗಳ ಜತೆಗೆ ಸೇವನೆ ಮಾಡುವರು. ಆದರೆ ಬಾದಾಮಿಯನ್ನು ಕಾಫಿ ಅಥವಾ ಮೊಸರಿನ ಜತೆಗೆ ಸೇವನೆ ಮಾಡಿದರೆ ಆಗ ಇದು ಹಾನಿಕಾರ. ಹಾಲಿನ ಉತ್ಪನ್ನಗಳು ಮತ್ತು ಬಾದಾಮಿಯು ಜತೆಗೆ ಜೀರ್ಣಿಸಿಕೊಳ್ಳಲು ಆಗದು. ಇದರಿಂದಾಗಿ ಜೀರ್ಣಕ್ರಿಯೆಗೆ ಸಮಸ್ಯೆಯಾಗುವುದು.
ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವ ಜನರು ಹಾಲಿನ ಉತ್ಪನ್ನಗಳ ಜತೆಗೆ ಬಾದಾಮಿ ಹಾಕಿಕೊಂಡು ಸೇವಿಸಿದರೆ, ಆಗ ಇದರಿಂದ ಜೀರ್ಣಕ್ರಿಯೆಗೆ ಮತ್ತಷ್ಟು ಸಮಸ್ಯೆಯಾಗುವುದು. ಹಾಲಿನ ಉತ್ಪನ್ನಗಳಲ್ಲಿ ಕೇಸಿನ್ ಎನ್ನುವ ಪ್ರೋಟೀನ್ ಅಂಶವಿದ್ದು, ಇದು ಬಾದಾಮಿಯಲ್ಲಿ ಇರುವ ಖನಿಜಾಂಶಗಳಾಗಿರುವ ಕಬ್ಬಿಣಾಂಶ ಮತ್ತು ಮೆಗ್ನಿಶಿಯಂ ಹೀರುವಿಕೆಗೆ ಸಮಸ್ಯೆಯಾಗುವುದು. ಆಯು ರ್ವೇದದ ಪ್ರಕಾರ ಬೀಜಗಳು ಮತ್ತು ಹಾಲಿನ ಉತ್ಪನ್ನಗಳನ್ನು ಜತೆಯಾಗಿ ಸೇವಿಸಿದರೆ, ಆಗ ಇದರಿಂದ ಕಫ ಉತ್ಪತ್ತಿಯು ಹೆಚ್ಚಾಗುವುದು
ಬಾದಾಮಿಯಲ್ಲಿ ನೈಸರ್ಗಿಕ ಆಕ್ಸಲೇಟ್ ಅಂಶವಿದೆ ಮತ್ತು ಇದನ್ನು ಅತಿಯಾಗಿ ಸೇವನೆ ಮಾಡಿದರೆ, ಆಗ ಇದರಿಂದ ಕಿಡ್ನಿ ಕಲ್ಲಿನ ಸಮಸ್ಯೆಯು ಕಾಡಬಹುದು. ಬಾದಾಮಿಯನ್ನು ಇತರ ಆಕ್ಸಲೇಟ್ ಅಧಿಕವಾಗಿ ಇರುವ ಆಹಾರಗಳಾಗಿರುವ ಪಾಲಕ್, ಬೀಟ್ ಅಥವಾ ಗೆಣಸಿನ ಜತೆಗೆ ಸೇವನೆ ಮಾಡಿದರೆ ಆಗ ಇದರಿಂದ ಕಿಡ್ನಿ ಕಲ್ಲು ನಿರ್ಮಾಣವಾಗುವ ಸಾಧ್ಯತೆಯು ಹೆಚ್ಚಾಗುವುದು.
ಆಕ್ಸಲೇಟ್ ಅಧಿಕವಾದರೆ, ಆಗ ಇದು ಕ್ಯಾಲ್ಸಿಯಂ ಜತೆಗೆ ಸೇರಿ ಕೊಂಡು ಕ್ಯಾಲ್ಸಿಯಂ-ಆಕ್ಸಲೇಟ್ ಕಿಡ್ನಿ ಕಲ್ಲನ್ನು ಉಂಟು ಮಾಡುವುದು. ಆಕ್ಸಲೇಟ್ ಅಧಿಕವಾಗಿದ್ದರೆ, ಆಗ ಇದರಿಂದ ಕ್ಯಾಲ್ಸಿಯಂ ಹೀರುವಿಕೆಗೆ ಸಮಸ್ಯೆಯಾಗುವುದು. ಬಾದಾಮಿ ಸೇವನೆ ಮಾಡುತ್ತಲಿದ್ದರೆ, ಆಗ ನೀವು ಆಕ್ಸಲೇಟ್ ಕಡಿಮೆ ಇರುವ ಕೇಲ್, ಕ್ಯಾಬೇಜ್ ಮತ್ತು ಸೀಬೆಕಾಯಿ ಜತೆಗೆ ಸೇವಿಸಿ
ಬಾದಾಮಿಯನ್ನು ಸಿಹಿತಿಂಡಿಗಳು, ಗ್ರಾನೊಲಾ ಬಾರ್ ಮತ್ತು ಇತರ ಕೆಲವು ಸಿಹಿ ಗಳಲ್ಲಿ ಬಳಕೆ ಮಾಡಲಾಗುತ್ತದೆ. ಆದರೆ ಈ ಸಿಹಿ ತಿಂಡಿಗಳಲ್ಲಿ ಅಧಿಕ ಮಟ್ಟದ ಸಂಸ್ಕರಿಸಿದ ಸಕ್ಕರೆ ಬಳಸಲಾಗುತ್ತದೆ. ರಿಫೈನ್ಡ್ ಸಕ್ಕರೆ ಜತೆಗೆ ಇದನ್ನು ಸೇರ್ಪಡೆ ಮಾಡಿದರೆ ಆಗ ಇದರಿದ ಚಯಾಪಚಯ ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟದ ಮೇಲೆ ಪರಿಣಾಮ ಬೀರುವುದು.
ಬಾದಾಮಿಯಲ್ಲಿ ಇರುವ ಆರೋಗ್ಯಕಾರಿ ಕೊಬ್ಬು ಸಕ್ಕರೆ ಹೀರುವಿಕೆ ನಿಧಾನವಾಗಿಸುವುದು ಮತ್ತು ಅಧಿಕವಾದ ರಿಫೈನ್ಡ್ ಸಕ್ಕರೆಯು ರಕ್ತದಲ್ಲಿನ ಸಕ್ಕರೆಯನ್ನು ಏರಿಕೆ ಮಾಡಬಹುದು. ಸಂಸ್ಕರಿಸಿದ ಸಕ್ಕರೆಯು ದೀರ್ಘ ಕಾಲಿಕ ಉರಿಯೂತ ಉಂಟು ಮಾಡಬಹುದು. ಇದರಿಂದ ಬಾದಾಮಿ ಯಲ್ಲಿರುವ ಉರಿಯೂತ ಶಮನಕಾರಿ ಗುಣಕ್ಕೆ ಅಡ್ಡ ಆಗುವುದು. ಬೀಜ ಮತ್ತು ರಿಫೈನ್ಡ್ ಸಕ್ಕರೆಯು ತೂಕ ಹೆಚ್ಚು ಮಾಡಬಹುದು.
ಸೋಯಾ ಉತ್ಪನ್ನಗಳಲ್ಲಿ ಫೈಟೇಟ್ ಅಂಶಗಳಿದ್ದು, ಇದು ಕ್ಯಾಲ್ಸಿಯಂ, ಸತು ಮತ್ತು ಕಬ್ಬಿಣಾಂಶದ ಜತೆಗೆ ಬಂಧಿಸಲ್ಪ ಡುವುದು. ಇದರಿಂದ ಹೀರುವಿಕೆಗೆ ಸಮಸ್ಯೆಯಾಗುವುದು. ಬಾದಾಮಿಯಲ್ಲಿ ಅಧಿಕ ಪ್ರಮಾಣದ ಖನಿಜಾಂಶಗಳಿದ್ದು, ಇದನ್ನು ಸೋಯಾ ಉತ್ಪನ್ನಗಳ ಜತೆಗೆ ಸೇವನೆ ಮಾಡಿದರೆ ವ್ಯತಿರಿಕ್ತವಾಗಲಿದೆ.
ಸೋಯಾ ಮತ್ತು ಬಾದಾಮಿಯಲ್ಲಿ ಫೈಟಿಕ್ ಆಮ್ಲವಿದ್ದು, ಇದು ಕಬ್ಬಿಣಾಂಶ ಮತ್ತು ಕ್ಯಾಲ್ಸಿಯಂ ಹೀರುವಿಕೆಯನ್ನು ಮಿತ ಗೊಳಿಸುವುದು. ಫೈಟೊ ಈಸ್ಟ್ರೊಜೆನ್ ಗಳನ್ನು ಅತಿಯಾಗಿ ಸೇವನೆ ಮಾಡಿದರೆ, ಆಗ ಇದರಿಂದ ಹಾರ್ಮೋನ್ ಮಟ್ಟದ ಮೇಲೆ ಪರಿಣಾಮ ಬೀರುವುದು. ಸೋಯಾ ಉತ್ಪನ್ನಗಳನ್ನು ವಿಟಮಿನ್ ಸಿ ಇರುವ ಆಹಾರಗಳ ಜತೆಗೆ ಸೇವನೆ ಮಾಡಿದರೆ ಒಳ್ಳೆಯದು.
ಬಾದಾಮಿಯನ್ನು ಉಪ್ಪಿನಾಂಶ ಅಧಿಕವಾಗಿ ಇರುವ ಆಹಾರಗ ಳಾಗಿರುವ ಚಿಪ್ಸ್, ಕುರ್ಕರೆ ಇತ್ಯಾದಿಗಳ ಜತೆಗೆ ಸೇವನೆ ಮಾಡ ಬಾರದು. ಇದು ಒಳ್ಳೆಯ ರುಚಿ ನೀಡಿದರೂ ಅತಿಯಾದ ಉಪ್ಪಿ ನಾಂಶವು ಹೃದಯದ ಆರೋಗ್ಯಕ್ಕೆ ಹಾನಿ ಉಂಟು ಮಾಡಬಹುದು. ಸೋಡಿಯಂ ಅಧಿಕವಾದರೆ ಆಗ ಇದರಿಂದ ಅಧಿಕ ರಕ್ತದೊತ್ತಡ ಸಮಸ್ಯೆಯು ಕಾಡಬಹುದು.
ಅಧಿಕ ಸೋಡಿಯಂ ಸೇವನೆಯಿಂದಾಗಿ ಹೊಟ್ಟೆ ಉಬ್ಬರ ಮತ್ತು ದ್ರವಾಂಶ ಶೇಖರಣೆ ಸಮಸ್ಯೆಯು ಕಾಡಬಹುದು. ಇದರಿಂದ ದೇಹದಲ್ಲಿ ಅಹಿತಕರ ಉಂಟಾಗಬಹುದು. ಸಂಸ್ಕರಿಸಿದ ತಿಂಡಿಗಳಲ್ಲಿ ಹೆಚ್ಚಿನ ಪ್ರಮಾಣದ ಸಂಸ್ಕರಣಗಳನ್ನು ಸೇರಿಸಲಾ ಗುತ್ತದೆ. ಅನಾರೋಗ್ಯಕರ ಕೊಬ್ಬಿನಾಂಶವು ಬಾದಾಮಿಯಲ್ಲಿನ ಪೋಷಕಾಂಶಗಳ ಹೀರುವಿಕೆಗೆ ತೊಂದರೆ ಉಂಟು ಮಾಡುವುದು. ಉಪ್ಪು ಇಲ್ಲದೆ ಇರುವ ಬೀಜಗಳು, ಒಣ ಹಣ್ಣುಗಳ ಜತೆಗೆ ಇದನ್ನು ಸೇವನೆ ಮಾಡಿ.
ಆಲ್ಕೋಹಾಲ್ ಜತೆಗೆ ಬಾದಾಮಿ ಸೇವನೆ ಮಾಡುವುದು ಒಳ್ಳೆಯದಲ್ಲ. ಇದರಿಂದ ಚಯಾಪಚಯ ಮತ್ತು ಜೀರ್ಣಕ್ರಿಯೆ ಮೇಲೆ ಪರಿಣಾಮ ಬೀರುವುದು. ಆಲ್ಕೋಹಾಲ್ ಮೂತ್ರವರ್ಧಕವಾಗಿದ್ದು, ಬಾದಾಮಿಗೆ ಜೀರ್ಣವಾಗಲು ಹೆಚ್ಚು ಹೈಡ್ರೇಷನ್ ಬೇಕಾಗುತ್ತದೆ. ಇದರ ಪರಿಣಾಮ ನಿರ್ಜಲೀಕರಣ ಮತ್ತು ಮಲಬದ್ಧತೆ ಉಂಟಾಗಬಹುದು. ಆಲ್ಕೋಹಾಲ್ ನಿಂದಾಗಿ ಚಯಾಪಚಯದ ಮೇಲೆ ಪರಿಣಾಮ ಉಂಟಾಗಬಹುದು. ಆಲ್ಕೋಹಾಲ್ ಮತ್ತು ಬಾದಾಮಿಯಲ್ಲಿ ಕ್ಯಾಲರಿ ಹೆಚ್ಚಿರುವ ಕಾರಣದಿಂಧಾಗಿ ತೂಕ ಹೆಚ್ಚಾಗಬಹುದು. ಆಲ್ಕೋಹಾಲ್ ಸೇವನೆ ಮಾಡುತ್ತಲಿದ್ದರೆ ಆಗ ಇದರ ಜತೆಗೆ ತಾಜಾ ಹಣ್ಣುಗಳು ಮತ್ತು ಸಲಾಡ್ ಗಳನ್ನು ಸೇರ್ಪಡೆ ಮಾಡಿ.
