ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದ ಫಾಸ್ಟ್ ಬೌಲರ್‌ ಆಕಾಶ್ ದೀಪ್‌ಗೆ, ಟೀಮ್ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ತಮ್ಮ ಬ್ಯಾಟ್‌ ಗಿಫ್ಟ್‌ ಕೊಟ್ಟಿದ್ದಾರೆ. ಭಾರತದ ಟೆಸ್ಟ್ ಕ್ರಿಕೆಟ್ ತಂಡ ಸದ್ಯ ಪ್ರವಾಸಿ ಬಾಂಗ್ಲಾದೇಶ ಎದುರು 2 ಪಂದ್ಯಗಳ ಟೆಸ್ಟ್ ಕ್ರಿಕೆಟ್ ಸರಣಿಯನ್ನು ಆಡಲು ಸಜ್ಜಾಗುತ್ತಿದೆ. ಈ ಸಂದರ್ಭದಲ್ಲಿ ಪ್ರಥಮ ಟೆಸ್ಟ್‌ಗೆ ಭಾರತ ತಂಡಕ್ಕೆ ಆಯ್ಕೆಯಾಗಿರುವ ಆರ್‌ಸಿಬಿ ಫಾಸ್ಟ್ ಬೌಲರ್‌ ಆಕಾಶ್ ದೀಪ್‌ ಅವರನ್ನು ಹುರಿದುಂಬಿಸಲು ಆರ್‌ಸಿಬಿ ಮಾಜಿ ನಾಯಕ ವಿರಾಟ್‌ ಕೊಹ್ಲಿ ತಮ್ಮ ಬ್ಯಾಟ್‌ ಉಡುಗೊರೆಯಾಗಿ ನೀಡಿದ್ದಾರೆ.
HSRP ಅಳವಡಿಸದ ವಾಹನ ಸವಾರರಿಗೆ ಕೊಂಚ ರಿಲೀಫ್‌: ನ.20 ರವರೆಗೆ ಅವಧಿ ವಿಸ್ತರಣೆ
ಟೀಮ್ ಇಂಡಿಯಾ ಮಾಜಿ ನಾಯಕ ವಿರಾಟ್‌ ಕೊಹ್ಲಿ, ಆಗಾಗ ಯುವ ಮಹತ್ತು ಸಹ ಆಟಗಾರರನ್ನು ಹುರಿದುಂಬಿಸಲು ತಮ್ಮ ಬ್ಯಾಟ್‌ ಗಿಫ್ಟ್‌ ಮಾಡುತ್ತಾ ಬಂದಿದ್ದಾರೆ. ಈ ಮೊದಲು ಐಪಿಎಲ್‌ ಸ್ಟಾರ್‌ಗಲಾದ ರಿಂಕು ಸಿಂಗ್‌ ಮತ್ತು ರಾಹುಲ್‌ ತೆವಾಟಿಯಾಗೆ ಬ್ಯಾಟ್‌ ಕೊಟ್ಟಿದ್ದರು. ಬಳಿಕ ವಿರಾಟ್‌ ಕೊಹ್ಲಿ ಅವರಿಂದ ಬ್ಯಾಟ್‌ ಪಡೆದ ಕರ್ನಾಟಕದ ಯುವ ವೇಗದ ಬೌಲರ್‌ ವೈಶಾಕ್‌ ವಿಜಯ್‌ ಕುಮಾರ್‌, ದುಲೀಪ್ ಟ್ರೋಫಿ ಟೂರ್ನಿಯಲ್ಲಿ ಅದೇ ಬ್ಯಾಟ್‌ನಿಂದ ಫಿಫ್ಟಿ ಬಾರಿಸಿ ಗಮನ ಸೆಳೆದಿದ್ದರು.
ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಯ ಮೊದಲ ಪಂದ್ಯಕ್ಕೂ ಆಯ್ಕೆಯಾಗಿದ್ದಾರೆ. ಪ್ರತಿ ಸ್ಪರ್ಧಿಗಳಾದ ಪ್ರಸಿಧ್‌ ಕೃಷ್ಣ, ನವದೀಪ್ ಸೈನಿ, ಮುಖೇಶ್‌ ಕುಮಾರ್‌, ಖಲೀಲ್‌ ಅಹ್ಮದ್‌ ಅಂತಹ ಬೌಲರ್‌ಗಳಿಗೆ ಸಡ್ಡು ಹೊಡೆದು ಆಕಾಶ್ ದೀಪ್‌ ಭಾರತದ ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆಯುವಲ್ಲಿ ಸಫಲರಾಗಿದ್ದಾರೆ. 2024ರ ಸಾಲಿನ ದುಲೀಪ್ ಟ್ರೋಫಿ ಟೂರ್ನಿಯ ಮೊದಲ ಸುತ್ತಿನ ಪಂದ್ಯದಲ್ಲಿ ಆಕಾಶ್ ಭರ್ಜರಿ ಪ್ರದರ್ಶನ ನೀಡಿದ್ದರು.
