ಹಾವೇರಿ: ಅಂಜಲಿ ಅಂಬಗೇರ್ ಹತ್ಯೆ ಖಂಡಿಸಿ ಹಾವೇರಿಯಲ್ಲಿ ಬಿಜೆಪಿ ಕಾರ್ಯಕರ್ತರು ಪ್ರತಿಭಟನೆ ನಡೆಸಿದರು. ನಗರದ ಹೊಸಮನಿ ಸಿದ್ದಪ್ಪ ವೃತ್ತದಲ್ಲಿ ರಸ್ತೆ ತಡೆ ನಡೆಸಿ ರಾಜ್ಯ ಸರ್ಕಾರದ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿದರು. ರಾಜ್ಯದಲ್ಲಿ ಯುವತಿಯ ಮತ್ತು ಮಹಿಳೆಯರ ಹತ್ಯೆ ಪ್ರಕರಣಗಳು ಹೆಚ್ಚಾಗುತ್ತಿವೆ. ರಾಜ್ಯಸರ್ಕಾರ ಮೃದು ದೋರಣೆ ತೋರಿಸುತ್ತಿದೆ.
ನೇಹಾ ಪ್ರಕರಣದ ಆರೋಪಿ ಮತ್ತು ಅಂಜಲಿ ಅಂಬಗೇರ್ ಪ್ರಕರಣದ ಆರೋಪಿಗೆ ಗಲ್ಲುಶಿಕ್ಷೆಯನ್ನ ನೀಡಬೇಕು. ರಾಜ್ಯದಲ್ಲಿ ನಿರಂತರವಾಗಿ ಹತ್ಯೆ ಪ್ರಕರಣ ನಡೆದರೂ, ಗಂಭೀರವಾಗಿ ಪರಿಗಣನೆ ಮಾಡುತ್ತಿಲ್ಲ. ಗೃಹಸಚಿವರು ಮತ್ತು ರಾಜ್ಯ ಸರ್ಕಾರ ಕಠಿಣ ಕ್ರಮಜಾರಿಗೆ ಮಾಡಬೇಕು . ಇಲ್ಲವಾದರೆ ಮುಂದಿನ ದಿನಗಳಲ್ಲಿ ಉಗ್ರವಾದ ಹೋರಾಟ ಮಾಡುವ ಎಚ್ಚರಿಕೆ ಹಾಕಿದ್ದಾರೆ.