ತಮ್ಮ ಮಗು ಎತ್ತರಕ್ಕೆ ಬೆಳೆಯಬೇಕು ಎಂಬುದು ಅನೇಕ ಪೋಷಕರ ಆಸೆ. ವ್ಯಕ್ತಿಯ ಸರಾಸರಿ ಎತ್ತರಕ್ಕಿಂತ ಸ್ವಲ್ಪ ಎತ್ತರವಿರುವುದು ಅವರ ಆತ್ಮವಿಶ್ವಾಸ ಮತ್ತು ಅವರ ವ್ಯಕ್ತಿತ್ವವನ್ನು ಹೆಚ್ಚಿಸುತ್ತದೆ. ಒಬ್ಬ ವ್ಯಕ್ತಿಯು ಎತ್ತರವಾಗಿದ್ದಾಗ, ಅನೇಕರ ಗಮನವು ಅವರ ಮೇಲೆ ಇರುತ್ತದೆ. ತಂದೆ-ತಾಯಿ ತುಂಬಾ ಸಣಕಲು ಜೀವ ಹೊಂದಿದ್ದರೆ, ಆಗ ಮಕ್ಕಳಲ್ಲಿ ದೊಡ್ಡ ಮಟ್ಟದ ಬೆಳವಣಿಗೆ ಆಗದು.
ಅದೇ ರೀತಿಯಲ್ಲಿ ಮಕ್ಕಳ ಆಹಾರದಲ್ಲಿ ಇರುವ ಪೋಷಕಾಂಶಗಳು ಕೂಡ ಇಲ್ಲಿ ಮಹತ್ವದ ಪಾತ್ರ ವಹಿಸುವುದು. ಪೋಷ ಕಾಂಶಗಳು ಮಕ್ಕಳ ದೇಹಕ್ಕೆ ಸರಿಯಾಗಿ ಸಿಕ್ಕಿದರೆ ಆಗ ಅವರ ಮೂಳೆಗಳ ಬೆಳವಣಿಗೆ ಆಗಿ ಎತ್ತರದಲ್ಲೂ ಬೆಳವಣಿಗೆ ಆಗುವುದು. ನಿದ್ರೆ ಮತ್ತು ಮಕ್ಕಳ ಬೆಳವಣಿಗೆಯಲ್ಲಿ ಸಂಬಂಧವಿದೆ ಎಂದು ಅಧ್ಯಯನ ವರದಿಯು ಹೇಳಿದೆ.
ಪೋಷಕಾಂಶ ಮತ್ತು ಆಹಾರ ಪದ್ಧತಿ ಸಂಬಂಧ
ಆಹಾರ ಮತ್ತು ಮಕ್ಕಳು ಎತ್ತರವಾಗಿ ಬೆಳೆಯುವುದರಲ್ಲಿ ನೇರ ಸಂಬಂಧ ಇದೆ ಎಂದು ಅಧ್ಯಯನಗಳು ಹೇಳಿವೆ. ಅಧ್ಯಯನಗಳ ಪ್ರಕಾರ ಹಾಲಿನ ಉತ್ಪನ್ನಗಳು, ಕೋಳಿ ಮಾಂಸ ಮತ್ತು ಇತರ ಪ್ರಾಣಿಜನ್ಯ ಆಹಾರ ಸೇವನೆ ಮಾಡುವ ಮಕ್ಕಳು ಎತ್ತರವಾಗಿ ಬೆಳೆಯುವರು.
ಒಳ್ಳೆಯ ಉದ್ದ ಇರುವ ವ್ಯಕ್ತಿಯು ತುಂಬಾ ಬಲಿಷ್ಠ ಹಾಗೂ ಆತ್ಮವಿಶ್ವಾಸದಿಂದ ಇರುವಂತೆ ಕಾಣುವರು. ಮಹಿಳೆಯರು ೧೮ ವರ್ಷ ತನಕ ಎತ್ತರದಲ್ಲಿ ಬೆಳವಣಿಗೆ ಆಗುವರು. ಅದೇ ಪುರುಷರು ೨೧ ವರ್ಷ ತನಕ ಎತ್ತರವಾಗಿ ಬೆಳೆಯುವರು. ಈ ವಯಸ್ಸಿಗೆ ಬಂದ ವೇಳೆ ತಮ್ಮ ಮಕ್ಕಳ ಉದ್ದವು ೫’೬ ಅಥವಾ ೫’೭ ಇರಬೇಕು ಎಂದು ಬಯಸಿದರೆ ಆಗ ಕೆಲವು ಆಹಾರಗಳನ್ನು ನೀವು ತಪ್ಪದೆ ಮಕ್ಕಳಿಗೆ ನೀಡಬೇಕು. ಇದರಿಂದ ಮಕ್ಕಳು ಎತ್ತರವಾಗಿ ಬೆಳೆಯುವರು. ಇದನ್ನು ತಪ್ಪದೆ ಮಕ್ಕಳ ಆಹಾರ ಕ್ರಮದಲ್ಲಿ ಸೇರಿಸಿ.
ಹಾಲಿನ ಉತ್ಪನ್ನಗಳು
ಮಕ್ಕಳಿಗೆ ಸಾಮಾನ್ಯವಾಗಿ ಹಾಲನ್ನು ಪ್ರತಿಯೊಬ್ಬ ಪೋಷಕರು ನೀಡುವರು. ಅದೇ ಹಾಲಿನ ಜತೆಗೆ ಚೀಸ್, ಪನೀರ್ ಯೋಗರ್ಟ್, ಐಸ್ ಕ್ರೀಂ ನೀಡಿದರೆ, ಇವುಗಳಲ್ಲಿ ವಿಟಮಿನ್ ಎ, ಬಿ, ಡಿ ಮತ್ತು ಇ ಸಮೃದ್ಧವಾಗಿರುವುದು. ಇಷ್ಟು ಮಾತ್ರವಲ್ಲದೆ, ಮಕ್ಕಳ ಬೆಳವಣಿಗೆಗೆ ಬೇಕಾಗುವಂತಹ ಪ್ರೋಟೀನ್, ಕ್ಯಾಲ್ಸಿಯಂ, ವಿಟಮಿನ್ ಡಿ ಕೂಡ ಇದೆ. ಇದು ಬೆಳವಣಿಗೆಗೆ ಸಹಕಾರಿ. ಮಕ್ಕಳಲ್ಲಿ ವಿಟಮಿನ್ ಡಿ ಕೊರತೆ ಕಂಡುಬಂದರೆ ಆಗ ಇದು ಎತ್ತರ ಬೆಳವಣಿಗೆ ಕುಂಠಿತವಾಗಿ ಸುವುದು. ಮಕ್ಕಳು ಪ್ರೌಢಾವಸ್ಥೆಗೆ ತಲುಪಿದ ವೇಳೆ ಅವರಿಗೆ ಕ್ಯಾಲ್ಸಿಯಂ ಸೂಕ್ತ ಪ್ರಮಾಣದಲ್ಲಿ ಸಿಗಬೇಕು.
ಮೊಟ್ಟೆ
ಮೊಟ್ಟೆಯಲ್ಲಿ ಪ್ರೋಟೀನ್ ಸಮೃದ್ಧವಾಗಿದ್ದು, ಬಿಳಿ ಭಾಗದಲ್ಲಿ ಶೇ.೧೦೦ರಷ್ಟು ಪ್ರೋಟೀನ್ ಇದೆ. ಆದರೆ ಹಳದಿ ಭಾಗದಲ್ಲಿ ಕೊಬ್ಬು ಇರುವ ಕಾರಣ ಇದನ್ನು ಕಡೆಗಣಿಸಬಹುದು. ಮೊಟ್ಟೆಯಲ್ಲಿರಿಬೊಫ್ಲಾವಿನ್ಎನ್ನುವವಿಟಮಿನ್ಬಿ೨ಇದೆ. ಇದುಎತ್ತರವಾಗಿಬೆಳೆಯಲುಸಹಕಾರಿ. ಮಕ್ಕಳಆಹಾರಕ್ರಮದಲ್ಲಿ೨-೪ಮೊಟ್ಟೆಸೇರಿಸಿ.
ಸೋಯಾಬೀನ್
ಸಸ್ಯಾಹಾರದಲ್ಲಿ ಸೋಯಾಬೀನ್ ಒಳ್ಳೆಯ ಪ್ರೋಟೀನ್ ಅಂಶ ವನ್ನು ಹೊಂದಿದ್ದು, ಇದರಲ್ಲಿ ಇರುವ ಪ್ರೋಟೀನ್ ಮೂಳೆಗಳು ಹಾಗೂ ಮಾಂಸಖಂಡಗಳ ಬೆಳವಣಿಗೆಗೆ ಸಹಕಾರಿ. ಪ್ರತಿನಿತ್ಯವೂ ೫೦ ಗ್ರಾಂನಷ್ಟು ಸೋಯಾಬೀನ್ ಸೇವನೆ ಮಾಡಿದರೆ ಮಕ್ಕಳಲ್ಲಿ ಉದ್ದ ಬೆಳವಣಿಗೆ ಆಗುವುದು. ಸಸ್ಯಾ ಹಾರಿಗಳು ಸೋಯಾಬೀನ್ ಸೇವನೆ ಮಾಡಿ ಬೇಕಿರುವ ಪೋಷಕಾಂಶಗಳನ್ನು ಪಡೆದುಕೊಳ್ಳಬಹುದು.
ಹಸಿರೆಲೆ ತರಕಾರಿಗಳು
ಹಸಿರೆಲೆ ತರಕಾರಿಗಳಲ್ಲಿ ಉತ್ತಮ ಪ್ರಮಾಣದ ವಿಟಮಿನ್ ಎ, ವಿಟಮಿನ್ ಸಿ, ವಿಟಮಿನ್ ಕೆ, ನಾರಿನಾಂಶ, ಫಾಲಟೆ, ಮೆಗ್ನೀಸಿಯಮ್, ಕಬ್ಬಿಣಾಂಶ, ಪೊಟ್ಯಾಶಿಯಮ್ ಮತ್ತು ಕ್ಯಾಲ್ಸಿಯಂ ಇದೆ. ಇದು ದೈಹಿಕ ಬೆಳವಣಿಗೆ ಹಾಗೂ ಆರೋಗ್ಯಕ್ಕೆ ಅತೀ ಅಗತ್ಯ. ಹೀಗಾಗಿ ಮಕ್ಕಳ ಉದ್ದ ಬೆಳವಣಿಗೆ ಆಗಬೇಕಾದರೆ ಆಗ ನೀವು ಹಸಿರೆಲೆ ತರಕಾರಿಗಳನ್ನು ಸೇವನೆ ಮಾಡಿ.
ಬಾಳೆಹಣ್ಣು
ಮಕ್ಕಳ ಆಹಾರ ಕ್ರಮದಲ್ಲಿ ಬಾಳೆಹಣ್ಣು ಸೇರಿಸಿದರೆ ಅದು ಅವರು ಉದ್ದವಾಗಿ ಬೆಳೆಯಲು ನೆರವಾಗುವುದು. ಬಾಳೆಹಣ್ಣಿನಲ್ಲಿ ಪೊಟ್ಯಾಶಿ ಯಮ್, ಮೆಗ್ನೀಸಿಯಮ್, ಕ್ಯಾಲ್ಸಿಯಂ, ಕರಗುವ ನಾರಿನಾಂಶ, ವಿಟಮಿನ್ ಬಿ೬, ಸಿ, ಎ ಹಾಗೂ ಆರೋಗ್ಯಕಾರಿ ಪ್ರಿಬಯೋಟಿಕ್ ಗಳು ಇವೆ. ಇದನ್ನು ತಪ್ಪದೆ ಮಕ್ಕಳ ಆಹಾರ ಕ್ರಮದಲ್ಲಿ ಸೇರಿಸಬೇಕು.
ಮೀನು
ಮೀನಿನಲ್ಲಿ ಇರುವ ಒಮೆಗಾ-೩ ಕೊಬ್ಬಿನಾಮ್ಲವು ಮಕ್ಕಳು ಎತ್ತರವಾಗಿ ಬೆಳೆಯಲು ಸಹಕರಿಸುವುದು. ೧೦೦ ಗ್ರಾಂ ಸಾಲ್ಮನ್ ನಲ್ಲಿ ೨.೩ ಗ್ರಾಂನಷ್ಟು ಒಮೆಗಾ-೩ ಕೊಬ್ಬಿನಾಮ್ಲವಿದೆ. ಅದೇ ರೀತಿಯಲ್ಲಿ ಕಬ್ಬಿಣಾಂಶ, ಕ್ಯಾಲ್ಸಿಯಂ, ಪೋಸ್ಪರಸ್, ಸೆಲೆನಿ ಯಂ ಮತ್ತು ವಿಟಮಿನ್ ಗಳು ಇವೆ. ಅಧ್ಯಯನಗಳ ಪ್ರಕಾರ ಒಮೆಗಾ-೩ ಕೊಬ್ಬಿನಾಮ್ಲವು ಮಕ್ಕಳ ಬೆಳವಣಿಗೆ ಹಾಗೂ ಸಂಪೂರ್ಣ ದೈಹಿಕ ಆರೋಗ್ಯ, ನರಗಳ ಕಾರ್ಯ, ಹೃದಯದ ಆರೋಗ್ಯ ಮತ್ತು ಪ್ರತಿರೋಧಕ ವ್ಯವಸ್ಥೆ ಯಲ್ಲಿ ಪ್ರಮುಖ ಪಾತ್ರ ವಹಿಸುವುದು.
ಪಿಷ್ಟ ಮತ್ತು ಧಾನ್ಯಗಳು
ದೇಹದಲ್ಲಿ ಶಕ್ತಿ ಉತ್ಪಾದಿಸಲು ಪಿಷ್ಟ ಮತ್ತು ಧಾನ್ಯಗಳು ಅಗತ್ಯ. ಪಿಷ್ಟ ಮತ್ತು ಧಾನ್ಯಗಳಲ್ಲಿ ವಿಟಮಿನ್ ಬಿ, ನಾರಿನಾಂಶ, ಕಬ್ಬಿ ಣಾಂಶ, ಮೆಗ್ನಿಶಿಯಂ ಮತ್ತು ಸೆಲೆನಿಯಂ ಉತ್ತಮ ಪ್ರಮಾಣದಲ್ಲಿದೆ. ಪ್ರೌಢಾವಸ್ಥೆ ವೇಳೆ ಮಕ್ಕಳಿಗೆ ಹೆಚ್ಚಿನ ಪ್ರಮಾಣದ ಕ್ಯಾಲರಿಯು ಬೇಕಾಗಿದ್ದು, ಇದನ್ನು ಅಗತ್ಯವಾಗಿ ಸೇವನೆ ಮಾಡಬೇಕು. ಕುಚ್ಚಲಕ್ಕಿ, ಜೋಳ, ಇಡೀ ಗೋಧಿ ಮತ್ತು ಇಡೀ ಧಾನ್ಯಗಳ ಪಾಸ್ತಾವು ಬೆಳವಣಿಗೆಗೆ ಸಹಕಾರಿ.