ಮಾಲ್ಡೀವ್ಸ್ನ ಕೆಲ ಮಂತ್ರಿಗಳು ಮಾಡಿರುವ ಭಾರತ ವಿರೋಧಿ ಕಾಮೆಂಟ್ಗಳನ್ನು ಟೀಮ್ ಇಂಡಿಯಾದ ಹಲವು ಹಾಲಿ ಮತ್ತು ಮಾಜಿ ಕ್ರಿಕೆಟಿಗರು ಕಟುವಾಗಿ ಖಂಡಿಸಿದ್ದಾರೆ. ಅಂದಹಾಗೆ ಸೋಷಿಯಲ್ ಮೀಟಿಯಾಗಳಲ್ಲಿ ಭಾರತೀಯರು ಮಾಲ್ಡೀವ್ಸ್ ಪ್ರವಾಸ ಕೈಗೊಳ್ಳುವುದನ್ನು ನಿಲ್ಲಿಸಬೇಕು ಎಂಬ ಅಭಿಯಾನ ಕೂಡ ಶುರುವಾಗಿದ್ದು, ಈ ಸಂದರ್ಭದಲ್ಲಿ ಮಾಜಿ ನಾಯಕ ಎಂಎಸ್ ಧೋನಿ ಅವರ ಹೇಳಿಕೆಯ ಹಳೇ ವಿಡಿಯೋ ಒಂದು ಭಾರಿ ಸದ್ದು ಮಾಡುತ್ತಿದೆ.
https://x.com/MrAnikrat/status/1744070553521279317?s=20
ಈ ಬಗ್ಗೆ ಎಂಎಸ್ ಧೋನಿ ಎಂದಿಗೂ ಕೂಡ ತಮ್ಮ ಸೋಷಿಯಲ್ ಮೀಡಿಯಾಗಳಲ್ಲಿ ಪ್ರತಿಕ್ರಿಯೆ ನೀಡಿದವರಲ್ಲ. ಆದರೆ, ಇದೇ ವಿಚಾರವಾಗಿ ಹಳೇ ವಿಡಿಯೋ ಒಂದರಲ್ಲಿ ಮಾತನಾಡಿದ್ದು ಇದೀಗ ವೈರಲ್ ಆಗಿದೆ. ಅವರ ವಿಡಿಯೋ ತುಣುಕಿನಲ್ಲಿ ಭಾರತದ ಲಕ್ಷದ್ವೀಪ ಮತ್ತು ಮಾಲ್ಡೀವ್ಸ್ ಎರಡರಲ್ಲಿ ಭಾರತೀಯರಿಗೆ ಯಾವುದು ಉತ್ತಮ ಎಂಬುದರ ಚರ್ಚೆಗೆ ಅತ್ಯುತ್ತಮ ಉತ್ತರ ಸಿಕ್ಕಿದೆ. ವಿಡಿಯೋದಲ್ಲಿ ತಮ್ಮ ಬಿಡುವಿನ ಸಮಯದಲ್ಲಿ ಕೈಗೊಳ್ಳುವ ಪ್ರವಾಸಗಳ ಕುರಿತಾಗಿ ಮಾತನಾಡಿರುವ ಧೋನಿ, ಮೊದಲಿಗೆ ಭಾರತದಲ್ಲಿನ ಪ್ರವಾಸಿ ತಾಣಗಳನ್ನು ನೋಡಿ ನಂತರ ವಿದೇಶಗಳ ಬಗ್ಗೆ ಆಲೋಚಿಸಿ ಎಂದಿದ್ದಾರೆ.
ನಾನು ಪ್ರಯಾಣ ಬೆಳೆಸುತ್ತೇನೆ ಆದರೆ ಹೆಚ್ಚಿನ ಸಮಯದಲ್ಲಿ ಪ್ರವಾಸ ಲುವಾಗಿ ಪ್ರಯಾಣ ಕೈಗೊಂಡಿರುವುದಿಲ್ಲ. ನಿಜ ಹೇಳುವುದಾದರೆ ಹೆಚ್ಚಿನ ಪ್ರವಾಸಿ ತಾಣಗಳಿಗೆ ನಾನು ಭೇಟಿ ನೀಡಿಲ್ಲ. ನನ್ನ ಅಂತಾರಾಷ್ಟ್ರೀಯ ಕ್ರಿಕೆಟ್ ದಿನಗಳಲ್ಲಿ ಆಟದ ಅಲುವಾಗಿ ಅಲ್ಲಿನ ಜಾಗಗಳಿಗೆ ಭೇಟಿ ನೀಡಿದ್ದೇನೆ ಅಷ್ಟೆ. ಕ್ರಿಕೆಟ್ ಆಡುವ ಸಲುವಾಗಿ ಅಲ್ಲಿಗೆ ತೆರಳಿದ್ದೆ, ಪ್ರವಾಸ ಮಾಡಲು ಅಲ್ಲ. ಕ್ರಿಕೆಟ್ ಆಡಿ ಹಿಂದಿರುಗುತ್ತಿದ್ದೆ ಅಷ್ಟೆ,” ಎಂದು ಹೇಳಿದ್ದಾರೆ.
ಏನಿದು ಮಾಲ್ಡೀವ್ಸ್ ವಿವಾದ?
ಭಾರತದ ಪ್ರಧಾನಿ ನರೇಂದ್ರ ಮೋದಿ ಲಕ್ಷ ದ್ವೀಪಕ್ಕೆ ಭೇಟಿ ನೀಡಿದ ಸಂದರ್ಭದಲ್ಲಿ ಮಾಲ್ಡೀವ್ಸ್ನ ಮಂತ್ರಿಯೊಬ್ಬರು ವಿವಾದಾತ್ಮಕ ಹೇಳಿಕೆ ನೀಡಿದ್ದರು. ಭಾರತ ಸರ್ಕಾರ ಕೇಂದ್ರ ಆಡಳಿತ ಪ್ರದೇಶಗಳನ್ನು ಉಳಿಸಿಕೊಳ್ಳುವ ಸಲುವಾಗಿ ಮಾಲ್ಡೀವ್ಸ್ ಬರುತ್ತಿರುವ ಪ್ರವಾಸಿಗರನ್ನು ಲಕ್ಷದ್ವೀಪಕ್ಕೆ ಸೆಳೆಯುವ ಪ್ರಯತ್ನ ಮಾಡುತ್ತಿದ್ದಾರೆ ಎಂದು ಹೇಳಿಕೆ ನೀಡಿದ್ದರು. ಮೋದಿ ಅವರ ಫೋಟೊಗಳ ಬಗ್ಗೆ ಮಾಲ್ಡೀವ್ಸ್ನ ಮತ್ತಿಬ್ಬರು ಮಂತ್ರಿಗಳು ವಿವಾದಾತ್ಮಕ ಕಾಮೆಂಟ್ ಮಾಡಿದ್ದರು. ಇದರ ಬೆನ್ನಲ್ಲೇ ಸೋಷಿಯಲ್ ಮೀಡಿಯಾಗಳಲ್ಲಿ ಭಾರತೀಯರು ಮಾಲ್ಡೀವ್ಸ್ ಮಂತ್ರಿಗಳನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.