ನಮ್ಮ ಹಿರಿಯರು ತಮ್ಮ ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳುವ ಸಲುವಾಗಿ ಮನೆಯಲ್ಲಿಯೇ ದೊರೆಯುತ್ತಿದ್ದ ಕೆಲವು ವಿಶೇಷವಾದ ಪದಾರ್ಥಗಳನ್ನು ಬಳಸುತ್ತಿದ್ದರು. ಇಂದಿನ ಕಾಲದಂತೆ ಯಾವುದೇ ರೀತಿಯ ಚರ್ಮ ಸಮಸ್ಯೆಯನ್ನು ಅವರು ಹೊಂದಿರಲಿಲ್ಲ. ಸೌಂದರ್ಯವನ್ನು ಹೆಚ್ಚಿಸಿಕೊಳ್ಳಲು ಸಾಕಷ್ಟು ಹಣವನ್ನು ವ್ಯಯಿಸುತ್ತಿರಲಿಲ್ಲ. ತಮ್ಮ ಸೌಂದರ್ಯದ ಗುಟ್ಟು ಮನೆಯಲ್ಲಿ ದೊರೆಯುವ ವಿಶಿಷ್ಟವಾದ ಪದಾರ್ಥಗಳಲ್ಲಿ ಅಡಗಿತ್ತು.
ಶಬರಿಮಲೆ ಅಯ್ಯಪ್ಪ ಸ್ವಾಮಿ ದರ್ಶನ ಪಡೆಯಲು ಹೊರಟ “ಬಸಪ್ಪ” : ಪ್ರಯಾಣಕ್ಕಾಗಿ ವಿಶೇಷ ಬಸ್ಸು ತಯಾರು..!
ಅವುಗಳಲ್ಲಿ ಕಡಲೆಹಿಟ್ಟು ಅಗ್ರಸ್ಥಾನವೆಂದರೆ ತಪ್ಪಾಗಲಾರದು. ಕಡಲೆಹಿಟ್ಟು ಕೇವಲ ಜಜ್ಜಿ, ಬೋಂಡಾ ತಯಾರಿಕೆಗೆ ಮಾತ್ರವಲ್ಲ ಸೌಂದರ್ಯ ಮತ್ತು ಆರೋಗ್ಯಕ್ಕೂ ಬಹಳ ಪ್ರಯೋಜನಕಾರಿ.
ಹಿಂದಿನ ಕಾಲದಿಂದಲೂ ಕಡಲೆಹಿಟ್ಟನ್ನು ಸೌಂದರ್ಯ ವರ್ಧಕವಾಗಿ ಬಳಸಲಾಗುತ್ತಿತ್ತು. ಸೋಪ್ ಕಂಡುಹಿಡಿಯುವ ಮೊದಲು ಕಡಲೆಹಿಟ್ಟನ್ನು ಸೋಪ್ ನಂತೆ ಉಪಯೋಗಿಸುತ್ತಿದ್ದರು. ಕಡಲೆ ಹಿಟ್ಟಿನಲ್ಲಿರುವ ಕೆಲವೊಂದು ಗುಣಗಳಿಂದಾಗಿ ಇಂದಿನ ದಿನಗಳಲ್ಲೂ ಕಡಲೆಹಿಟ್ಟಿನಿಂದ ತಯಾರಿಸಿದ ಸೋಪ್ ಗಳು ಮಾರುಕಟ್ಟೆಯಲ್ಲಿವೆ.
ಇನ್ನೂ ಕಡಲೆ ಹಿಟ್ಟನ್ನು ಚಳಿಗಾಲದಲ್ಲಿ ಚರ್ಮದ ಆರೈಕೆಗೆ ಬಳಸಬಹುದು. ಕಡಲೆ ಹಿಟ್ಟು ನೈಸರ್ಗಿಕ ಮತ್ತು ಸುರಕ್ಷಿತ ಪರಿಹಾರವಾಗಿದೆ. ಇದು ಚರ್ಮವನ್ನು ಶುಷ್ಕತೆಯಿಂದ ರಕ್ಷಿಸುವುದು ಮಾತ್ರವಲ್ಲದೆ ಹೊಳೆಯುವ, ಮೃದು ಮತ್ತು ಆರೋಗ್ಯಕರ ತ್ವಚೆ ಪಡೆಯಲು ಸಹಕಾರಿಯಾಗಿದೆ. ಕಡಲೆಹಿಟ್ಟನ್ನು ಮುಖಕ್ಕೆ ಹಚ್ಚುವುದರಿಂದ ಏನೆಲ್ಲ ಪ್ರಯೋಜನಗಳು ಸಿಗುತ್ತವೆ ಎಂಬುದನ್ನು ಇಲ್ಲಿ ನೋಡೋಣ.
ಚಳಿಗಾಲದಲ್ಲಿ, ಕೊಳಕು ಮತ್ತು ಸತ್ತ ಕೋಶಗಳು ಚರ್ಮದ ಮೇಲೆ ಸಂಗ್ರಹವಾಗುತ್ತವೆ. ಈ ಸಂದರ್ಭದಲ್ಲಿ, ಕಡಲೆ ಹಿಟ್ಟನ್ನು ಹಚ್ಚುವುದರಿಂದ ಮುಖವನ್ನು ಆಳವಾಗಿ ಶುದ್ಧೀಕರಿಸುತ್ತದೆ. ನೀವು ವಾರಕ್ಕೆ ಎರಡು ಬಾರಿ ಕಡಲೆ ಹಿಟ್ಟನ್ನು ಹಚ್ಚಿದರೆ, ಅದು ನಿಮ್ಮ ಚರ್ಮವನ್ನು ಮೃದುವಾಗಿಸುತ್ತದೆ.
ಉತ್ತಮ ಬಣ್ಣ ಪಡೆಯಲು ಹೆಚ್ಚಿನವರು ಪಾರ್ಲರ್ಗೆ ಹೋಗುತ್ತಾರೆ. ಅಲ್ಲಿ, ದುಬಾರಿ ಫೇಶಿಯಲ್ ಗಳು, ಬ್ಲೀಚ್. ಮತ್ತಿತರ ಕ್ರಮಗಳಿಂದ ಮುಖಕ್ಕೆ ಚಿಕಿತ್ಸೆ ನೀಡಲಾಗುತ್ತದೆ. ಆದರೆ ನೀವು ಮನೆಯಲ್ಲಿ ಕಡಲೆ ಹಿಟ್ಟನ್ನು ಹಚ್ಚಿದರೆ ಸಾಕು ಅದು ನಿಮಗೆ ನೈಸರ್ಗಿಕ ಹೊಳಪನ್ನು ನೀಡುತ್ತದೆ ಮತ್ತು ನಿಮ್ಮ ಚರ್ಮವೂ ಪರಿಶುದ್ಧವಾಗುತ್ತದೆ.
ಚಳಿಗಾಲದಲ್ಲಿ, ಚರ್ಮದ ಮೇಲೆ ಆಗಾಗ್ಗೆ ಮೊಡವೆಗಳು ಕಾಣಿಸಿಕೊಳ್ಳುತ್ತವೆ. ಈ ಕಾರಣದಿಂದಾಗಿ ಕಲೆಗಳು ಮತ್ತು ಕಲೆಗಳ ಸಮಸ್ಯೆಯೂ ಕಂಡುಬರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ಕಡಲೆ ಹಿಟ್ಟು ಪರಿಣಾಮಕಾರಿ ಪರಿಹಾರವಾಗಿದೆ. ಇದು ಚರ್ಮದಿಂದ ಹೆಚ್ಚುವರಿ ಎಣ್ಣೆಯನ್ನು ಹೀರಿಕೊಳ್ಳುತ್ತದೆ ಮತ್ತು ಮೊಡವೆಗಳನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
ಕಡಲೆ ಹಿಟ್ಟು ಚಳಿಗಾಲದಲ್ಲಿ ಮುಖದ ಶುಷ್ಕತೆಯ ಸಮಸ್ಯೆಯನ್ನು ನಿವಾರಿಸುತ್ತದೆ. ಇದು ಚರ್ಮವನ್ನು ನೈಸರ್ಗಿಕವಾಗಿ ತೇವಗೊಳಿಸುತ್ತದೆ. ಕಡಲೆ ಹಿಟ್ಟು ಹಚ್ಚಿ ಮುಖ ತೊಳೆದುಕೊಂಡರೆ ನೀವು ಫ್ರೆಶ್ ಆಗಿ ಕಾಣುವಂತೆ ಮಾಡುತ್ತದೆ.
ಕಡಲೆ ಹಿಟ್ಟು ಮತ್ತು ಅರಿಶಿಣದ ಮಿಶ್ರಣ ತಯಾರಿಸಿ ನಿಮ್ಮ ಮುಖದ ಮೇಲಿನ ಬೇಡವಾದ ಕೂದಲನ್ನು ತೆಗೆಯಬಹುದು. ಈ ಮಿಶ್ರಣವನ್ನು ಮುಖಕ್ಕೆ ಹಚ್ಚಿ ಸ್ವಲ್ಪ ಹೊತ್ತು ಬಿಟ್ಟು ನಿಧಾನವಾಗಿ ಉಜ್ಜುವುದರಿಂದ ಮುಖದಲ್ಲಿನ ಬೇಡವಾದ ಕೂದಲು ಹೊರಬರುತ್ತದೆ.
ಕಡಲೆ ಹಿಟ್ಟನ್ನು ಬಳಸುವುದು ಹೇಗೆ?
ಕಡಲೆ ಹಿಟ್ಟು ಮತ್ತು ಮೊಸರು
2 ಟೀಸ್ಪೂನ್ ಕಡಲೆ ಹಿಟ್ಟನ್ನು ಒಂದು ಚಮಚ ಹಾಲು ಅಥವಾ ಮೊಸರು ಮತ್ತು ಒಂದು ಚಿಟಿಕೆ ಅರಿಶಿನದೊಂದಿಗೆ ಬೆರೆಸಿ. ನಂತರ ಇದನ್ನು ಮುಖದ ಮೇಲೆ 15-20 ನಿಮಿಷಗಳ ಕಾಲ ಅಥವಾ ಒಣಗುವವರೆಗೆ ಬಿಡಿ. ಬಳಿಕ ನೀರಿನಿಂದ ಅಥವಾ ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ. ನೀವು ಇದನ್ನು ವಾರಕ್ಕೆ ಎರಡರಿಂದ ಮೂರು ಬಾರಿ ಹಚ್ಚಿಕೊಳ್ಳಬಹುದು.
ಕಡಲೆ ಹಿಟ್ಟು ಮತ್ತು ರೋಸ್ ವಾಟರ್:-
ನಿಮ್ಮ ಮುಖ ಒರಟಾಗಿದ್ದರೆ, ಮುಖದ ಮೇಲೆ ಸುಡುವ ಸಂವೇದನೆ ಅನುಭವಿಸುತ್ತಿದ್ದರೆ ರೋಸ್ ವಾಟರ್ ಜೊತೆಗೆ ಕಡಲೆ ಹಿಟ್ಟನ್ನು ಸೇರಿಸಿ ಹಚ್ಚಿಕೊಳ್ಳಿ. ರೋಸ್ ವಾಟರ್ ನಿಮ್ಮ ಚರ್ಮದಲ್ಲಿ ತೇವಾಂಶ ಕಾಪಾಡುತ್ತದೆ. ಇವೆರಡರ ಮಿಶ್ರಣ ನಿಮ್ಮ ಚರ್ಮವನ್ನು ಹೊಳೆಯುವಂತೆ ಮಾಡುತ್ತದೆ.
ಕಡಲೆ ಹಿಟ್ಟನ್ನು ನೀರಿನೊಂದಿಗೂ ಬೆರೆಸಿ ಹಚ್ಚಬಹುದು, ಈ ಮಿಶ್ರಣಕ್ಕೆ ೨ ಹನಿ ಜೇನು ಸೇರಿಸಿದರೆ ಉತ್ತಮ ಫಲಿತಾಂಶ ಪಡೆಯಬಹುದು.
