ಅಹಮದಾಬಾದ್: ಹದಿನೇಳನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಪಂಜಾಬ್ ಕಿಂಗ್ಸ್ ತಂಡದ ಯುವ ಆಟಗಾರರಾದ ಆಶುತೋಷ್ ಶರ್ಮಾ ಮತ್ತು ಶಶಾಂಕ್ ಸಿಂಗ್ ನೂತನ ಬೆಸ್ಟ್ ಫಿನಿಷರ್ಸ್ ಆಗಿ ಹೊರಹೊಮ್ಮಿದ್ದಾರೆ. ಅಂದಹಾಗೆ ಇದೇ ಮಾದರಿಯ ಸಾಮರ್ಥ್ಯ ಗುಜರಾತ್ ಟೈಟನ್ಸ್ ತಂಡದ ಯುವ ಆಟಗಾರ ಶಾರುಖ್ ಖಾನ್ ಅವರಲ್ಲೂ ಇದೆ.
ಆದರೆ, ಅವಕಾಶಗಳ ಕೊರತೆ ಕಾರಣ ಈವರೆಗೆ ಅವರ ನೈಜ ಆಟ ಹೊರಬಂದಿಲ್ಲ. ಆದರೂ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎದುರು ನಡೆದ ಐಪಿಎಲ್ 2024 ಟೂರ್ನಿಯ 45ನೇ ಪಂದ್ಯದಲ್ಲಿ 4ನೇ ಕ್ರಮಾಂಕದಲ್ಲಿ ಆಡುವ ಅವಕಾಶ ಪಡೆದ ಶಾರುಖ್ ಖಾನ್ ಸ್ಪೋಟಕ ಅರ್ಧಶತಕ ಸಿಡಿಸಿ ಮಿಂಚಿದರು.
ಸಾಮಾನ್ಯವಾಗಿ 6 ಅಥವಾ ಅದಕ್ಕಿಂತಲೂ ಕೆಳಗಿನ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಿದ ಮತ್ತು ಬಹುತೇಕ ಪಂದ್ಯಗಳಲ್ಲಿ ಇಂಪ್ಯಾಕ್ಟ್ ಪ್ಲೇಯರ್ ಆಗಿ ಆಡಿದ್ದ ಶಾರುಖ್ ಖಾನ್ ಇದೀಗ 4ನೇ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಲು ದಿಕ್ಕ ಅವಕಾಶವನ್ನು ಎರಡೂ ಕೈಗಳಿಂದ ಬಾಚಿಕೊಂಡರು. ಆರ್ಸಿಬಿ ಬೌಲರ್ಗಳನ್ನು ದಂಡಿಸಿದ ಶಾರುಖ್ ಖಾನ್ ಎದುರಿಸಿದ 30 ಎಸೆತಗಳಲ್ಲಿ 3 ಫೋರ್ ಮತ್ತು 5 ಸಿಕ್ಸರ್ಗಳ ಬಲದೊಂದಿಗೆ 58 ರನ್ ಸಿಡಿಸಿ ಅಬ್ಬರಿಸಿದರು.
10th ಪಾಸಾದವರಿಗೆ ಗುಡ್ʼನ್ಯೂಸ್: ಭಾರತೀಯ ನೌಕಾಪಡೆಯಲ್ಲಿದೆ ಭರ್ಜರಿ ಉದ್ಯೋಗಾವಕಾಶ..! ಇಂದೇ ಅರ್ಜಿ ಸಲ್ಲಿಸಿ
ಇದು ಐಪಿಎಲ್ 2024 ಟೂರ್ನಿಯಲ್ಲಿ ಶಾರುಖ್ ಬಾರಿಸಿದ ಮೊದಲ ಫಿಫ್ಟಿ ಆಗಿದೆ. ಈ ಬಗ್ಗೆ ಮಾತನಾಡಿದ ಜನಪ್ರಿಯ ಕಾಮೆಂಟೇಟರ್ ನವಜೋತ್ ಸಿಂಗ್ ಸಿಧು, 28 ವರ್ಷದ ಯುವ ಆಲ್ರೌಂಡರ್ನ ಪಾಕಿಸ್ತಾನದ ದಿಗ್ಗಜ ಆಲ್ರೌಂಡರ್ ಶಾಹಿದ್ ಅಫ್ರಿದಿಕೆ ಹೋಲಿಕೆ ಮಾಡಿದ್ದಾರೆ. ದೇಶಿ ಕ್ರಿಕೆಟ್ನಲ್ಲಿ ತಮಿಳುನಾಡು ತಂಡದ ಪರ ಬ್ಯಾಟ್ ಬೀಸುವ ಶಾರುಖ್ ಖಾನ್,
ದೇಶಿ ಅಖಾಡದಲ್ಲಿ ಅಬ್ಬರಿಸಿದ ಮಾದರಿ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಈವರೆಗೆ ಪರಿಣಾಮ ಬೀರಿಲ್ಲ. ಆರ್ಸಿಬಿ ವಿರುದ್ಧ ಪಂದ್ಯದಲ್ಲಿ ಶ್ರೇಷ್ಠ ಲಯದಲ್ಲಿ ಕಂಡ ಶಾರುಖ್ 193.33ರ ಸ್ಟ್ರೈಕ್ರೇಟ್ನೊಂದಿಗೆ 5 ಮನಮೋಹಕ ಸಿಕ್ಸರ್ಗಳನ್ನು ಸಿಡಿಸಿ, ವೇಗಿ ಮೊಹಮ್ಮದ್ ಸಿರಾಜ್ ಎಸೆದ ಅಸಾಧಾರಣ ಯಾರ್ಕರ್ ಎಸೆತದಲ್ಲಿ ಬೌಲ್ಡ್ ಔಟ್ ಆದರು.
“ಸ್ಪಿನ್ನರ್ಗಳ ಎದುರು ಶಾರುಖ್ ಖಾನ್ ಪಾಕಿಸ್ತಾನದ ದಿಗ್ಗಜ ಶಾಹಿದ್ ಅಪ್ರಿದಿ ಮಾದರಿ ಬ್ಯಾಟ್ ಮಾಡುತ್ತಾರೆ. ಶಾಹಿದ್ ವಿಶ್ವ ಕಂಡ ಅಪಾಯಕಾರಿ ಬ್ಯಾಟರ್ಗಳಲ್ಲಿ ಒಬ್ಬರು. ಎದುರಾಳಿ ಬೌಲರ್ಗಳ ಮನದಲ್ಲಿ ಭಯ ಹುಟ್ಟಿಸಿದ್ದ ಆಟಗಾರ. ಅಫ್ರಿದಿ ಬ್ಯಾಟ್ ಮಾಡುವಾಗ ಬೌಲರ್ಗಳು ನಡುಗುತ್ತಿದ್ದರು. ಶಾರುಖ್ ಖಾನ್ ಅವರಲ್ಲೂ ಅಂಥದ್ದೇ ಮನಸ್ಥಿತಿ ಇದೆ. ಶಾರುಖ್ ಸ್ವಲ್ಪ ತಲೆ ಉಪಯೋಗಿಸಿ ಬ್ಯಾಟ್ ಮಾಡಿದರೆ ಖಂಡಿತಾ ಉನ್ನತ ಮಟ್ಟಕ್ಕೆ ಬೆಳೆಯುತ್ತಾರೆ. ಅವರು ಸ್ಥಿರ ಪ್ರದರ್ಶನ ನೀಡಲಿ ಎಂದು ನಾನು ಎದುರು ನೋಡುತ್ತಿರುತ್ತೇನೆ,” ಎಂದು ಸ್ಟಾರ್ ಸ್ಪೋರ್ಟ್ಸ್ ಕಾರ್ಯಕ್ರಮದಲ್ಲಿ ನವಜೋತ್ ಸಿಂಗ್ ಸಿಧು ಹೇಳಿದ್ದಾರೆ.