ಸಾಕಷ್ಟು ಆರೋಗ್ಯಕರ ಅಭ್ಯಾಸಗಳು ಕೂಡ ಕೆಲವೊಮ್ಮೆ ವಿಪರೀತವಾದರೆ ತೊಂದರೆ ತಪ್ಪಿದ್ದಲ್ಲ. ಇದರ ಜೊತೆ ಅನಾರೋಗ್ಯಕರ ಅಭ್ಯಾಸಗಳು ಸೇರಿಕೊಂಡರೆ ಮುಗಿಯಿತು. ಈ ಲೇಖನದಲ್ಲಿ ಪುರುಷರ ವೀರ್ಯಾಣುಗಳ ಸಂತತಿಯನ್ನು ಕಡಿಮೆ ಮಾಡುವ ಕೆಲವೊಂದು ಹವ್ಯಾಸಗಳ ಬಗ್ಗೆ ತಿಳಿಸಿಕೊಟ್ಟಿದ್ದೇವೆ.
ಚೀಸ್ ತಿನ್ನುವುದು
ನಮಗೆಲ್ಲ ಚೀಸ್ ಎಂದರೆ ಬಹಳ ಇಷ್ಟ. ಆದರೆ ಇಷ್ಟ ಎನ್ನುವ ಕಾರಣಕ್ಕೆ ಅತಿಯಾಗಿ ಇದನ್ನು ತಿನ್ನಲು ಹೋದರೆ ಕಷ್ಟ. ಹೌದು ಹೀಗೊಂದು ಅಮೇರಿಕಾದ ಸಂಶೋಧನೆ ಇದನ್ನು ದೃಢಪಡಿಸಿದೆ.ಯಾರು ಈ ಹಿಂದೆ ಮದ್ಯಪಾನ ಅಥವಾ ಧೂಮಪಾನ ಅಭ್ಯಾಸ ಮಾಡಿಕೊಂಡಿದ್ದರು ಅಥವಾ ಈಗಲೂ ಸಹ ಅದೇ ಅಭ್ಯಾಸವನ್ನು ಮುಂದುವರಿಸುತ್ತಿದ್ದಾರೆ, ಹೆಚ್ಚು ಪ್ರಮಾಣದಲ್ಲಿ ಕೊಬ್ಬಿನ ಅಂಶವನ್ನು ಸೇವನೆ ಮಾಡುತ್ತಿದ್ದಾರೆ ಅಂತಹವರಿಗೆ ವೀರ್ಯಾಣುಗಳ ಸಂತತಿ ಕಡಿಮೆಯಾಗುತ್ತದೆ ಮತ್ತು ಅವುಗಳ ಗುಣಮಟ್ಟ ಕೂಡ ತಗ್ಗುತ್ತದೆ ಎಂದು ಹೇಳಿದ್ದಾರೆ. ಹಾಗಾಗಿ ಇವುಗಳಿಂದ ಯಾರು ದೂರ ಉಳಿಯುತ್ತಾರೆ ಅಂತಹ ಪುರುಷರಿಗೆ ವೀರ್ಯಾಣುಗಳ ಸಂತತಿ ಚೆನ್ನಾಗಿರುತ್ತದೆ.
ಸಕ್ಕರೆ ಬೆರೆಸಿದ ಪಾನೀಯಗಳು
ಅಂಗಡಿಗಳಲ್ಲಿ ಮತ್ತು ಬೇಕರಿಗಳಲ್ಲಿ ಸಿಗುವಂತಹ ಸಕ್ಕರೆ ಮಿಶ್ರಿತ ಸಿಹಿ ಪಾನೀಯಗಳ ನಿರಂತರ ಸೇವನೆ ಮುಂದುವರೆದರೆ ಅದರಿಂದಲೂ ಸಹ ಪುರುಷರ ವೀರ್ಯಾಣುಗಳ ಗುಣಮಟ್ಟ ಕುಸಿಯುತ್ತದೆ. ಏಕೆಂದರೆ ವೀರ್ಯಾಣುಗಳ ಉತ್ಪತ್ತಿಗೆ ಸಂಬಂಧಪಟ್ಟಂತೆ ಇರುವ follicle stimulating hormone ಕಡಿಮೆಯಾಗುತ್ತದೆ. ಈ ಮಾಹಿತಿಯನ್ನು ಈಗಾಗಲೇ ಒಂದು ಸಂಶೋಧನೆಯ ಅಧ್ಯಯನದ ವರದಿಯಲ್ಲಿ ಬಿತ್ತರಿಸಲಾಗಿದೆ.
ಬಿಸಿನೀರಿನ ಸ್ನಾನ
ಪುರುಷರಿಗೆ ಪ್ರತಿ ದಿನ ಬಿಸಿ ನೀರಿನ ಸ್ನಾನ ಕೂಡ ಅಷ್ಟು ಒಳ್ಳೆಯದಲ್ಲ. ಏಕೆಂದರೆ ಇದು ದೇಹದ ತಾಪಮಾನವನ್ನು ಹೆಚ್ಚು ಮಾಡುತ್ತದೆ ಮತ್ತು ವಿಶೇಷವಾಗಿ ವೃಷಣಗಳ ಭಾಗದಲ್ಲಿ ತಾಪಮಾನ ಹೆಚ್ಚಿ ವೀರ್ಯಾಣುಗಳ ಸಂತತಿ ಕಡಿಮೆಯಾಗುತ್ತದೆ. ಈ ಮೊದಲೇ ಉತ್ಪತ್ತಿ ಆಗಿರುವ ವೀರ್ಯಾಣುಗಳ ಗುಣಮಟ್ಟ ಕೂಡ ಕುಸಿಯುತ್ತದೆ. ಹಾಗಾಗಿ ಯಾವಾಗಲೂ ಪುರುಷರು ತಮ್ಮ ಖಾಸಗಿ ಅಂಗಾಂಗವನ್ನು ತಣ್ಣೀರಿನಿಂದ ಸ್ವಚ್ಛ ಪಡಿಸಿಕೊಳ್ಳಬೇಕು.
ಯಾವಾಗಲೂ ಟಿವಿ ನೋಡುವುದು
ಯಾರು ಕುಳಿತಲ್ಲೇ ಕುಳಿತು ಹೆಚ್ಚು ಕಾಲ ಟಿವಿ ನೋಡುತ್ತಾರೆ ಅಂತಹವರಿಗೆ ಕೂಡ ವೀರ್ಯಾಣು ಗಳ ಸಂತತಿ ಕಡಿಮೆಯಾಗುವ ಸಾಧ್ಯತೆ ಇರುತ್ತದೆ. ಏಕೆಂದರೆ ವ್ಯಾಯಾಮ ಇರುವುದಿಲ್ಲ. ದೇಹ ಹುರುಪಿನಿಂದ ಕೂಡಿರುವುದಿಲ್ಲ. ಯಾವುದೇ ಚಟುವಟಿಕೆ ಇಲ್ಲದ ಕಾರಣ ದೇಹದಲ್ಲಿ ಸಮ ರ್ಪಕ ಪ್ರಮಾಣದಲ್ಲಿ ವೀರ್ಯಾಣುಗಳ ಉತ್ಪತ್ತಿ ನಡೆಯುವುದಿಲ್ಲ. ಇದನ್ನು ಪುರುಷರು ಅರ್ಥ ಮಾಡಿಕೊಳ್ಳಬೇಕು.
ಸೋಯಾ ಉತ್ಪನ್ನಗಳು
ಇದನ್ನು ವೈದ್ಯರು ಸಹ ಹೇಳುತ್ತಾರೆ. ಪುರುಷರು ಹೆಚ್ಚಾಗಿ ಸೋಯಾ ಅವರೆ ಅಥವಾ ಸೋಯಾ ಮಿಶ್ರಿತ ಆಹಾರ ಉತ್ಪನ್ನಗಳನ್ನು ಸೇವನೆ ಮಾಡಬಾರದು ಎಂದು. ಇದು ಕೆಲವರಿಗೆ ಬೊಜ್ಜು ಅಥವಾ ಅತಿಯಾದ ದೇಹದ ತೂಕ ಬರುವಂತೆ ಮಾಡುತ್ತದೆ. ಇದ ರಿಂದಲೂ ಸಹ ಪುರುಷರಿಗೆ ಶೀಘ್ರಸ್ಖಲನ ಅಥವಾ ಅಪಸಾಮಾನ್ಯ ನಿಮಿರುವಿಕೆ ಸಮಸ್ಯೆ ಎದುರಾಗಿ ವೀರ್ಯಾಣುಗಳ ಗುಣಮಟ್ಟ ಮತ್ತು ಸಂತತಿ ಕುಸಿಯುತ್ತದೆ.