ಸ್ಥೂಲಕಾಯ ಸಮಸ್ಯೆ ದೈನಂದಿನ ಬದುಕಿನಲ್ಲಿ ತುಂಬಾ ಸಾಮಾನ್ಯ ಸಮಸ್ಯೆ ಎಂಬಂತೆ ಕಾಣುತ್ತದೆ. ಆದರೆ ಅದು ಕಾಯಿಲೆಗಳನ್ನು ಸಾಲು ಸಾಲಾಗಿ ಹೊತ್ತು ತರುತ್ತದೆ. ವ್ಯಕ್ತಿಯು ಚೆನ್ನಾಗಿರಬೇಕು, ಸುಂದರ ದೇಹ ಕಾಯ ಹೊಂದಬೇಕು, ಸದೃಢ ಆರೋಗ್ಯ ಹಾಗೂ ಮಾನಸಿಕ ಆರೋಗ್ಯ ಹೊಂದಬೇಕಾದರೆ ತನ್ನ ಎತ್ತರಕ್ಕೆ ತಕ್ಕಂತೆ ತೂಕ ಹೊಂದುವುದು ತುಂಬಾ ಮುಖ್ಯ. ತೂಕ ಇಳಿಕೆ ನಿಮ್ಮನ್ನು ಆರೋಗ್ಯ ಹಾಗೂ ಉಲ್ಲಾಸದಿಂದ ಇರಿಸಲು ಸಾಧ್ಯ. ತೂಕ ಇಳಿಕೆ ಒಂದೆರಡು ದಿನದಲ್ಲಿ ಮಾಡಿ ಮುಗಿಸುವ ಕೆಲಸವಲ್ಲ, ಅದಕ್ಕಾಗಿ ದೀರ್ಘಕಾಲದ ಶ್ರಮ ಮತ್ತು ತಾಳ್ಮೆ ಹಾಗೂ ಡಯಟ್, ವರ್ಕೌಟ್ ಮಾಡುವುದು ಮುಖ್ಯ.
ಉಡುಪಿಯಲ್ಲಿ ವಿಶೇಷ ನಾಗ ಪಂಚಮಿ ಆಚರಣೆ: ರಿಯಲ್ ಹಾವಿಗೆ ಪೂಜೆ-ಪುನಸ್ಕಾರ!
ಬೆಳಗ್ಗೆ ಎದ್ದ ತಕ್ಷಣ ಬ್ರಷ್ ಮಾಡಿ ಒಂದು ಲೋಟ ಬಿಸಿ ನೀರಿಗೆ ಸ್ವಲ್ಪ ನಿಂಬೆ ರಸ ಬೆರೆಸಿ ಕುಡಿಯುತ್ತಾ ಬನ್ನಿ, ಕೆಲವೇ ತಿಂಗಳಲ್ಲಿ ನಿಮ್ಮ ಹೊಟ್ಟೆಯ ಸುತ್ತ ತುಂಬಿಕೊಂಡಿದ್ದ ಕೊಬ್ಬು ಕರಗಲು ಆರಂಭವಾಗುತ್ತದೆ.
ಕೊಬ್ಬು, ಕೊಲೆಸ್ಟ್ರಾಲ್ ಕರಗುತ್ತದೆ. ಆರೋಗ್ಯವಾಗಿರಲು ಸಹಾಯಕಾರಿ, ಹುಳಿ ಎನಿಸಿದರೆ ಸ್ವಲ್ಪ ಜೇನುತುಪ್ಪ ಸೇರಿಸಿ ಕೊಂಡು ಕುಡಿಯಿರಿ. ಸಿಟ್ರಿಕ್ ಅಂಶ ಇರುವುದರಿಂದ ಗ್ಯಾಸ್ಟ್ರಿಕ್ ಗೆ ಸಹ ಉತ್ತಮ.
ಆಪಲ್ ಸೈಡರ್ ವಿನೆಗರ್
ಒಂದು ಲೋಟ ಬಿಸಿನೀರಿಗೆ ಒಂದು ಟೇಬಲ್ ಚಮಚ ಆಪಲ್ ಸೈಡರ್ ವಿನೆಗರ್ ಮಿಶ್ರಣ ಮಾಡಿ ಸ್ವಲ್ಪ ಹೊತ್ತು ಹಾಗೆಯೇ ಬಿಟ್ಟು ನಂತರ ಸ್ವಲ್ಪ ಸ್ವಲ್ಪವೇ ಕುಡಿಯಿರಿ. 15ರಿಂದ 20 ದಿನ ದಿನನಿತ್ಯ ಕುಡಿಯಿರಿ, ಸ್ವಲ್ಪ ಜೇನುತುಪ್ಪ ಸೇರಿಸಿ ಸಹ ಕುಡಿಯಬಹುದು.
ಶುಂಠಿ ಚಹಾ:-ಈ ಮಳೆಗಾಲದಲ್ಲಿ ಶೀತ, ಕೆಮ್ಮು, ಗಂಟಲು ನೋವಿಗೆ ಶುಂಠಿ ಚಹಾ ಬಿಸಿಯಾಗಿ ಕುಡಿಯುವುದರಿಂದ ಹೊಟ್ಟೆಗೆ ಉತ್ತಮ, ಇದನ್ನು ದಿನಾ ಒಂದು ಸಣ್ಣ ಲೋಟದಲ್ಲಿ ಕುಡಿಯುತ್ತಾ ಬಂದರೆ ಕೊಬ್ಬು ಕರಗಲು ಸಹಾಯವಾಗುತ್ತದೆ.
ಗ್ಯಾಸ್ಟ್ರಿಕ್ ಸಮಸ್ಯೆ, ಜೀರ್ಣ ಸಮಸ್ಯೆ ಮತ್ತು ಮಲ ವಿಸರ್ಜನೆ ಸಮಸ್ಯೆಯಿಂದ ಬಳಲುತ್ತಿದ್ದರೆ ಶುಂಠಿ ರಾಮಬಾಣ. ಬಿಸಿನೀರಿನ ಜೊತೆ ಶುಂಠಿಯನ್ನು ಜಜ್ಜಿಹಾಕಿ ಸಹಾ ಕುಡಿಯಬಹುದು, ಅಥವಾ ಬಿಸಿನೀರಿಗೆ ಶುಂಠಿರಸ ಬೆರೆಸಿ ಕೂಡ ಆಗಾಗ ಕುಡಿಯುತ್ತಿರಬಹುದು
ದೇಹದಲ್ಲಿರುವ ಬೇಡದ ಕೊಬ್ಬು ಕರಗಿಸಲು ಗ್ರೀನ್ ಟೀ ಬಹಳ ಉತ್ತಮ. ಬೆಲ್ಲಿ ಫ್ಯಾಟ್ ಕರಗಲು, ದೇಹದಲ್ಲಿರುವ ಕೊಲೆಸ್ಟ್ರಾಲ್ ನ್ನು ಕರಗಿಸುತ್ತದೆ. ದಿನವಿಡೀ ದೇಹ ಚಟುವಟಿಕೆಯಿಂದ ಇರುತ್ತದೆ. ಒಂದು ಲೋಟ ಬಿಸಿನೀರಿಗೆ ಒಂದು ಬ್ಯಾಗ್ ಗ್ರೀನ್ ಟೀಯನ್ನು ಅದ್ದಿ ಸ್ವಲ್ಪ ಹೊತ್ತು ಹಾಗೆಯೇ ಬಿಟ್ಟು ನಂತರ ಸೇವಿಸಿ.
ನೀರಿಗೆ ಸೌತೆಕಾಯಿ, ಪುದೀನ
ಒಂದು ಲೋಟ ನೀರಿಗೆ ಸಣ್ಣಗೆ ಹೆಚ್ಚಿದ ಸೌತೆಕಾಯಿ ಮತ್ತು ಪುದೀನಾ ಎಲೆಯನ್ನು ಹಾಕಿ ಸ್ವಲ್ಪ ಹೊತ್ತು ಬಿಟ್ಟು ಕುಡಿಯಿರಿ.
ಒಂದು ಬಾಟಲ್ ಗೆ ಸೌತೆಕಾಯಿ ಮತ್ತು ಪುದೀನಾ ಕತ್ತರಿಸಿ ಹಾಕಿ ತಂಪಾದ ಸ್ಥಳದಲ್ಲಿಟ್ಟು ಬೆಳಗ್ಗೆ ಎದ್ದು ಅದರ ನೀರನ್ನು ಕುಡಿಯಿರಿ. ಇದು ಕೂಡ ಕೊಬ್ಬು ಕರಗಲು ಒಳ್ಳೆಯದು. ಸೌತೆಕಾಯಿ ತಿನ್ನುವುದರಿಂದ ಚರ್ಮಕ್ಕೆ ಬಹಳ ಉತ್ತಮ.
ಇವುಗಳನ್ನು ಕುಡಿಯುವುದರ ಜೊತೆ ಬೆಳಗ್ಗೆದ್ದು ವಾಕಿಂಗ್, ಜಾಗಿಂಗ್, ಸ್ವಿಮ್ಮಿಂಗ್ ಮಾಡುವುದರಿಂದ ಬಹಳ ಬೇಗನೆ ದೇಹದ ಕೊಬ್ಬು ಕರಗಿಸಬಹುದು