ಟಾಲಿವುಡ್ ನಟ, ಬಾಹುಬಲಿ ಸಿನಿಮಾ ಖ್ಯಾತಿಯ ಕುಮಾರ ವರ್ಮ ಕೊನೆಗೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. 47ನೇ ವಯಸ್ಸಿನಲ್ಲಿ ಮದುವೆಯಾಗಿರುವ ಕುಮಾರ ವರ್ಮ ಮದುವೆ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡ ಮದುವೆಯ ಫೋಟೋದಲ್ಲಿ, ಸುಬ್ಬರಾಜು ಧೋತಿ ಮತ್ತು ಕುರ್ತಾದಲ್ಲಿಕಾಣುತ್ತಿದ್ದರೆ, ವಧು ಕೆಂಪು ರೇಷ್ಮೆ ಸೀರೆಯಲ್ಲಿ ಸಖತ್‌ ಆಗಿ ಕಂಡಿದ್ದಾರೆ. ‘ಕೊನೆಗೂ ಮದುವೆಯಾದೆ’ ಎಂದಷ್ಟೆ ಬರೆದುಕೊಂಡಿದ್ದಾರೆ. ಇನ್ನೂ ಕುಮಾರ ವರ್ಮ ಸುಬ್ಬರಾಜು ಅವರು ಮದುವೆಯಾದ ಹುಡುಗಿ ಹೆಸರು ಶ್ರವಂತಿ. ಸುಬ್ಬರಾಜು ಪತ್ನಿಯ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ.
ಹೌದು, ಕನ್ನಡದ ನಮ್ಮಣ್ಣ, ಗಜ, ಸತ್ಯ ಇನ್ ಲವ್, ಸಂಚಾರಿ, ರೋಗ್ ಸಿನಿಮಾಗಳಲ್ಲಿ ಸುಬ್ಬರಾಜು ನಟಿಸಿದ್ದಾರೆ. ಹಿಂದಿಯಲ್ಲಿ ಅಮಿತಾಬ್ ಬಚ್ಚನ್ ನಾಯಕರಾಗಿರುವ ಬುಡ್ಡ ಹೋಗ ತೇರ ಬಾಪ್ ಎಂಬ ಸಿನಿಮಾದಲ್ಲಿಯೂ ನಟಿಸಿ ಸೈ ಎನಿಸಿಕೊಂಡಿದ್ದಾರೆ. ತೆಲುಗಿನ ನಟ ಸುಬ್ಬರಾಜು, ಕನ್ನಡ, ಹಿಂದಿ, ತಮಿಳು, ಮಲಯಾಳಂ ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ. ವರ್ಷಕ್ಕೆ ಸರಿ ಸುಮಾರು 10 ರಿಂದ 12 ಸಿನಿಮಾಗಳಲ್ಲಿ ನಟಿಸುತ್ತಿರುವ ಕುಮಾರ್ ವರ್ಮ ಸುಬ್ಬರಾಜು ಈಗ ತಮ್ಮ 47ನೇ ವಯಸ್ಸಿನಲ್ಲಿ ಮದುವೆ ಆಗಿದ್ದಾರೆ.
