ಬೆಂಗಳೂರು: ಕೇಂದ್ರ ಸಚಿವ ಹೆಚ್ ಡಿ ಕುಮಾರಸ್ವಾಮಿ ಅವರ ಕೊಚ್ಚೆ ಎಂಬ ಹೇಳಿಕೆಗೆ ಮಾಗಡಿ ಬಾಲಕೃಷ್ಣ ತಿರುಗೇಟು ನೀಡಿದ್ದಾರೆ. ಬೆಂಗಳೂರಿನಲ್ಲಿ ಮಾತನಾಡಿದ ಅವರು, ಹಿಂದೆ ನನ್ನ ಮುಖ್ಯಮಂತ್ರಿ ಮಾಡಿದವರು ಚೆಲುವರಾಯಸ್ವಾಮಿ, ಪುಟ್ಟಣ್ಣ, ಜಮೀರ್ ಅಂತ ಇದೇ ಕುಮಾರಣ್ಣ ಹೇಳಿದ್ದರು. ಆಗ ಕೊಚ್ಚೆ ಆಗಿರಲಿಲ್ಲ, ಈಗ ಕೊಚ್ಚೆ ಆಗಿದ್ದೀವಾ ಎಂದು ಪ್ರಶ್ನಿಸಿದರು. ನಮ್ಮನ್ನು ತಬ್ಬಿಕೊಂಡ ಮೇಲೆ ನಾವೂ ಕೊಚ್ಚೆ, ಅವರೂ ಕೊಚ್ಚೆ ಎಂದು ಸೂಕ್ಷ್ಮ ತಿರುಗೇಟು ನೀಡಿದ್ರು. ದೇವೇಗೌಡ್ರಂತ ಉನ್ನತ ಸ್ಥಾನದಲ್ಲಿ ಇರುವವರು ಡಿ.ಕೆ.ಶಿವಕುಮಾರ್ ಗೆ ಎಂತೆಂಥ ಪದ ಬಳಸಿದರು. ಜಮೀರ್ ಕೂಡ ಹಾಗೇ ಹೇಳಬಾರದಿತ್ತು. ಆದರೆ ಅದನ್ನು ಮಾತ್ರ ಹೈಪ್ ಮಾಡಿದ್ದೀರಿ. ಕುಮಾರಸ್ವಾಮಿಗೆ ಹಿಂದೆ ನಾವೆಲ್ಲ ಪನ್ನೀರ್ ಆಗಿದ್ವಿ, ಈಗ ಕೊಚ್ಚೆ ಆಗಿದ್ದೀವಿ. ಒಕ್ಕಲಿಗ ನಾಯಕರನ್ನು ತುಳಿಯುವ ಕೆಲಸ ಮಾಡಿದ್ರು ಕುಮಾರಸ್ವಾಮಿ, ದೊಡ್ಡ ತಿಮಿಂಗಿಲಗಳು ಸಣ್ಣ ಮೀನು ನುಂಗಿದ ಹಾಗೆ ನಮ್ಮನ್ನೆಲ್ಲ ಕುಮಾರಸ್ವಾಮಿ ನುಂಗಿ ಹಾಕಿಕೊಂಡರು ಎಂದು ವಾಗ್ಧಾಳಿ ನಡೆಸಿದರು.
ಪ್ರಧಾನಿ ಮೋದಿ ಪ್ರಯಾಣಿಸುತ್ತಿದ್ದ ವಿಮಾನದಲ್ಲಿ ತಾಂತ್ರಿಕ ದೋಷ
