ಅಮೃತಸರ: ಪಂಜಾಬ್ ಮುಖ್ಯಮಂತ್ರಿ ಭಗವಂತ್ ಸಿಂಗ್ ಮಾನ್, ತಮ್ಮ 50ನೇ ವಯಸ್ಸಿನಲ್ಲಿ ಮತ್ತೆ ತಂದೆಯಾಗುತ್ತಿದ್ದಾರೆ. ಅವರ ಎರಡನೇ ಪತ್ನಿ ಡಾ. ಗುರುಪ್ರೀತ್ ಕೌರ್ ಅವರು ಏಳು ತಿಂಗಳ ಗರ್ಭಿಣಿಯಾಗಿದ್ದಾರೆ. ಮಾರ್ಚ್‌ನಲ್ಲಿ ಮಗುವಿನ ಜನನದ ನಿರೀಕ್ಷೆ ಮಾಡುತ್ತಿರುವುದಾಗಿ ಅವರು ತಮ್ಮ ಭಾಷಣದ ವೇಳೆ ಪ್ರಕಟಿಸುವ ಮೂಲಕ ಸಭಿಕರನ್ನು ಅಚ್ಚರಿಗೊಳಿಸಿದರು.
ಭ್ರೂಣ ಲಿಂಗ ಪತ್ತೆ ಪರೀಕ್ಷೆಗಳನ್ನು ನಡೆಸದಂತೆ ಜನರಿಗೆ ಮನವಿ ಮಾಡಿದ ಅವರು, “ನಾನು ಕೂಡ ನನ್ನ ಮನೆಗೆ ಮಾರ್ಚ್‌ನಲ್ಲಿ ಹೊಸ ಅತಿಥಿ ಆಗಮನದ ಆನಂದದ ಗಳಿಗೆಗಾಗಿ ನಿರೀಕ್ಷಿಸುತ್ತಿದ್ದೇನೆ. ನನ್ನ ಹೆಂಡತಿ ಏಳು ತಿಂಗಳ ಗರ್ಭಿಣಿ. ಲಿಂಗ ಪತ್ತೆ ಮಾಡಬಾರದು ಎಂಬುದನ್ನು ನಾವು ಪ್ರಜ್ಞಾಪೂರ್ವಕವಾಗಿ ನಿರ್ಧರಿಸಿದ್ದೇವೆ. ಭವಿಷ್ಯದಲ್ಲಿ ಕೂಡ ಇದನ್ನು ನಾವು ಮಾಡುವುದಿಲ್ಲ.
Home Loan: ನೀವು ಮನೆ ಖರೀದಿಗೆ ಯೋಚಿಸುತ್ತಿದ್ದೀರಾ.? ಈ ಬ್ಯಾಂಕ್‌ʼಗಳಲ್ಲಿ ಸಿಗುತ್ತೆ ಕಡಿಮೆ ಬಡ್ಡಿಗೆ ಗೃಹ ಸಾಲ..!
ಅಂತಹ ಅಭ್ಯಾಸವನ್ನು ನಿಲ್ಲಿಸುವಂತೆ ನಾನು ಎಲ್ಲರಿಗೂ ಮನವಿ ಮಾಡುತ್ತೇನೆ. ಗಂಡು ಮತ್ತು ಹೆಣ್ಣಿನ ನಡುವಿನ ತಾರತಮ್ಯವನ್ನು ನಿಲ್ಲಿಸೋಣ. ಅದರ ಬದಲಾಗಿ ಆರೋಗ್ಯವಂತ ಮಗುವಿಗಾಗಿ ಬಯಸೋಣ. ಅವಕಾಶ ನೀಡಿದರೆ, ಹೆಣ್ಣುಮಕ್ಕಳು ಸಾಧಿಸಲಾಗದ್ದು ಏನೂ ಇಲ್ಲ” ಎಂದು ಹೇಳಿದ್ದಾರೆ.
ಪಂಜಾಬ್ ರಾಜ್ಯಪಾಲ ಭನ್ವರಿಲಾಲ್ ಪುರೋಹಿತ್ ಅವರು ಪಂಜಾಬಿ ರಾಜಭವನದಲ್ಲಿ ಆತಿಥ್ಯ ವಹಿಸಿದ್ದ ಅಟ್ ಹೋಮ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಮಾನ್, ಗುರುದಾಸ್ ಮಾನ್ ಅವರ ಜನಪ್ರಿಯ ಗೀತೆ ‘ಛಲ್ಲಾ’ವನ್ನು ಹಾಡಿದರು. ಆಗ ಕೂಡ ಅವರು, ತಾವು ಮಾರ್ಚ್‌ನಲ್ಲಿ ತಂದೆಯಾಗಲಿರುವುದಾಗಿ ಸಂಭ್ರಮದಿಂದ ತಿಳಿಸಿದರು.
