ಮಾನವ ದೇಹದಲ್ಲಿ ಆಂತರಿಕವಾಗಿ ಯಾವುದೇ ಪ್ರಮುಖ ಸಮಸ್ಯೆ ಉದ್ಭವಿಸಿದಾಗ, ಮೊದಲ ಪರಿಣಾಮವು ಉಗುರುಗಳು, ನಾಲಿಗೆ ಮತ್ತು ಕಣ್ಣುಗಳಲ್ಲಿ ಕಂಡುಬರುತ್ತದೆ. ಅದಕ್ಕಾಗಿಯೇ ಅನೇಕ ವೈದ್ಯರು ನಾಲಿಗೆ ಮತ್ತು ಕಣ್ಣುಗಳನ್ನು ಎಚ್ಚರಿಕೆಯಿಂದ ಪರೀಕ್ಷಿಸುತ್ತಾರೆ. ಏಕೆಂದರೆ ಅಲ್ಲಿ ಹಲವು ಬಗೆಯ ರೋಗಗಳ ರಹಸ್ಯ ಅಡಗಿರುತ್ತದೆ. ಕ್ಯಾನ್ಸರ್ ನಂತಹ ಮಾರಣಾಂತಿಕ ಕಾಯಿಲೆಗಳ ಲಕ್ಷಣವು ಉಗುರುಗಳಲ್ಲಿಯೂ ಕಂಡುಬರುತ್ತವೆ.
ಕೆಲವೊಮ್ಮೆ ರೋಗಲಕ್ಷಣಗಳು ಉಗುರುಗಳ ಬಣ್ಣ ಅಥವಾ ಬಿರುಕು ಅಥವಾ ಉಗುರುಗಳ ಕುಗ್ಗುವಿಕೆ ಮುಂತಾದವುಗಳಾಗಿವೆ. ಉಗುರಿನ ಬಣ್ಣ ಬದಲಾದರೆ ಯಕೃತ್ತು, ಶ್ವಾಸಕೋಶ ಮತ್ತು ಹೃದಯ ಸಂಬಂಧಿ ಸಮಸ್ಯೆಗಳು ಬರಬಹುದು ಎಂಬುದರ ಸಂಕೇತ. ಅದಕ್ಕಾಗಿಯೇ ಉಗುರಿನ ಬಣ್ಣದಲ್ಲಿ ಬದಲಾವಣೆ ಕಂಡುಬಂದರೆ, ನೀವು ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು.
ಅಮೇರಿಕನ್ ಅಕಾಡೆಮಿ ಆಫ್ ಡರ್ಮಟಾಲಜಿ ಅಸೋಸಿಯೇಷನ್ ಪ್ರಕಾರ, ಉಗುರುಗಳ ಮೇಲೆ ಕಪ್ಪು ಕಲೆಗಳು ಚರ್ಮದ ಕ್ಯಾನ್ಸರ್‌ನ ಸಂಕೇತವಾಗಿದೆ. ಉಗುರುಗಳ ಮೇಲೆ ಡಾರ್ಕ್ ಗೆರೆಗಳು ಬೆಳೆಯುವುದು ಮೆಲನೋಮಾದ ಸಂಕೇತವಾಗಿರಬಹುದು.
ಕೆಲವರು ಉಗುರುಗಳ ಮೇಲೆ ಬಿಳಿ ಅಥವಾ ಇತರ ಬಣ್ಣಗಳ ಪ್ಯಾಚ್‌ ಕಾಣಿಸಿಕೊಂಡರೆ ಅದು ವಿವಿಧ ರೀತಿಯ ಶಿಲೀಂಧ್ರಗಳ ಸೋಂಕಾಗಿರಬಹುದು. ಉಗುರಿನ ಸುತ್ತಲೂ ಊತ ಅಥವಾ ಕೆಂಪು ಕಾಣಿಸಿಕೊಂಡರೆ, ತಕ್ಷಣ ವೈದ್ಯರನ್ನು ಸಂಪರ್ಕಿಸಿ. ಈ ಸ್ಥಿತಿಯನ್ನು ಪರೋನಿಚಿಯಾ ಎಂದು ಕರೆಯಲಾಗುತ್ತದೆ. ಉಗುರಿನ ಬಣ್ಣವು ಕಪ್ಪು ಬಣ್ಣಕ್ಕೆ ತಿರುಗಿದರೆ ಅಥವಾ ಹಸಿರು ಬಣ್ಣಕ್ಕೆ ತಿರುಗಿದರೆ, ಇದು ಬ್ಯಾಕ್ಟೀರಿಯಾದ ಸೋಂಕಿನ ಸಂಕೇತವಾಗಿದೆ. ತಕ್ಷಣವೇ ಚಿಕಿತ್ಸೆ ನೀಡದಿದ್ದರೆ ಇದು ಅಪಾಯಕಾರಿ.
ಕೆಲವರ ಉಗುರುಗಳಲ್ಲಿ ರಂಧ್ರಗಳಿರುತ್ತವೆ. ಸೋರಿಯಾಸಿಸ್, ಅಟೊಪಿಕ್ ಡರ್ಮಟೈಟಿಸ್, ಅಲೋಪೆಸಿಯಾ ರೋಗಲಕ್ಷಣಗಳಾಗಿರಬಹುದು. ಹಳದಿ, ತೆಳುವಾದ ಅಥವಾ ಬೆಳೆಯದ ಉಗುರು ಅಪಾಯದ ಸಂಕೇತವಾಗಿದೆ. ಉಗುರುಗಳ ನಡುವಿನ ಅಂತರವು ಮಾನಸಿಕ ಸಮಸ್ಯೆಯ ಸಂಕೇತವಾಗಿದೆ. ಉಗುರುಗಳು ಮಂದ ಮತ್ತು ಒಣಗಿದ್ದರೆ, ಅದು ಥೈರಾಯ್ಡ್ ಸಮಸ್ಯೆಯಾಗಿರಬಹುದು.
