ಅಡುಗೆಯಿಂದ ಹಿಡಿದು ಆಹಾರಗಳವರೆಗೆ ಸಾಮಾನ್ಯವಾಗಿ ಅಡುಗೆ ಮನೆಯಲ್ಲಿ ಸ್ಟೀಲ್ ಪಾತ್ರೆಗಳನ್ನು ಬಳಸಲಾಗುತ್ತದೆ. ಸ್ಟೇನ್ ಲೆಸ್ ಸ್ಟೀಲ್ ನ ಬಲದಿಂದಾಗಿ, ಇದನ್ನು ಬಳಸಲು ತುಂಬಾ ಸುಲಭವಾಗುತ್ತದೆ. ಸ್ಟೀಲ್ ಪಾತ್ರೆಗಳನ್ನು ಸ್ವಚ್ಛಗೊಳಿಸುವುದು ಮತ್ತು ಬಹಳ ದಿನಗಳವರೆಗೆ ಹೊಸದರಂತೆ ರಕ್ಷಿಸುವುದು ತುಂಬಾ ಕಠಿಣ ಕೆಲಸ.
ಮೊದಲು, ಸ್ಟೀಲ್ ಪಾತ್ರೆಗಳನ್ನು ಊಟಮಾಡಿದ ನಂತರ ಆದಷ್ಟು ಬೇಗ ಸ್ವಚ್ಛಗೊಳಿಸಬೇಕು, ಇದರಿಂದ ಪಾತ್ರೆಗೆ ಆಮ್ಲಜನಕ ದೊರೆಯಬಹುದು ಮತ್ತು ಅದರ ಹೊಳಪು ಹಾಗೇ ಉಳಿಯುತ್ತದೆ. ಯಾವಾಗಲೂ ಸ್ಟೀಲ್ ಪ್ಲೇಟ್ ಅನ್ನು ಸ್ಪಾಂಜ್ ಅಥವಾ ನೈಲಾನ್ ಸ್ಕ್ರಬ್ನಿಂದ ಸೋಪ್ ದ್ರಾವಣ ಬಳಸಿ ಸ್ವಚ್ಛಗೊಳಿಸಿ. ಇದಕ್ಕೆ ಹಾರ್ಡ್ ಆಗಿರೋ ಸ್ಕ್ರಬರ್ ಬಳಸಬೇಡಿ, ಇಲ್ಲದಿದ್ದರೆ ಅದು ಗುರುತಾಗಿ ಬಿಡುತ್ತದೆ.
ವಿವಿಧ ಬಗೆಯ ಕಲೆಗಳನ್ನು ಟ್ರೀಟ್ ಮಾಡುವ ಕಲೆ!
ಸಾಮಾನ್ಯವಾಗಿ ನೀವೆಲ್ಲ ಹೇಗೆ ಸ್ಟೀಲ್ ಪಾತ್ರೆ ತೊಳೆಯುತ್ತೀರಿ ಹೇಳಿ….. ಪಾತ್ರೆಗಳಲ್ಲಿ ಇರುವ ಅಡುಗೆ ಕಲೆಗಳನ್ನು ಹೋಗಲಾಡಿಸಲು ಡಿಶ್ ವಾಷಿಂಗ್ ಜಲ್ ಅಥವಾ ಬಾರ್ ಜೊತೆಗೆ ಉಗುರು ಬೆಚ್ಚಗಿನ ನೀರು ಮತ್ತು ಸೋಪ್ ವಾಟರ್ ತೆಗೆದುಕೊಂಡು ಅದನ್ನು ಉಜ್ಜಿ ಕ್ಲೀನ್ ಮಾಡುವಿರಿ. ಇದರಿಂದ ಪಾತ್ರೆಗಳಲ್ಲಿ ಅಂಟಿರುವ ಅಡುಗೆ ಮಾಡಿದ ಪಳೆಯುಳಿಕೆಗಳು ಹೋಗುತ್ತವೆ. ಆದರೆ ಬೇರೆ ಬೇರೆ ರೀತಿಯ ಕಲೆಗಳನ್ನು ಹೋಗಲಾಡಿಸುವುದು ಹೇಗೆ? ವಿವಿಧ ಕಲೆಗಳು ಮತ್ತು ಅವುಗಳಿಗೆ ಇರುವ ಟೆಕ್ನಿಕ್ ಗಳ ಬಗ್ಗೆ ತಿಳಿದುಕೊಳ್ಳೋಣ ಬನ್ನಿ.
ಕಂದು ಬಣ್ಣದ ತುಕ್ಕು ಹಿಡಿದ ಕಲೆಗಳು
ಸ್ಟೇನ್ಲೆಸ್ ಸ್ಟೀಲ್ ಪಾತ್ರೆಗಳಲ್ಲಿ ಅಂಟಿರುವ ತುಕ್ಕು ಹಿಡಿದ ರೀತಿಯ ಕಂದು ಬಣ್ಣದ ಕಲೆಗಳನ್ನು ಹೋಗಲಾಡಿಸುವುದು ಸ್ವಲ್ಪ ಕಷ್ಟ. ಏಕೆಂದರೆ ನಿರಂತರವಾದ ಬಳಕೆಯಿಂದ ಮತ್ತು ಅತಿಯಾದ ಬಿಸಿಯಿಂದ ಈ ಕಲೆಗಳು ಪಾತ್ರೆಯ ಮೇಲೆ ಹಾಗೆ ಉಳಿದುಕೊಳ್ಳುತ್ತವೆ.
ಹಾಗಾಗಿ ಈ ಕಲೆಗಳನ್ನು ಹೋಗಲಾಡಿಸಲು ನಿಮ್ಮ ಪಾತ್ರೆಯನ್ನು ಉಗುರು ಬೆಚ್ಚಗಿನ ನೀರಿನಲ್ಲಿ ನೆನೆ ಹಾಕಿ ಅದಕ್ಕೆ ಒಂದೆರಡು ಟೇಬಲ್ ಚಮಚ ಬೇಕಿಂಗ್ ಸೋಡಾ ಹಾಕಿ ಕೆಲವು ಗಂಟೆಗಳು ಹಾಗೆ ಬಿಡಿ. ಎಷ್ಟು ಹೊತ್ತು ಬಿಡಬೇಕು ಎಂದು ನೀವು ಕೇಳಬಹುದು. ಅದು ನಿಮ್ಮ ಪಾತ್ರೆಗಳ ಮೇಲಿರುವ ಕಲೆಗಳ ಮೇಲೆ ಅವಲಂಬಿತವಾಗಿದೆ. ಯಾವಾಗ ನಿಮ್ಮ ಪಾತ್ರೆಗಳ ಮೇಲೆ ಕಲೆಗಳು ಇಲ್ಲದಂತಾಗುತ್ತದೆ ಆಗ ನೀವು ಅವುಗಳನ್ನು ನೀರಿನಿಂದ ಹೊರ ತೆಗೆದು ಸ್ವಚ್ಛ ಮಾಡಿಕೊಳ್ಳಬಹುದು..
ಆಕ್ಸಾಲಿಕ್ ಆಸಿಡ್
ಇನ್ನೊಂದು ವಿಧಾನದಲ್ಲಿ ಸ್ಟೀಲ್ ಪಾತ್ರೆಗಳನ್ನು ಸ್ವಚ್ಛ ಮಾಡಲು ಆಕ್ಸಾಲಿಕ್ ಆಸಿಡ್ ಬಳಸಿ. ಇವುಗಳಲ್ಲಿ ರಾಸಾಯನಿಕ ಆಮ್ಲಗಳು ಇರಲಿದ್ದು, ತಾತ್ಕಾಲಿಕ ಕಲೆಗಳನ್ನು ತೆಗೆದುಹಾಕುವ ಗುಣ ಹೊಂದಿದೆ. ಆದರೆ ಹೆಚ್ಚು ಹೊತ್ತು ಇದನ್ನು ಬಳಸುವಂತಿಲ್ಲ. ಏಕೆಂದರೆ ಸ್ಟೀಲ್ ಪಾತ್ರೆ ಹಾಳಾಗುತ್ತದೆ.
ಕ್ಯಾಲ್ಸಿಯಂ ಶೇಖರಣೆ ಆಗಿರುತ್ತದೆ
ಸ್ಟೇನ್ಲೆಸ್ ಸ್ಟೀಲ್ ಪಾತ್ರೆಗಳ ಮೇಲೆ ಬರುವ ಇನ್ನೊಂದು ರೀತಿಯ ಕಲೆಗಳನ್ನು ನೋಡುವು ದಾದರೆ, ಅದು ಕ್ಯಾಲ್ಸಿಯಂ ಅಂಶದ ಶೇಖರಣೆ. ಯಾವಾಗ ನಾವು ನೀರನ್ನು ಹೆಚ್ಚು ಬಾರಿ ಸ್ಟೀಲ್ ಪಾತ್ರೆಯಲ್ಲಿ ಕುದಿಸಲು ಮುಂದಾಗುತ್ತೇವೆ ಆಗ ಪಾತ್ರೆಯ ತಳಭಾಗದಲ್ಲಿ ಕ್ಯಾಲ್ಸಿಯಂ ಶೇಖರಣೆ ಉಂಟಾಗುತ್ತದೆ ಎಂದು ಹೇಳಲಾಗಿದೆ.
ಆದರೆ ಇದರಿಂದ ಮುಕ್ತಿ ಪಡೆದುಕೊಳ್ಳಬೇಕು ಎಂದರೆ ಕಾಲು ಭಾಗ ವಿನೆಗರ್ ಮತ್ತು ಮುಕ್ಕಾಲು ಭಾಗ ನೀರು ಎರಡನ್ನು ಮಿಶ್ರಣ ಮಾಡಿಕೊಂಡು ಪಾತ್ರೆಯಲ್ಲಿ ಸ್ವಲ್ಪ ಹೊತ್ತು ಹಾಗೆ ಬಿಡಬೇಕು ಆನಂತರ ಸೋಪಿನ ನೀರಿನಿಂದ ತೊಳೆಯಬೇಕು. ಇಲ್ಲೂ ಸಹ ನೀವು ಒಂದು ವಿಚಾರ ನೆನಪಿಟ್ಟುಕೊಳ್ಳಬೇಕು. ಅದೇನೆಂದರೆ ವಿನೆಗರ್ ಅನ್ನು ಸ್ಟೀಲ್ ಪಾತ್ರೆಯಲ್ಲಿ ಹೆಚ್ಚು ಸಮಯ ಬಿಡುವಂತಿಲ್ಲ.
ಸುಟ್ಟಿರುವ ಕಲೆಗಳು
ಕೆಲವೊಮ್ಮೆ ಇದ್ದಕ್ಕಿದ್ದಂತೆ ನಿಮ್ಮ ಹೊಸ ಸ್ಟೇನ್ಲೆಸ್ ಸ್ಟೀಲ್ ಪಾತ್ರೆ ನೋಡಲು ಹಳೆಯದಾದಂತೆ ಕಾಣುತ್ತದೆ. ಇದಕ್ಕೆ ಕಾರಣ ಅದರಲ್ಲಿ ಮೂಡಿ ಬಂದಿರುವ ಸುಟ್ಟಂತಹ ಕಲೆಗಳು.ಅಂದರೆ ನೀವು ಅಡುಗೆ ಮಾಡಿ ಅದನ್ನು ಹೆಚ್ಚುಕಾಲ ತೊಳೆಯದೆ ಹಾಗೆ ಬಿಟ್ಟು ಮತ್ತೆ ತೊಳೆಯಲು ಹೋದರೆ ಅದು ಗಾಢವಾದ ಕಲೆಯಾಗಿ ಬದಲಾಗಿರುತ್ತದೆ ಮತ್ತು ಅದರಿಂದ ಪಾತ್ರೆಯ ಅಂದ ಹಾಳಾಗುತ್ತದೆ.
ಇಂತಹ ಕಲೆಗಳನ್ನು ಹೋಗಲಾಡಿಸುವ ಒಂದು ವಿಧಾನ ಎಂದರೆ ಪಾತ್ರೆಯಲ್ಲಿ ಶುದ್ಧವಾದ ನೀರು ತುಂಬಿ ಅದನ್ನು ಚೆನ್ನಾಗಿ ಕುದಿಸುವುದು. ಮತ್ತೆ ಕುದಿಸಿದ ನೀರನ್ನು ತಣ್ಣಗೆ ಮಾಡಿ ಅದನ್ನು ಹೊರಗೆ ಚೆಲ್ಲಿ, ಪಾತ್ರೆಯನ್ನು ಸೋಪಿನ ನೀರಿನಲ್ಲಿ ಸ್ವಚ್ಛಗೊಳಿಸುವುದು. ಏಕೆಂದರೆ ಕುದಿಯುವ ನೀರು ಇಲ್ಲಿ ಪಾತ್ರೆಗಳಿಗೆ ಕಚ್ಚಿದ ಗಾಢವಾದ ಆಹಾರದ ಕಲೆಗಳನ್ನು ಲೂಸ್ ಆಗುವಂತೆ ಮಾಡುತ್ತದೆ. ನೀವು ಅಂದುಕೊಂಡಿದ್ದಕ್ಕಿಂತ ನಿಮ್ಮ ಪಾತ್ರ ಆನಂತರದಲ್ಲಿ ಸ್ವಚ್ಛವಾಗಿ ಕಾಣುತ್ತದೆ.
ವಾಟರ್ ಮಾರ್ಕ್ ಕಲೆಗಳು
ಸಾಮಾನ್ಯವಾಗಿ ಯಾರಿಗೆ ಹಾರ್ಡ್ ವಾಟರ್ ಪೂರೈಕೆ ಇರುತ್ತದೆ ಅಂತಹವರ ಮನೆಯಲ್ಲಿ ಸ್ಟೀಲ್ ಪಾತ್ರೆಗಳು ಬಹಳ ಬೇಗನೆ ಹಳೆಯದಾದಂತೆ ಕಾಣುತ್ತವೆ. ಏಕೆಂದರೆ ನೀರಿನ ಕಲೆಗಳು ಇಲ್ಲಿ ಪಾತ್ರೆಯನ್ನು ಹಾಳು ಮಾಡುತ್ತವೆ. ಹಾಗಾಗಿ ನಿಮ್ಮ ಸ್ಟೀಲ್ ಪಾತ್ರೆಗಳು ಇಂತಹ ಕಲೆಗಳ ಜೊತೆ ಹಾಗೆ ಉಳಿದುಕೊಂಡು ಬಿಡುತ್ತವೆ. ಇವುಗಳಿಂದ ಮುಕ್ತಿ ಪಡೆದುಕೊಳ್ಳಲು ನೀವು ಸಾಧ್ಯವಾದಷ್ಟು ಹೆಚ್ಚು ಹೊತ್ತು ಪಾತ್ರೆಗಳನ್ನು ನೀರಿನಲ್ಲಿ ನೆನೆ ಹಾಕಿ ಆನಂತರ ಒಣಗಿದ ಮತ್ತು ಮೃದುವಾದ ಬಟ್ಟೆಯಿಂದ ಪಾತ್ರೆಗಳನ್ನು ಉಜ್ಜಿ ತೊಳೆಯಿರಿ.
ಮತ್ತೊಂದು ಅಮೋಘ ಟೆಕ್ನಿಕ್!
ಇನ್ನೊಂದು ಟೆಕ್ನಿಕ್ ನಲ್ಲಿ ನಿಮ್ಮ ಸ್ಟೀಲ್ ಪಾತ್ರೆಗಳನ್ನು ಯಾವಾಗಲೂ ಪಳಪಳ ಹೊಳೆಯುವಂತೆ ಮಾಡಬೇಕು ಎಂದರೆ, ನೀವು ಕುದಿಯುವ ನೀರಿನಲ್ಲಿ ಪಾತ್ರೆಗಳನ್ನು ಹಾಕಿ ಅದರಲ್ಲಿ ಬೇಕಿಂಗ್ ಸೋಡಾ ಒಂದೆರಡು ಚಮಚ ಮತ್ತು ಕೆಲವೊಂದು ಅಲ್ಯೂಮಿನಿಯಂ ಫಾಯಿಲ್ ಪೀಸ್ ಗಳನ್ನು ಹಾಕಿ ನೀರಿನಲ್ಲಿ ಹಾಗೆ ಬಿಡಿ. ಇದರಿಂದಲೂ ಸಹ ಪಾತ್ರೆಗಳು ತಮ್ಮ ಹೊಳಪನ್ನು ಕಾಯ್ದುಕೊಳ್ಳುತ್ತವೆ.
ಪಾತ್ರೆಗಳನ್ನು ಪಳಪಳ ಹೊಳೆಯುವಂತೆ ಮಾಡುವ ಟೆಕ್ನಿಕ್!
ಇದು ಬಹು ನಿರೀಕ್ಷಿತ ಮತ್ತು ಎಲ್ಲರೂ ಸಹ ಮನಸ್ಸಿನಲ್ಲಿ ಅಂದುಕೊಳ್ಳುವ ವಿಷಯ. ಸಾಮಾನ್ಯವಾಗಿ ನಾವು ಸ್ಟೀಲ್ ಪಾತ್ರೆಗಳನ್ನು ಬಳಸುತ್ತಾ ಹೋದಂತೆ ಅವುಗಳ ಅಂದ ಮಾಸುತ್ತಾ ಹೋಗುತ್ತದೆ. ಆದರೆ ನೀವು ಒಂದು ವೇಳೆ ನಿಮ್ಮ ಸ್ಟೀಲ್ ಪಾತ್ರೆಯ ಬಗ್ಗೆ ಕಾಳಜಿ ಹೊಂದಿದ್ದು ಅವುಗಳನ್ನು ಹೆಚ್ಚು ಕಾಲ ಹೊಳಪಿನಲ್ಲಿ ಇಟ್ಟುಕೊಳ್ಳಲು ಬಯಸಿದರೆ ಈ ಒಂದು ಟೆಕ್ನಿಕ್ ಟ್ರೈ ಮಾಡಿ ನೋಡಿ. ಏನೆಂದರೆ ಬೇಕಿಂಗ್ ಸೋಡಾ ಮತ್ತು ನೀರಿನ ಪೇಸ್ಟ್ ತಯಾರಿಸಿಕೊಳ್ಳಿ.
ಇದು ತುಂಬಾ ತೆಳ್ಳಗೆ ಇರಬಾರದು. ಸ್ವಲ್ಪ ಗಟ್ಟಿಯಾಗಿದ್ದರೂ ಪರವಾಗಿಲ್ಲ. ಈ ಪೇಸ್ಟ್ ಅನ್ನು ನಿಮ್ಮ ಸ್ಟೀಲ್ ಪಾತ್ರೆಯ ಒಳಗೆ ಮತ್ತು ಹೊರಗೆ ಹಚ್ಚಿ ಅನ್ವಯಿಸಿ ಸ್ವಲ್ಪ ಹೊತ್ತು ಹಾಗೆ ಬಿಡಿ. ಆನಂತರದಲ್ಲಿ ಉಗುರು ಬೆಚ್ಚಗಿನ ನೀರಿನಲ್ಲಿ ಯಾವುದಾದರೂ ಪಾತ್ರೆ ತೊಳೆಯುವ ಸೋಪಿನ ಜೊತೆ ಪಾತ್ರೆಯನ್ನು ತೊಳೆಯಿರಿ. ಇದರಿಂದ ಬೇಕಿಂಗ್ ಸೋಡಾ ವಾಸನೆ ಹೊರಟು ಹೋಗುತ್ತದೆ. ಪಾತ್ರೆಯನ್ನು ತೊಳೆದ ನಂತರದಲ್ಲಿ ಅದನ್ನು ಸ್ವಚ್ಛವಾದ ಒಣಗಿದ ಮೃದುವಾದ ಬಟ್ಟೆಯಿಂದ ಒರೆಸಿ.
