ಕಣ್ಣೀರು ಬರಬೇಕಿದ್ದರೆ ತುಂಬಾ ಬೇಸರವಾಗಿಬೇಕೆಂದೇನಿಲ್ಲ. ಈರುಳ್ಳಿ ಕತ್ತರಿಸಿದರೂ ಕಣ್ಣೀರು ಬರುತ್ತದೆ. ಎಷ್ಟೇ ಕಠೋರ ವ್ಯಕ್ತಿಯಾಗಿದ್ದರೂ ಸಹಿತ ಈರುಳ್ಳಿ ಕತ್ತರಿಸುವಾಗ ಕಣ್ಣೀರು ಬರಲೇಬೇಕು. ಆದರೆ ಕಣ್ಣೀರು ಬರದಂತೆ ಈರುಳ್ಳಿ ಕತ್ತರಿಸಲು ಏನು ಮಾಡಬಹುದು ಎಂದು ಹಲವಾರು ಸಲ ನೀವು ಪ್ರಯತ್ನ ಮಾಡಿರಬಹುದು. ಆದರೆ ಇದರಿಂದ ಯಾವುದೇ ಪ್ರಯೋಜನವಾಗಿರಲಿಕ್ಕಿಲ್ಲ. ಕಣ್ಣೀರು ಬರದಂತೆ ಈರುಳ್ಳಿ ಕತ್ತರಿಸುವುದು ಹೇಗೆ ಎನ್ನುವ ಬಗ್ಗೆ ನಾವು ನಿಮಗೆ ಹೇಳಿಕೊಡಲಿದ್ದೇವೆ. ಅದು ಹೇಗೆಂದು ತಿಳಿದುಕೊಳ್ಳಿ.
ಬಾಯಿಯಿಂದ ಉಸಿರಾಡಿ
ಸಾಮಾನ್ಯವಾಗಿ ನಾವು ಯಾವುದೇ ಸಮಯದಲ್ಲಿ ಉಸಿರಾಡುವುದು ನಮ್ಮ ಮೂಗಿನಿಂದ. ಆದರೆ ಈರುಳ್ಳಿ ಹಚ್ಚುವಾಗ ಮಾತ್ರ ಬಾಯಿಯಿಂದ ಉಸಿರಾಡುವುದು ಅನಿವಾರ್ಯವಾಗಿದೆ. ಹೀಗೆ ಮಾಡುವುದರಿಂದ ಈರುಳ್ಳಿಯಿಂದ ಬಿಡುಗಡೆಯಾದ ಗ್ಯಾಸ್ ನಮ್ಮ ಮೂಗಿನ ಮೂಲಕ ಕಣ್ಣೀರಿನ ಗ್ರಂಥಿಗಳ ಬಳಿ ತಲುಪುವುದಿಲ್ಲ. ಈರುಳ್ಳಿ ಹಚ್ಚುವಾಗ ನಿಮ್ಮ ನಾಲಿಗೆಯನ್ನು ಸ್ವಲ್ಪ ಬಾಯಿಂದ ಮುಂದೆ ಮಾಡಿ. ಇದರಿಂದ ನಾಲಿಗೆಯಲ್ಲಿ ಇರುವಂತಹ ಎಂಜಲಿನ ಜೊತೆ ಈರುಳ್ಳಿಯ ಗ್ಯಾಸ್ ರಿಯಾಕ್ಷನ್ ಆಗಿ ಮೂಗು ಹಾಗೂ ಕಣ್ಣುಗಳಿಗೆ ಹೋಗುವುದಿಲ್ಲ.
ಈರುಳ್ಳಿಯನ್ನು ಕೂಲ್ ಮಾಡಿ!
ಹೊರಗಡೆ ಇರುವ ಈರುಳ್ಳಿಯನ್ನು ಹೆಚ್ಚುವುದಕ್ಕಿಂತ ರೆಫ್ರಿಜರೇಟರ್ ನಲ್ಲಿ 20 ನಿಮಿಷ ಇಟ್ಟು ಹೊರಗಡೆ ತೆಗೆದ ಈರುಳ್ಳಿಯನ್ನು ಹೆಚ್ಚುವುದು ಎಷ್ಟೋ ವಾಸಿ!ಏಕೆಂದರೆ ಇದು ಈರುಳ್ಳಿಯಲ್ಲಿ ಇರುವ ನಮಗೆ ಕಣ್ಣೀರು ತರಿಸುವ ಎಂಜೈಮ್ ಅನ್ನು ಡಿ ಆಕ್ಟಿವೇಟ್ ಮಾಡುತ್ತದೆ. ಹಾಗಾಗಿ ತಂಪಾಗಿರುವ ಈರುಳ್ಳಿಯನ್ನು ಹೆಚ್ಚುವುದರಿಂದ ಕಣ್ಣೀರು ಎಂದಿಗೂ ಬರುವುದಿಲ್ಲ.
ಈರುಳ್ಳಿಯನ್ನು ನೀರಿನಲ್ಲಿ ನೆನೆ ಹಾಕಿ
ನೀವು ಯಾವುದೇ ಈರುಳ್ಳಿಯನ್ನು ಹೆಚ್ಚುವ ಮುಂಚೆ ಅದರ ಸಿಪ್ಪೆ ತೆಗೆದು ಬೇರುಗಳನ್ನು ತೆಗೆದುಹಾಕಿ, ಎರಡು ಹೋಳು ಮಾಡಿ ಒಂದು ಬಟ್ಟಲು ನೀರಿನಲ್ಲಿ ನೆನೆ ಹಾಕಿ.ಹೀಗೆ ಮಾಡುವುದರಿಂದ ಈರುಳ್ಳಿಯ ಗ್ಯಾಸ್ ನೀರಿನಲ್ಲಿ ಬೆರೆತ ಹೋಗುತ್ತದೆ ಮತ್ತು ನೀವು ಈರುಳ್ಳಿ ಹೆಚ್ಚುವಾಗ ನಿಮ್ಮ ಕಣ್ಣುಗಳಲ್ಲಿ ನೀರು ಯಾವುದೇ ಕಾರಣಕ್ಕೂ ಬರುವುದಿಲ್ಲ. ಆದರೆ ಇಲ್ಲಿ ಒಂದು ವಿಷಯ ನೆನಪಿರಲಿ. ನೀರಿನಲ್ಲಿ ನೆನೆ ಹಾಕಿದ ಈರುಳ್ಳಿ ಸ್ವಲ್ಪ ಜಾರುತ್ತದೆ. ಹಾಗಾಗಿ ಹೆಚ್ಚುವಾಗ ಕೈ ಹುಷಾರು!
ಫ್ಯಾನ್ ಹಾಕಿಕೊಳ್ಳಿ
ಎಲ್ಲೋ ಒಂದು ಮೂಲೆಯಲ್ಲಿ ಕುಳಿತು ಈರುಳ್ಳಿ ಹೆಚ್ಚುವುದಕ್ಕಿಂತ, ತಣ್ಣಗೆ ಫ್ಯಾನ್ ಕೆಳಗಡೆ ಸೋಫಾ ಮೇಲೆ ಕುಳಿತು ಟೀಪಾಯಿ ಮೇಲೆ ಪ್ಲೇಟ್ ಇಟ್ಟುಕೊಂಡು ಈರುಳ್ಳಿ ಹೆಚ್ಚುವುದು ಬುದ್ಧಿವಂತರ ಲಕ್ಷಣ. ಈರುಳ್ಳಿ ಹೆಚ್ಚುವಾಗ ಫ್ಯಾನ್ ಹಾಕುವುದರಿಂದ ಅದರ ಗ್ಯಾಸ್ ಸಂಪೂರ್ಣವಾಗಿ ಅತ್ತಿತ್ತ ಹೊರಟು ಹೋಗುತ್ತದೆ. ಈ ಪ್ರಕ್ರಿಯೆ ನಿಮ್ಮ ಕಣ್ಣುಗಳನ್ನು ತೊಂದರೆಗೆ ಒಳಗಾಗದಂತೆ ಕಾಪಾಡುತ್ತದೆ.
ವಿನೆಗರ್ ಬಳಸಿ
ತುಂಬಾ ಜನರು ಹೀಗೂ ಕೂಡ ಮಾಡುತ್ತಾರೆ. ಮುಳ್ಳನ್ನು ಮುಳ್ಳಿನಿಂದಲೇ ತೆಗೆಯಬೇಕು ಎನ್ನುವಂತೆ ಈರುಳ್ಳಿಯ ಆಸಿಡ್ ಗೆ ಆಪಲ್ ಸೈಡರ್ ವಿನೆಗರ್ ಎಂಬ ಇನ್ನೊಂದು ಆಸಿಡ್ ಶತ್ರು. ಹಾಗಾಗಿ ಒಂದು ಬಟ್ಟಲು ನೀರಿನಲ್ಲಿ ಸ್ವಲ್ಪ ವಿನೆಗರ್ ಮತ್ತು ಉಪ್ಪು ಮತ್ತು ನೀರು ಹಾಕಿ ಮಿಶ್ರಣ ಮಾಡಿ. ಅದಕ್ಕೆ ನೀವು ಅರ್ಧ ಕಟ್ ಮಾಡಿದ ಈರುಳ್ಳಿಯನ್ನು ಹಾಕಿ. ಸುಮಾರು 10 ನಿಮಿಷಗಳ ಕಾಲ ಇದರಲ್ಲಿ ಬಿಟ್ಟು ಆನಂತರ ಹೆಚ್ಚಬಹುದು. ನೀವು ಈರುಳ್ಳಿ ಹೆಚ್ಚಲು ಬಳಸುವ ಚಾಪಿಂಗ್ ಬೋರ್ಡ್ ಮೇಲೂ ಸಹ ಸ್ವಲ್ಪ ಪ್ರಮಾಣದಲ್ಲಿ ವಿನಗರ್ ಹರಡಿ ಅದರ ಮೇಲೆ ಈರುಳ್ಳಿ ಹಚ್ಚಬಹುದು. ಆಗಲೂ ಸಹ ಕಣ್ಣೀರು ಬರುವುದಿಲ್ಲ