ಕೊಹ್ಲಿ ಎಂಥಹ ಆಟಗಾರ ಅನ್ನೋದು ಎಲ್ಲರಿಗೂ ಗೊತ್ತೇ ಇದೆ. ಅಬ್ಬಬ್ಬಾ ಫೀಲ್ಡ್ ಗೆ ಬ್ಯಾಟ್ ಇಟ್ಕೊಂಡು ಎಂಟ್ರಿ ಕೊಟ್ರೆ ಆ ಎನರ್ಜಿ ನೆಕ್ಸ್ಟ್ ಲೆವಲ್ ಮರ್ರೆ. ಇನ್ನೂ ಕ್ಯಾಪ್ಟನ್ಸಿ ಬಗ್ಗೆ ಮಾತಾಡೋದಾದ್ರೆ ಅವರು ಸಹ ಆಟಗಾರರನ್ನು ನಡೆಸಿಕೊಳ್ಳೋ ರೀತಿ ಎಲ್ಲರಿಗೂ ಮಾದರಿ.
ಇಲ್ಲಿ ಕೇಳಿ ಜನರೇ, ಬೇಸಿಗೆಯಲ್ಲಿ ಬಿಪಿಯಿಂದ ತಪ್ಪಿಸಿಕೊಳ್ಳೋದು ಹೇಗೆ ಗೊತ್ತಾ!?
ಮಿನಿ ಒನ್ ಡೇ ವಿಶ್ವಕಪ್ ಗೆಲ್ಲಲು ಟೀಮ್ ಇಂಡಿಯಾದಲ್ಲಿ ತಯಾರಿ ನಡೀತಿದ್ರೆ ಇಂಗ್ಲೆಂಡ್ ಟೂರ್ಗೆ ಬಿಸಿಸಿಐ ಪ್ಲಾನ್ ರೂಪಿಸ್ತಿದೆ. ಕಿಂಗ್ ಕೊಹ್ಲಿ ಮತ್ತೊಮ್ಮೆ ಪಟ್ಟಾಭಿಷೇಕ ಮಾಡಲು ಸೀಕ್ರೆಟ್ ಪ್ಲಾನ್ ರೆಡಿಯಾಗಿದೆ.
ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ ಸೋಲಿನ ಬಳಿಕ ಶುರುವಾಗಿದ್ದ ನಾಯಕತ್ವದ ಬದಲಾವಣೆಯ ಚರ್ಚೆ ಸದ್ಯ ತಣ್ಣಗಾಗಿದೆ. ಆ ಪ್ರಕ್ರಿಯೆ ನಿಂತಿಲ್ಲ. ಸದ್ದಿಲ್ಲದೇ ಬಿಸಿಸಿಐ ವಲಯದಲ್ಲಿ ಟೆಸ್ಟ್ ತಂಡಕ್ಕೆ ನೂತನ ನಾಯಕನನ್ನ ನೇಮಿಸೋ ಕಸರತ್ತು ನಡೀತಿದೆ. ಬಾರ್ಡರ್-ಗವಾಸ್ಕರ್ ಟೆಸ್ಟ್ ಸರಣಿಯ ಅಂತಿಮ ಪಂದ್ಯದಲ್ಲಿ ಬೆಂಚ್ಗೆ ಸೀಮಿತವಾಗಿದ್ದ ರೋಹಿತ್, ಇಂಗ್ಲೆಂಡ್ ಎದುರಿನ ಟೆಸ್ಟ್ ಸರಣಿಯಿಂದಲೇ ಡ್ರಾಪ್ ಆಗೋ ಸಾಧ್ಯತೆ ದಟ್ಟವಾಗಿದೆ. ರೋಹಿತ್ಗೆ ನಾಯಕತ್ವದ ಜೊತೆಗೆ ತಂಡದಿಂದಲೂ ಕೊಕ್ ಕೊಡಲು ಮುಂದಾಗಿರೋ ಬಿಸಿಸಿಐ ಬಾಸ್ಗಳು, ಹೊಸ ನಾಯಕನ ನೇಮಕದ ವಿಚಾರದಲ್ಲಿ ಅಚ್ಚರಿಯ ನಿರ್ಧಾರ ತೆಗೆದುಕೊಳ್ಳಲು ಮುಂದಾಗಿದ್ದಾರೆ.
ಕಿಂಗ್ ಕೊಹ್ಲಿಗೆ ಟೆಸ್ಟ್ ತಂಡದ ಸಾರಥ್ಯ ವಹಿಸಲು ಬಿಸಿಸಿಐ ಬಾಸ್ಗಳು ಉತ್ಸುಕರಾಗಿದ್ದಾರೆ. ರೋಹಿತ್ ಬಳಿಕ ನಾಯಕತ್ವದ ರೇಸ್ನಲ್ಲಿದ್ದ ವೇಗಿ ಜಸ್ಪ್ರಿತ್ ಬೂಮ್ರಾಗೆ ಇಂಜುರಿಯ ಕಾಟ ಶುರುವಾಗಿದೆ. ಶುಭ್ಮನ್ ಗಿಲ್, ರಿಷಭ್ ಪಂತ್, ಯಶಸ್ವಿ ಜೈಸ್ವಾಲ್ರಂತಹ ಯುವ ಆಟಗಾರರು ಭವಿಷ್ಯದ ನಾಯಕರು ಎಂದು ಗುರುತಿಸಿಕೊಂಡಿದ್ರೂ ಈಗಲೇ ತಂಡವನ್ನ ಮುನ್ನಡೆಸುವಷ್ಟು ಸಮರ್ಥರಾಗಿಲ್ಲ. ಹೀಗಾಗಿ ಮತ್ತೆ ವಾಪಾಸ್ ಕಿಂಗ್ ಕೊಹ್ಲಿ ಮೊರೆ ಹೋಗಲು ಬಿಸಿಸಿಐ ಬಾಸ್ಗಳು ನಿರ್ಧರಿಸಿದ್ದಾರೆ.
ಮುಂದಿನ ಟೆಸ್ಟ್ ಕ್ಯಾಪ್ಟನ್ ಯಾರು? ಅನ್ನೋ ಪ್ರಶ್ನೆಗೆ ಟೀಮ್ ಇಂಡಿಯಾ ಹೆಡ್ಕೋಚ್ ಗೌತಮ್ ಗಂಭೀರ್ ಕೂಡ ವಿರಾಟ್ ಕೊಹ್ಲಿ ಅನ್ನೋ ಉತ್ತರವನ್ನೇ ನೀಡಿದ್ದಾರಂತೆ. ಬಿಸಿಸಿಐ ಜೊತೆಗಿನ ಚರ್ಚೆಯಲ್ಲಿ ಅನುಭವಿ ಕೊಹ್ಲಿಯ ಪರವಾಗಿ ಗುರು ಗಂಭೀರ್ ಬ್ಯಾಟಿಂಗ್ ನಡೆಸಿದ್ದಾರಂತೆ. ಇಷ್ಟೇ ಅಲ್ಲ. ಮತ್ತೆ ನಾಯಕತ್ವ ವಹಿಸಿಕೊಳ್ಳುವಂತೆ ಕೊಹ್ಲಿ ಜೊತೆಗೆ ಗಂಭೀರ್ ಮಾತುಕತೆಯನ್ನೂ ನಡೆಸಿದ್ದಾರೆ. ಕೊಹ್ಲಿ ಕೂಡ ಈ ವಿಚಾರದಲ್ಲಿ ಪಾಸಿಟಿವ್ ಆಗಿ ಪ್ರತಿಕ್ರಿಯೆ ನೀಡಿದ್ದಾರೆ ಎನ್ನಲಾಗಿದೆ. ಕ್ಯಾಪ್ಟನ್ ಕೊಹ್ಲಿ ಕೆಳಗಡೆ ಭವಿಷ್ಯದ ನಾಯಕನನ್ನ ಗ್ರೂಮ್ ಮಾಡೋದು ಗಂಭೀರ್ ಲೆಕ್ಕಾಚಾರವಾಗಿದೆ.
ಕೊಹ್ಲಿ ಟೀಮ್ ಇಂಡಿಯಾ ಕಂಡ ಮೋಸ್ಟ್ ಸಕ್ಸಸ್ಫುಲ್ ಟೆಸ್ಟ್ ಕ್ಯಾಪ್ಟನ್. ಟೆಸ್ಟ್ನಲ್ಲಿ ಟೀಮ್ ಇಂಡಿಯಾವನ್ನ ನಂಬರ್ 1 ಆಗಿ ಮೆರೆದಾಡುವಂತೆ ಮಾಡಿದ್ದ ಕೊಹ್ಲಿ. ವಿದೇಶಿ ನೆಲದಲ್ಲೂ ಟೀಮ್ ಇಂಡಿಯಾ ಘರ್ಜಿಸುವಂತೆ ಮಾಡಿದ್ರು. ಅದ್ರಲ್ಲೂ ಆಸ್ಟ್ರೇಲಿಯಾ, ನ್ಯೂಜಿಲೆಂಡ್, ಇಂಗ್ಲೆಂಡ್, ಸೌತ್ ಆಫ್ರಿಕಾದಂತಹ ಸೇನಾ ಕಂಟ್ರಿಗಳಲ್ಲೂ ತಂಡವನ್ನ ಯಶಸ್ವಿಯಾಗಿ ಮುನ್ನಡೆಸಿ ಗೆಲ್ಲಿಸಿದ್ರು.
ಕೊಹ್ಲಿ ನಾಯಕತ್ವದಲ್ಲಿ ಟೀಮ್ ಇಂಡಿಯಾ 68 ಟೆಸ್ಟ್ ಪಂದ್ಯಗಳನ್ನಾಡಿದ್ದು, ಇ ಪೈಕಿ 40 ಪಂದ್ಯಗಳಲ್ಲಿ ಜಯ ಸಾಧಿಸಿದೆ. 17 ಪಂದ್ಯಗಳಲ್ಲಿ ಸೋಲುಂಡಿದ್ದು, 11 ಟೆಸ್ಟ್ ಡ್ರಾನಲ್ಲಿ ಅಂತ್ಯಕಂಡಿವೆ. ಕೊಹ್ಲಿ ಒಟ್ಟಾರೆ 58.82ರ ಗೆಲುವಿನ ಸರಾಸರಿ ಹೊಂದಿದ್ದಾರೆ.
ಬಿಸಿಸಿಐ, ಟೀಮ್ ಮ್ಯಾನೇಜ್ಮೆಂಟ್ ಕೊಹ್ಲಿಗೆ ಪಟ್ಟಕಟ್ಟಲು ಉತ್ಸುಕರಾಗಿದ್ದಾರೆ. ಟೆಸ್ಟ್ ಕ್ರಿಕೆಟ್ನಲ್ಲಿ ಕೊಹ್ಲಿ ರನ್ಗಳಿಕೆಗೆ ಪರದಾಡ್ತಿದ್ದಾರೆ. ವೈಫಲ್ಯದ ಸುಳಿಗೆ ಸಿಲುಕಿರುವ ವಿರಾಟ್ ಕೊಹ್ಲಿ, ತಂಡವನ್ನ ಸಮರ್ಥವಾಗಿ ಮುನ್ನಡೆಸ್ತಾರಾ ಎಂಬ ಪ್ರಶ್ನೆಗಳು ಸಹಜವಾಗಿಯೇ ಕೇಳಿ ಬರ್ತಿವೆ.
ಟೀಮ್ ಇಂಡಿಯಾ ನಾಯಕನಾಗಿದ್ದ ಅವಧಿಯಲ್ಲಿ ಆಡಿದ 68 ಪಂದ್ಯಗಳಲ್ಲಿ 5864 ರನ್ಗಳಿಸಿದ್ದ ಕೊಹ್ಲಿ ಬರೋಬ್ಬರಿ 54.80ರ ಸರಾಸರಿ ಹೊಂದಿದ್ರು. 20 ಶತಕ ಸಿಡಿಸಿ ಮಿಂಚಿದ್ರು. ಆದ್ರೆ, ನಾಯಕತ್ವ ತ್ಯಜಿಸಿದ ಬಳಿಕ 24 ಟೆಸ್ಟ್ ಆಡಿರೋ ವಿರಾಟ್, ಕೇವಲ 268 ರನ್ಗಳಿಸಿದ್ದಾರೆ. ಕೇವಲ 32.51ರ ಸರಾಸರಿ ಹೊಂದಿದ್ದು, 3 ಶತಕ ಸಿಡಿಸಿದ್ದಾರೆ.
