ಇಸ್ರೋ ಹೊಸ ಹೊಸ ತಂತ್ರಜ್ಞಾನದ ಮೂಲಕ ದೇಶ ವಿದೇಶಿಗರು ಕೂಡ ಭಾರತವನ್ನು ತಿರುಗಿ ನೋಡುವಂತಾಗಿದೆ. ಚಂದ್ರಯಾನ 3 ಯಶಸ್ಸಿನ ನಂತರ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಶುಕ್ರಗ್ರಹಕ್ಕೆ ಹೋಗಲು ಸಿದ್ಧತೆ ನಡೆಸುತ್ತಿದೆ. ಈ ಕಾರ್ಯಾಚರಣೆಯಲ್ಲಿ ಬಾಹ್ಯಾಕಾಶ ನೌಕೆಯು ಶುಕ್ರನನ್ನು ತಲುಪಲು 112 ದಿನಗಳನ್ನು ತೆಗೆದುಕೊಳ್ಳುತ್ತದೆ ಎಂದು ಇಸ್ರೋ ತಿಳಿಸಿದೆ.
ಇದಕ್ಕೆ ವೀನಸ್ ಆರ್ಬಿಟರ್ ಮಿಷನ್ ಎಂದು ನಾಮಕರಣ ಮಾಡಿದ್ದು ಇಸ್ರೋ ಈ ನೌಕೆಯ ಉಡಾವಣೆ ದಿನಾಂಕವನ್ನು ಪ್ರಕಟಿಸಿದೆ. ಇದು ಶುಕ್ರವನ್ನು ತಲುಪುವ ಭಾರತದ ಮೊದಲ ಮಿಷನ್ ಆಗಿದೆ. ಮಿಷನ್ ಶುಕ್ರನ ವಾತಾವರಣ, ಮೇಲ್ಮೈ ಮತ್ತು ಭೂವೈಜ್ಞಾನಿಕ ಲಕ್ಷಣಗಳನ್ನು ಅಧ್ಯಯನ ಮಾಡುವ ಗುರಿಯನ್ನು ಹೊಂದಿದೆ. ಈ ಮಿಷನ್‌ಗಾಗಿ ಭಾರತ ಸರ್ಕಾರವು 1,236 ಕೋಟಿ ರೂಪಾಯಿಗಳನ್ನು ಮಂಜೂರು ಮಾಡಿದೆ.
ಶುಕ್ರಯಾನ್-1 ಅನ್ನು ಮಾರ್ಚ್ 29, 2028 ರಂದು ಉಡಾವಣೆ ಮಾಡಲಾಗುವುದು ಎಂದು ಇಸ್ರೋ ಹೇಳಿದೆ. ಈ ಮಿಷನ್ ಶುಕ್ರನನ್ನು ಅಧ್ಯಯನ ಮಾಡಲು ವಿನ್ಯಾಸಗೊಳಿಸಲಾಗಿದೆ. ಇದು ಶುಕ್ರಗ್ರಹಕ್ಕೆ ಹೋಗಲು ಭಾರತದ ಮೊದಲ ಪ್ರಯತ್ನವಾಗಿದೆ. ಇಸ್ರೋದ ಶಕ್ತಿಶಾಲಿ LVM-3 (ಲಾಂಚ್ ವೆಹಿಕಲ್ ಮಾರ್ಕ್ 3) ರಾಕೆಟ್ ಈ ಕಾರ್ಯಾಚರಣೆಯಲ್ಲಿ ಬಳಸಲಾಗುವುದು. ನೌಕೆಯು ಉಡಾವಣೆಯಾದ 112 ದಿನಗಳ ನಂತರ ಜುಲೈ 19, 2028 ರಂದು ಶುಕ್ರದ ಮೇಲ್ಮೈ ತಲುಪುತ್ತದೆ. ಬಾಹ್ಯಾಕಾಶ ಲೋಕದಲ್ಲಿ ಎಲ್ಲರ ಗಮನ ಸೆಳೆಯುತ್ತಿರುವ ಇಸ್ರೋಗೆ ಇದು ದೊಡ್ಡ ಯಶಸ್ಸು ತಂದುಕೊಡಲಿದೆ.
ಮಿಷನ್ VOM ಶುಕ್ರನ ವಾತಾವರಣ, ಮೇಲ್ಮೈ, ಭೂವೈಜ್ಞಾನಿಕ ಲಕ್ಷಣಗಳನ್ನು ಅಧ್ಯಯನ ಮಾಡುವ ಗುರಿ ಹೊಂದಿದೆ. ಮಿಷನ್‌ನ ಪ್ರಾಥಮಿಕ ಉದ್ದೇಶಗಳು ಶುಕ್ರನ ವಾತಾವರಣದ ಸಂಯೋಜನೆ, ಮೇಲ್ಮೈ ಲಕ್ಷಣಗಳು, ಜ್ವಾಲಾಮುಖಿ ಮತ್ತು ಭೂಕಂಪನ ಪ್ರಕ್ರಿಯೆಗಳನ್ನು ಅರ್ಥಮಾಡಿಕೊಳ್ಳುವುದು. ಬಾಹ್ಯಾಕಾಶ ನೌಕೆಯು ಕೃತಕ ಪೋರ್ಟಲ್ ರಾಡಾರ್, ಇನ್ಫಾರೆಡ್, ಅಲ್ಟ್ರಾವಾಯ್ಲೆಟ್ ಕ್ಯಾಮೆರಾಗಳು, ಸೆನ್ಸಾರ್ಗಳು ಸೇರಿದಂತೆ ಸುಧಾರಿತ ಸಾಧನಗಳನ್ನು ಶುಕ್ರವನ್ನು ಅಧ್ಯಯನ ಮಾಡಲು ಆರ್ಬಿಟರ್ ಒಯ್ಯುತ್ತದೆ. ಈ ಉಪಕರಣಗಳು ವಿಜ್ಞಾನಿಗಳಿಗೆ ಶುಕ್ರನ ದಟ್ಟವಾದ, ಇಂಗಾಲದ ಡೈಆಕ್ಸೈಡ್ – ಸಮೃದ್ಧ ವಾತಾವರಣ ಮತ್ತು ಗ್ರಹದ ಮೇಲ್ಮೈಯಲ್ಲಿ ಸಕ್ರಿಯ ಜ್ವಾಲಾಮುಖಿಗಳ ಸಾಧ್ಯತೆಯಂತಹ ರಹಸ್ಯಗಳನ್ನು ಬಿಚ್ಚಿಡಲು ಸಹಕಾರಿಯಾಗಲಿದೆ.
