ಇತ್ತೀಚಿನ ದಿನಗಳಲ್ಲಿ ಜನರಲ್ಲಿ ಅನಾರೋಗ್ಯ ಸಮಸ್ಯೆ ಹೆಚ್ಚಾಗಿ ಕಾಡುತ್ತಿದೆ. ಅಲ್ಲದೇ ಔಷಧಿಗಳ ಬಳಕೆ ಪ್ರಮಾಣವು ಕೂಡ ಹೆಚ್ಚಾಗಿದೆ.
ಆದರೆ ಕೆಲವರು ಔಷಧಿಯನ್ನು ಪರಿಶೀಲಿಸಿದೇ ಸೇವಿಸುತ್ತಾರೆ. ಇದು ಅಸಲಿಯೋ , ನಕಲಿಯೋ ಎಂಬುವುದನ್ನು ತಿಳಿಯದೇ ಸೇವಿಸಿ ಮತ್ತಷ್ಟು ಆರೋಗ್ಯ ಹದಗೆಡಿಸಿಕೊಳ್ಳುತ್ತಾರೆ.
ನಕಲಿ ಔಷಧ ಸೇವನೆಯಿಂದ ಆರೋಗ್ಯ ಕೆಡುತ್ತದೆ. ಅಷ್ಟೇ ಅಲ್ಲ, ಬಿಡುಗಡೆಯಾಗುವ ಹಲವು ಔಷಧಗಳು ಜೀವಕ್ಕೆ ಅಪಾಯವಾಗುವಷ್ಟು ಹಾನಿಕಾರಕವಾಗಿವೆ. ಆದ್ರೆ, ಔಷಧಿಯ ಕವರ್ ನೋಡಿಯೇ ವೈದ್ಯರು ಹೇಳಬಹುದು. ಈಗ ಔಷಧ ಅಸಲಿಯೇ ಅಥವಾ ನಕಲಿಯೇ? ಎಂಬುದನ್ನ ನೀವೇ ಪರಿಶೀಲಿಸಬಹುದು.
ನೀವು ಯಾವುದೇ ಔಷಧವನ್ನ ಖರೀದಿಸುತ್ತಿದ್ದರೆ, ಅದರಲ್ಲಿರುವ ಅನನ್ಯ ಕೋಡ್ ಪರಿಶೀಲಿಸಿ. ಪ್ರತಿಯೊಂದು ಔಷಧದ ಹೊದಿಕೆಯ ಮೇಲೆ ವಿಶಿಷ್ಟವಾದ ಸಂಕೇತವನ್ನ ಮುದ್ರಿಸಲಾಗುತ್ತದೆ. ಇದರಲ್ಲಿ ಔಷಧದ ತಯಾರಿಕೆಯ ದಿನಾಂಕದಿಂದ ಸ್ಥಳ ಮತ್ತು ಪೂರೈಕೆ ಸರಪಳಿಯ ಮಾಹಿತಿ ಇರುತ್ತದೆ.
ನಕಲಿ ಔಷಧಿಗಳ ತಯಾರಕರು ನಿಜವಾದ ಔಷಧೀಯ ಕಂಪನಿಗಳ ಹೆಸರು ಮತ್ತು ವಿನ್ಯಾಸಗಳನ್ನ ನಕಲಿಸಬಹುದು. ಆದ್ರೆ, ಅವುಗಳಲ್ಲಿ ನಮೂದಿಸಲಾದ QR ಕೋಡ್ಗಳನ್ನು ನಕಲಿಸಲು ಸಾಧ್ಯವಿಲ್ಲ. ಪ್ರತಿ ಔಷಧಿಗೆ ರಚಿಸಲಾದ ತೆರಿಗೆ ಕೋಡ್ ಅನನ್ಯವಾಗಿದೆ.
₹100 ಕ್ಕಿಂತ ಹೆಚ್ಚು ಬೆಲೆಯ ಎಲ್ಲಾ ಔಷಧಿಗಳ ಮೇಲೆ ಕ್ಯೂಆರ್ ಕೋಡ್ ಹಾಕುವುದು ಕಡ್ಡಾಯವಾಗಿದೆ. ಕಂಪನಿಯು ಇದನ್ನು ಮಾಡದಿದ್ದರೆ ದಂಡ ವಿಧಿಸಬಹುದು.
ಯಾವುದೇ ಔಷಧಿ ಆಗಲಿ ಪರಿಶೀಲಿಸದೇ ನೇರವಾಗಿ ಸೇವಿಸಬೇಡಿ.