ನಟಿ ರಶ್ಮಿಕಾ ಮಂದಣ್ಣ ಫುಲ್ ಖುಷಿಯಾಗಿದ್ದಾರೆ. ಇದಕ್ಕೆ ಕಾರಣ್ಣ ರಶ್ಮಿಕಾ ಮಂದಣ್ಣ ನಟನೆಯ ಪುಷ್ಪ 2 ಬಿಡುಗಡೆಗೆ ಸಿದ್ದವಾಗಿದೆ. ಇದೇ ಖುಷಿಯಲ್ಲಿ ದೇವರ ನಾಡು ಕೇರಳಗೆ ರಶ್ಮಿಕಾ ಭೇಟಿ ನೀಡಿದ್ದಾರೆ.
ಪುಷ್ಪಾ-2 ಚಿತ್ರದ ಪ್ರಚಾರಕ್ಕಾಗಿ ರಶ್ಮಿಕಾಗೆ ಕೇರಳಾಗೆ ಭೇಟಿ ನೀಡಿದ್ದಾರೆ. ಕೇರಳ ಅಂದ್ರೆ, ರಶ್ಮಿಕಾ ಅವರಿಗೆ ತುಂಬಾನೆ ಇಷ್ಟ ಆಗುತ್ತದೆ. ತೆಲುಗು ನಾಡಿನಲ್ಲಿ ಹೆಚ್ಚು ಪ್ರೀತಿ ಗಳಿಸಿರೋದ ರಶ್ಮಿಕಾ ಮಂದಣ್ಣ, ಕೇರಳದಲ್ಲೂ ಆ ಒಂದು ಪ್ರೀತಿಯನ್ನ ಸ್ವೀಕರಿಸಿದ್ದಾರೆ.
ರಶ್ಮಿಕಾ ಮಂದಣ್ಣ ಈ ಹಿಂದೆ ಕೇರಳಕ್ಕೆ ಒಂದು ಇವೆಂಟ್‌ಗಾಗಿಯೇ ಬಂದಿದ್ದರು. ಆ ಒಂದು ಸಮಯದಲ್ಲಿ ರಶ್ಮಿಕಾ ಅವರಿಗೆ ಇಲ್ಲಿಯ ಜನ ತೋರಿದ ಪ್ರೀತಿಗೆ ಸಖತ್ ಖುಷಿ ಪಟ್ಟಿದ್ದರು. ಆ ಪ್ರೀತಿ ಈಗ ಮತ್ತೊಮ್ಮೆ ಸಿಕ್ಕಿದೆ. ಪುಷ್ಪಾ-2 ಚಿತ್ರದ ಪ್ರಚಾರಕ್ಕೆ ಬಂದ ರಶ್ಮಿಕಾ ಮಂದಣ್ಣ ಅವರನ್ನ ಇಲ್ಲಿ ಜನರ ಅಷ್ಟೇ ಪ್ರೀತಿಯಿಂದ ಸ್ವಾಗತಿಸಿದ್ದಾರೆ.
ರಶ್ಮಿಕಾ ಕೇರಳದಲ್ಲಿ ಪುಷ್ಪಾ-2 ಚಿತ್ರವನ್ನ ಪ್ರಮೋಟ್ ಮಾಡಿದ್ದಾರೆ. ಸಿನಿಮಾದ ಈ ಒಂದು ಪ್ರಚಾರಕ್ಕೆ ದೊಡ್ಡ ಇವೆಂಟ್ ಕೂಡ ಇಲ್ಲಿ ಮಾಡಲಾಗಿದೆ. ಮೊನ್ನೆ ಚೆನ್ನೈಯಲ್ಲಿ ಮಾಡಿರೋ ರೀತಿನೇ ಇಲ್ಲೂ ಪುಷ್ಪಾ-2 ಚಿತ್ರದ ಕಾರ್ಯಕ್ರಮ ನಡೆದಿದೆ.
ಕಾರ್ಯಕ್ರಮಕ್ಕೆ ರಶ್ಮಿಕಾ ಮಂದಣ್ಣ ಹಳದಿ ಸೀರೆಯುಟ್ಟು ತುಂಬಾನೆ ಸುಂದರವಾಗಿಯೇ ರೆಡಿ ಆಗಿದ್ದಾರೆ. ಇದೇ ಖುಷಿಯಲ್ಲಿ ರಶ್ಮಿಕಾ ಒಂದಷ್ಟು ಪೋಸ್‌ಗಳನ್ ಕೊಟ್ಟಿದ್ದಾರೆ. ಹಾಗೆ ಈ ಎಲ್ಲ ಫೋಟೋಗಳನ್ನ ತಮ್ಮ ಸೋಷಿಯಲ್ ಮೀಡಿಯಾ ಪೇಜ್‌ನಲ್ಲೂ ಹಂಚಿಕೊಂಡಿದ್ದಾರೆ.
ಈ ದಿನ ನಾನು ಕೊಚ್ಚಿಯಲ್ಲಿಯೇ ಇದ್ದೇನೆ. ಇಲ್ಲಿಗೆ ಬಂದಾಗ ನೀವು ತೋರಿದ ಪ್ರೀತಿಯನ್ನ ನಾನು ಎಂದೂ ಮರೆಯೋದಿಲ್ಲ. ನಿಮ್ಮ ಈ ಪ್ರೀತಿಯಿಂದ ನನಗೆ ತುಂಬಾನೆ ಖುಷಿ ಆಗುತ್ತದೆ ಎಂದು ರಶ್ಮಿಕಾ ಬರೆದುಕೊಂಡಿದ್ದಾರೆ.
ನನಗೆ ನೋವು ತೋರುವ ಪ್ರೀತಿ ಮತ್ತು ಬೆಂಬಲ ಖುಷಿಕೊಡುತ್ತದೆ. ಹಾಗಾಗಿಯೇ ನಿಮ್ಮ ಈ ಪ್ರೀತಿಗೆ ನಾನು ನಿಮ್ಮನ್ನ ಅಷ್ಟೇ ಪ್ರೀತಿಯಿಂದಲೇ ನೋಡುತ್ತೇನೆ ಅಂತಲೇ ರಶ್ಮಿಕಾ ಇಲ್ಲಿ ಬರೆದುಕೊಂಡಿದ್ದಾರೆ.
ಡಿಸೆಂಬರ್-5 ರಂದು ನಿಮ್ಮ ಪುಷ್ಪಾ-2 ಚಿತ್ರ ಬರುತ್ತದೆ. ಇದು ನಿಮಗೆ ನಿರಾಶೆ ಮಾಡೋದೇ ಇಲ್ಲ. ನೀವು ಬಂದು ಈ ಚಿತ್ರವನ್ನ ನೋಡಿ ಎಂದಿದ್ದಾರೆ.
