ದಾವಣಗೆರೆ: ಕರ್ನಾಟಕ ಸರ್ಕಾರ ಯಾವಾಗಾದ್ರು ಬಿದ್ದೋಗಬಹುದು ಎಂಬ ಪಿಎಂ ಮೋದಿ ಹೇಳಿಕೆ ವಿಚಾರಕ್ಕೆ ಸಂಭಂಧಿಸಿದಂತೆ ನಮ್ಮ ರಾಹುಲ್ ಗಾಂಧಿ ಜೊತೆಗೆ 75-80 ಜನ ಬಿಜೆಪಿಯ ಹಾಲಿ ಮತ್ತು ಮಾಜಿ ಶಾಸಕರು ಸಂಪರ್ಕದಲ್ಲಿದ್ದಾರೆ ಎಂದು ಹೊನ್ನಾಳಿ ಶಾಸಕ ಡಿಜಿ ಶಾಂತನಗೌಡ ಹೊಸ ಬಾಂಬ್ ಸಿಡಿಸಿದ್ದಾರೆ. ದಾವಣಗೆರೆಯಲ್ಲಿ ಮಾತನಾಡಿದ ಅವರು, ” ಕರ್ನಾಟಕ ಸರ್ಕಾರ ಯಾವಾಗ ಬೇಕಾದ್ರೂ ಬೀಳಬಹುದು ಎಂದಿದ್ದ ಮೋದಿಗೆ ತಿರುಗೇಟು ಕೊಟ್ಟ ಶಾಂತನಗೌಡ, ರಾಹುಲ್ ಗಾಂಧಿ ಸಂಪರ್ಕದಲ್ಲಿ 70-80 ಶಾಸಕರು ಇದ್ದಾರೆ ಎಂದು ಹೇಳಿದರು. ಈ ಬಗ್ಗೆ ನಮ್ಮ ಬಳಿ ರಿಪೋರ್ಟ್ ಇದೆ ಎಂದು ಹೇಳಿದ್ದಾರೆ.
ಮೋದಿ ಹೇಳಿದ ತಕ್ಷಣ ಸರ್ಕಾರ ಬೀಳೋಕೆ ಇದು ಪ್ರಜಾಪ್ರಭುತ್ವ, ಪ್ರಧಾನಿಯವರಿಗೆ ಗೌರವ ಇದೆ, ಉಳಿಸಿಕೊಳ್ಳಲಿ, ಮೋದಿ ಜೊತೆ ಶಾಸಕರು ಸಂಪರ್ಕ ಇದ್ದಾರೆ ಎಂದು ಹೇಳುತ್ತಾರೆ. ನಮ್ಮ ರಾಹುಲ್ ಗಾಂಧಿ ಜೊತೆ 75-80 ಬಿಜೆಪಿ ಮಾಜಿ ಹಾಲಿ ಶಾಸಕರು ಸಂಪರ್ಕ ಇದ್ದಾರೆ, ಪಿಎಂ ಕುರ್ಚಿ ಅಲುಗಾಡುತ್ತಿದೆ, ಅದಕ್ಕೆ ಹೀಗೆ ಹೇಳಿದ್ದಾರೆ, ಲೋಕ ಚುನಾವಣೆಯಲ್ಲಿ ರಾಜ್ಯದಲ್ಲಿ ಹೆಚ್ಚು ಸೀಟ್ ಬಂದ್ರೆ ಅವರಿಗೆ ತೊಂದ್ರೆಯಾಗತ್ತೆ. ಸರ್ಕಾರ ಬಿಳೋದು ಸುಳ್ಳು, ನಮ್ಮ ಸರ್ಕಾರ ಸುಭದ್ರವಾಗಿದೆ ಎಂದು ಹೇಳಿದರು.
ಸಿಎಂ ಬದಲಾವಣೆ ವಿಚಾರ
ರಾಜ್ಯದಲ್ಲಿ ಸಿಎಂ ಬದಲಾವಣೆ ವಿಚಾರಕ್ಕೆ ಮಾತನಾಡಿದ ಅವರು, ಹೈಕಮಾಂಡ್ ಮಟ್ಟದಲ್ಲಿ ಏನೂ ಮಾತುಕತೆ ಆಗಿದೆ ಗೊತ್ತಿಲ್ಲ, ನಮ್ಮ ಹೈಕಮಾಂಡ್ ತುಂಬಾ ಬಿಗಿ ಇದೆ. ಬದಲಾವಣೆ ಹೇಳಿಕೆ ಎಲ್ಲಾ ಪಟಾಕಿ. ಅವರವರ ಪ್ರತಿಷ್ಠೆಗೆ ಮಾತನಾಡುತ್ತಿದ್ದಾರೆ, ಪಕ್ಷದಲ್ಲಿ ಗೆದ್ದ ಮೇಲೆ ವಿರೋಧ ಹೇಳಿಕೆ ಕೊಡಬಾರದು ಎಂದು ಶಾಸಕ ಡಿಜಿ ಶಾಂತನಗೌಡ ಹೇಳಿದರು.
