ಥಿಯೇಟರ್ ನಲ್ಲಿ ಹಿಟ್ ಆದ ಸಿನಿಮಾಗಳು ಬಳಿಕ ಒಟಿಟಿಯಲ್ಲೂ ಕಮಾಲ್ ಮಾಡ್ತಾರೆ. ಕೆಲವೊಂದು ಸಿನಿಮಾಗಳು ನೇರವಾಗಿಯೇ ಒಟಿಟಿಗೆ ಎಂಟ್ರಿಕೊಡ್ತಾವೆ. ಕೆಲವೊಮ್ಮೆ ಒಟಿಟಿಯವರು ಕೂಡ ಸಿನಿಮಾನ ಖರೀದಿಸುವುದಿಲ್ಲ. ಆದರೆ, ಖ್ಯಾತ ನಿರ್ದೇಶಕ ಶಂಕರ್ ಅವರ ಚಿತ್ರವೊಂದು ನೇರವಾಗಿ ಒಟಿಟಿಗೆ ಬರುತ್ತಿದ್ದು ಇದು ಖ್ಯಾತ ನಿರ್ದೇಶಕನಿಗೆ ದೊಡ್ಡ ಅವಮಾನವಾಗಿದೆ. ‘ಇಂಡಿಯನ್ 2’ ಸೋಲಿನ ಬಳಿಕ ‘ಇಂಡಿಯನ್ 3’ ಚಿತ್ರವನ್ನು ಥಿಯೇಟರ್ಲ್ಲಿ ರಿಲೀಸ್ ಮಾಡದೆ ಒಟಿಟಿಯಲ್ಲಿ ಬಿಡುಗಡೆ ಮಾಡುವ ನಿರ್ಣಯ ಕೈಗೊಳ್ಳಲಾಗಿದೆ.
ತಮಿಳು ಚಿತ್ರ ನಿರ್ದೇಶಕ ಶಂಕರ್ ಗರಂ ಆಗಿದ್ದಾರೆ. ಸೂಪರ್ ಹಿಟ್ ಸಿನಿಮಾಗಳ ಸರದಾರ ಇದೀಗ ಸೋಲಿನ ಸುಳಿಗೆ ಸಿಲುಕಿದ್ದಾರೆ. ತಾನಾಯ್ತು ತನ್ನ ಸಿನಿಮಾ ಆಯ್ತು ಎಂದು ಇರುವ ಶಂಕರ್ ಗೆ ಇಂಡಿಯನ್ ಸಿನಿಮಾದ ಸೋಲನ್ನು ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ.ಭಾರೀ ನಿರೀಕ್ಷೆ ಮೂಡಿಸಿದ್ದ ‘ಇಂಡಿಯನ್-2’ ಸಿನಿಮಾ ನೆಲಕಚ್ಚಿತ್ತು. ಸದ್ಯ ‘ಇಂಡಿಯನ್-3’ ಹಾಗೂ ತೆಲುಗಿ ‘ಗೇಮ್ ಚೇಂಜರ್’ ಸಿನಿಮಾಗಳನ್ನು ತೆರೆಗೆ ತರುವ ಸನ್ನಾಹದಲ್ಲಿದ್ದಾರೆ.
‘ಇಂಡಿಯನ್ 2’ ಸಿನಿಮಾದಲ್ಲಿ ಖ್ಯಾತ ನಟ ಕಮಲ್ ಹಾಸನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಸಿನಿಮಾ ಹಿಂದೆಂದಿಗಿಂತಲೂ ದೊಡ್ಡ ಮಟ್ಟದಲ್ಲಿ ಟ್ರೋಲ್ ಆಯಿತು. ‘ಇಂಡಿಯನ್’ ಸಿನಿಮಾ ದೊಡ್ಡ ಗೆಲುವು ಕಂಡಿತ್ತು. ಅದಕ್ಕೆ ವಿರುದ್ಧವಾಗಿ ‘ಇಂಡಿಯನ್ 2’ ಚಿತ್ರ ಇತ್ತು. ಈಗ ‘ಇಂಡಿಯನ್ 3’ ನೇರವಾಗಿ ಒಟಿಟಿಗೆ ಲಗ್ಗೆ ಇಡುತ್ತಿದೆ.
ಸದ್ಯ ಚಿತ್ರತಂಡದಿಂದ ಈ ಬಗ್ಗೆ ಯಾವುದೇ ಅಧಿಕೃತ ಘೋಷಣೆ ಆಗಿಲ್ಲ. ‘ಇಂಡಿಯನ್ 3’ ಸಿನಿಮಾ ಬರುತ್ತದೆಯೋ ಅಥವಾ ಇಲ್ಲವೋ ಎಂಬ ಬಗ್ಗೆ ಕೆಲವರಿಗೆ ಅನುಮಾನ ಮೂಡಿದೆ. ಈ ವಿಚಾರದಲ್ಲಿ ಸೋಶಿಯಲ್ ಮೀಡಿಯದಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿತ್ತು, ಆದರೆ ಈಗ ಅನುಮಾನಕ್ಕೆ ತೆರೆ ಬಿದ್ದಿದ್ದು, ‘ಇಂಡಿಯನ್ 3’ ನೇರ ಒಟಿಟಿಗೆ ಬರುವುದು ಖಚಿತವಾಗಿದೆ.
‘ಜಂಟಲ್‌ಮನ್’, ‘ಕಾದಲನ್’, ‘ಇಂಡಿಯನ್’, ‘ಮುದಲ್ವನ್’, ‘ಬಾಯ್ಸ್’, ‘ಅನ್ನಿಯನ್’, ‘ಶಿವಾಜಿ’, ‘ರೋಬೊ’ ರೀತಿಯ ಅದ್ಭುತ ಸಿನಿಮಾಗಳನ್ನು ಶಂಕರ್ ಕಟ್ಟಿಕೊಟ್ಟಿದ್ದಾರೆ. ತೆರೆಮೇಲೆ ವಿಭಿನ್ನ ಪ್ರಯೋಗಗಳನ್ನು ಮಾಡಿ ಗೆದ್ದಿದ್ದಾರೆ. ದಶಕಗಳ ಹಿಂದೆಯೇ ಬಾಲಿವುಡ್ ಮಂದಿ ಸೌತ್ ಸಿನಿಇಂಡಸ್ಟ್ರಿ ಕಡೆ ತಿರುಗಿ ನೋಡುವಂತೆ ಮಾಡಿದವರು ಶಂಕರ್. ಆದರೆ ಇತ್ತೀಚೆಗೆ ಶಂಕರ್ ಅವರು ನಿಧಾನವಾಗಿ ಚಾರ್ಮ್ ಕಳೆದುಕೊಳ್ಳೋಕೆ ಆರಂಭಿಸಿದರು. ಶಂಕರ್ ಮ್ಯಾಜಿಕ್ ಮೊದಲಿನ ರೀತಿ ಇಲ್ಲ. ಕಮಲ್ ಹಾಸನ್ ಅವರು ಸದ್ಯ ಬೇರೆ ಬೇರೆ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದಾರೆ. ಅವರು ‘ಇಂಡಿಯನ್ 3’ ಚಿತ್ರಕ್ಕೆ ಡೇಟ್ ಕೊಡಲು ಮನಸ್ಸು ಮಾಡುತ್ತಾರೋ ಅಥವಾ ಇಲ್ಲವೋ ಎಂಬುದನ್ನು ಕಾದು ನೋಡಬೇಕಿದೆ.
ಶಂಕರ್ ಅವರು ‘ಗೇಮ್ ಚೇಂಜರ್’ ಸಿನಿಮಾ ಕೆಲಸಗಳಲ್ಲಿ ಬ್ಯುಸಿ ಇದ್ದು ರಾಮ್ ಚರಣ್ ಹಾಗೂ ಕಿಯಾರಾ ಅಡ್ವಾಣಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ತಿದ್ದಾರೆ. ಈ ಸಿನಿಮಾ ಸೆಟ್ಟೇರಿ ಬಹಳ ಸಮಯವೇ ಕಳೆದಿದ್ದು ಈ ಬಗ್ಗೆ ಫ್ಯಾನ್ಸ್ ಆತಂಕದಲ್ಲಿದ್ದಾರೆ.
