ಬರೋಬ್ಬರಿ ಒಂಭತ್ತು ವರ್ಷಗಳಿಂದ ಉಪ್ಪಿ ಅಭಿಮಾನಿಗಳು ಕಾಯ್ತಿದ್ದ ಆ ದಿನ ಕೊನೆಗೂ ಬಂದೇ ಬಿಟ್ಟಿದೆ. ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ಯುಐ ಸಿನಿಮಾ ಗ್ರ್ಯಾಂಡ್ ಆಗಿ ಥಿಯೇಟರ್ ಗೆ ಎಂಟ್ರಿಕೊಟ್ಟಿದ್ದು ಥಿಯೇಟರ್ ಮುಂದೆ ಉಪ್ಪಿ ಫ್ಯಾನ್ಸ್ ಹಬ್ಬ ಮಾಡ್ತಿದ್ದಾರೆ.
ಯುಐ ರಿಯಲ್ ಸ್ಟಾರ್ ಉಪೇಂದ್ರ ನಟಿಸಿ, ನಿರ್ದೇಶನ ಮಾಡ್ತಿರೋ ಪ್ಯಾನ್ ಇಂಡಿಯಾ ಸಿನಿಮಾ. ಒಂಭತ್ತು ವರ್ಷದ ನಂತರ ಉಪ್ಪಿ ನಿರ್ದೇಶನ ಮಾಡ್ತಿರೋದ್ರಿಂದ, ಸಹಜವಾಗಿಯೇ ಸಿನಿಮಾ ಮೇಲೆ ಕ್ರೇಜ್ ಹೆಚ್ಚಿದೆ.
ಕನ್ನಡ ಸೇರಿದಂತೆ ಐದು ಭಾಷೆಗಳಲ್ಲಿ ವಿಶ್ವದಾದ್ಯಂತ ಯುಐ ಬಿಡುಗಡೆ ಆಗಿದ್ದು ನಿರೀಕ್ಷೆಗೂ ಮೀರಿದ ರೆಸ್ಪಾನ್ಸ್ ಸಿಕ್ಕಿದೆ. ಸುಮಾರು 2000ಕ್ಕೂ ಅಧಿಕ ಸ್ಕ್ರೀನ್ಗಳಲ್ಲಿ ಸಿನಿಮಾ ಪ್ರದರ್ಶನ ಕಾಣುತ್ತಿದ್ದು, ಇನ್ನೂ ಹೆಚ್ಚು ಸ್ಕ್ರೀನ್ ಸೇರ್ಪಡೆ ಆಗೋ ಸಾಧ್ಯತೆಯಿದೆ ಇದೆ.
ಪ್ರೀ ರಿಲೀಸ್ ಬುಕ್ಕಿಂಗ್ನಲ್ಲಿ ಯುಐ ಹೊಸ ದಾಖಲೆ ಬರೆದಿದೆ. ಬುಕ್ಕಿಂಗ್ಸ್ ಓಪನ್ ಆದ ಕೆಲವೇ ಗಂಟೆಗಳಲ್ಲಿ ದಾಖಲೆ ಮಟ್ಟದಲ್ಲಿ ಟಿಕೆಟ್ ಸೇಲ್ ಆಗಿದ್ದು, ಬಹುತೇಕ ಶೋ ಹೌಸ್ಫುಲ್ ಆಗಿ ಪ್ರೇಕ್ಷಕರು ಮುಗಿಬಿದ್ದು ಥಿಯೇಟರ್ ಗೆ ಎಂಟ್ರಿಕೊಡ್ತಿದ್ದಾರೆ.
ಮಿಡ್ ನೈಟ್ ಶೋ ಮಾಡುವಂತೆ ಯುಐ ಸಿನಿಮಾಗೆ ಭಾರೀ ಬೇಡಿಕೆಯಿತ್ತು. ಆದ್ರೆ, ಪುಷ್ಪ 2 ಸಿನಿಮಾದಿಂದ ಮಿಡ್ ನೈಟ್ ಶೋಗಳು ನಿಲ್ಲಿಸಲಾಗಿದ್ದು, ಬೆಳಗ್ಗೆಸೂರ್ಯ ಉದಯಕ್ಕೂ ಮುನ್ನವೇ ಉಪೇಂದ್ರ ದರ್ಶನ್ ನೀಡಿದ್ದಾರೆ.
