ಇತ್ತೀಚಿನ ವಾಹನಗಳು ಸುಧಾರಿತ ವೈಶಿಷ್ಟ್ಯಗಳೊಂದಿಗೆ ಬರುತ್ತವೆ. ಅದರಲ್ಲಿ ಆಂಡ್ರಾಯ್ಡ್ ಆಟೋ ಹಾಗೂ ಆಪಲ್ ಕಾರ್ ಪ್ಲೇ ಕೂಡಾ ಒಂದು. ಇನ್ನು ಆಂಡ್ರಾಯ್ಡ್ ಆಟೋದ ಬಗ್ಗೆ ಮಾತನಾಡುವುದಾದರೆ ಇದು ಗೂಗಲ್ನ ಇನ್-ಕಾರ್ ಇಂಟರ್ಫೇಸ್. ಇದು ಬಳಕೆದಾರ ಸ್ನೇಹಿ ವೈಶಿಷ್ಟ್ಯವಾಗಿದ್ದು, ಚಾಲನೆಯ ಅನುಭವವನ್ನು ಇನ್ನಷ್ಟು ಉತ್ತಮವಾಗಿಸಲು ಸಹಾಯ ಮಾಡುತ್ತದೆ
ಈ ವೈಶಿಷ್ಟ್ಯದಲ್ಲಿ ನೀವು ತಲುಪಬೇಕಾದ ಸ್ಥಳವನ್ನು ತಲುಪಿದ ಬಳಿಕ ಗೂಗಲ್ ಮ್ಯಾಪ್ನಲ್ಲಿ ನಿಮ್ಮ ಪಾರ್ಕಿಂಗ್ ಸ್ಥಳವನ್ನು ಸೇವ್ ಮಾಡಲು ಬಳಕೆದಾರರಿಗೆ ಆಂಡ್ರಾಯ್ಡ್ ಆಟೋ ಅನುವು ಮಾಡಿಕೊಡುತ್ತದೆ. ಈ ವೈಶಿಷ್ಟ್ಯವು ಸರಳವಾಗಿದೆ ಎಂದುಕೊಂಡರೂ ಸಂಕೀರ್ಣವಾದ ಪಾರ್ಕಿಂಗ್ ಸ್ಥಳಗಳನ್ನು ಹೊಂದಿರುವ ಮಾಲ್ಗಳು ಅಥವಾ ಕಮ್ಯುನಿಟಿ ಪಾಕಿಂಗ್ ಸಂದರ್ಭದಲ್ಲಿ ಇದು ಸಹಾಯಕ್ಕೆ ಬರುತ್ತದೆ. ಆಂಡ್ರಾಯ್ಡ್ ಆಟೋ ಬಳಕೆದಾರರಿಗೆ ಇದು ಸ್ಕ್ರೀನ್ ಮೇಲೆ ಹೊಸ ಸೇವ್ ಪಾರ್ಕಿಂಗ್ ಟಾಗಲ್ ಅನ್ನು ಪ್ರದರ್ಶಿಸುತ್ತದೆ. ಇದರ ಮೇಲೆ ಟ್ಯಾಪ್ ಮಾಡುವುದರಿಂದ ಪಾರ್ಕಿಂಗ್ ಸ್ಥಳವನ್ನು ಸೇವ್ ಮಾಡಿಕೊಳ್ಳಬಹುದು.
ನಿಮ್ಮ ಸ್ಮಾರ್ಟ್ ಫೋನ್ ಅನ್ನು ಆಂಡ್ರಾಯ್ಡ್ ಆಟೋಗೆ ಲಿಂಕ್ ಮಾಡಿ. ಇದು ನಿಮ್ಮ ಡಿವೈಜ್ ಹಾಗೂ ಇನ್-ಕಾರ್ ಇಂಟರ್ಫೇಸ್ ನಡುವೆ ಸಂಪರ್ಕವನ್ನು ಕಲ್ಪಿಸುತ್ತದೆ. ಜೊತೆಗೆ ನಿಮ್ಮ ಚಾಲನಾ ಅನುಭವವನ್ನು ಇನ್ನಷ್ಟು ಹೆಚ್ಚಿಸುವ ವೈಶಿಷ್ಟ್ಯಗಳ ಶ್ರೇಣಿಯನ್ನು ನಿಮಗೆ ನೀಡುತ್ತದೆ. ಆಂಡ್ರಾಯ್ಡ್ ಆಟೋ ಇಂಟರ್ಫೇಸ್ನಲ್ಲಿ ಗೂಗಲ್ ಮ್ಯಾಪ್ ಅನ್ನು ಆರಂಭಿಸಿ. ಇದು ನಿಮಗೆ ರಿಯಲ್ ಟೈಮ್ ನ್ಯಾವಿಗೇಷನ್ ಅನ್ನು ಒದಗಿಸುವ ಜೊತೆಗೆ ತಲುಪಬೇಕಾದ ಸ್ಥಳವನ್ನು ಸರಿಯಾಗಿ ತಲುಪುತ್ತಿದ್ದೀರಿ ಎಂಬುದನ್ನೂ ಖಚಿತಪಡಿಸುತ್ತದೆ. ಗೂಗಲ್ ನಕ್ಷೆಗಳ ಇಂಟರ್ಫೇಸ್ ಮೂಲಕ ನೀವು ತಲುಪಬೇಕಾದ ಸ್ಥಳದ ಬಗ್ಗೆ ಆಂಡ್ರಾಯ್ಡ್ ಆಟೋ ಮಾರ್ಗದರ್ಶನ ನೀಡುತ್ತದೆ. ಹೀಗಾಗಿ ಯಾವುದೇ ಗೊಂದಲ ಇಲ್ಲದೆ ನೀವು ತಲುಪಬೇಕಾದ ಸ್ಥಳವನ್ನು ತಲುಪುತ್ತೀರಿ.
ಹೀಗೆ ಆಂಡ್ರಾಯ್ಡ್ ಆಟೋ ಸಹಾಯದ ಮೂಲಕ ಸರಿಯಾದ ಜಾಗದಲ್ಲಿ ನಿಮ್ಮ ವಾಹನವನ್ನು ನಿಲ್ಲಿಸುವಾಗ, ಆಂಡ್ರಾಯ್ಡ್ ಆಟೋ ನಿಮ್ಮ ಅಗತ್ಯಗಳನ್ನು ನಿರೀಕ್ಷಿಸುತ್ತದೆ. ಹೀಗಾಗಿ ಅನುಕೂಲಕರ ಸೇವ್ ಪಾರ್ಕಿಂಗ್ ಎಂಬ ಟಾಗಲ್ ಆಟೋಮ್ಯಾಟಿಕ್ ಆಗಿ ಪರದೆ ಮೇಲೆ ಕಾಣಿಸಿಕೊಳ್ಳುತ್ತದೆ. ನಿಮಗೆ ಅಗತ್ಯವಿದ್ದರೆ ಈ ಟಾಗಲ್ ಅನ್ನು ಆನ್ ಮಾಡುವ ಮೂಲಕ ಈ ಪಾರ್ಕಿಂಗ್ ಸ್ಥಳವನ್ನು ಸೇವ್ ಮಾಡಿಕೊಳ್ಳಬಹುದು. ಈ ಟಾಗಲ್ ಅನ್ನು ಸ್ವಿಚ್ ಆನ್ ಮಾಡಿದ ತಕ್ಷಣ, ಸಿಸ್ಟಮ್ ಆ ಪಾರ್ಕಿಂಗ್ ಸ್ಪಾಟ್ ಅನ್ನು ರೆಕಾರ್ಡ್ ಮಾಡುತ್ತದೆ. ಹೀಗಾಗಿ ಅಗತ್ಯವಿದ್ದಾಗ ಬಲು ಸುಲಭವಾಗಿ ಈ ಲೋಕೇಷನ್ ಅನ್ನು ನೀವು ಕಂಡುಕೊಳ್ಳಬಹುದು.
ಹೀಗೆ ಸುರಕ್ಷಿತವಾಗಿ ನಿಮ್ಮ ಕಾರನ್ನು ಪಾರ್ಕ್ ಮಾಡಿದ ಬಳಿಕ ಹಲವು ವಾಹನಗಳ ನಡುವೆ ನಿಮ್ಮ ವಾಹನವನ್ನು ಪತ್ತೆ ಹಚ್ಚಬೇಕಾದ ಸಂದರ್ಭ ಬಂದಾಗ ಮತ್ತೆ ಗೂಗಲ್ ಮ್ಯಾಪ್ ಅನ್ನು ತೆರೆಯಿರಿ. ವಿಶಿಷ್ಟವಾದ ಹಳದಿ ಪಾರ್ಕಿಂಗ್ ಪಿನ್ ಅನ್ನು ಹುಡುಕಿ.