ಶಿವಮೊಗ್ಗ: ಮೂರು ಕ್ಷೇತ್ರಗಳ ಉಪಚುನಾವಣೆಯಲ್ಲಿ ಗೆಲುವು ಹಿನ್ನೆಲೆ, ಸಚಿವ ಮಧು ಬಂಗಾರಪ್ಪ ಕ್ಷೇತ್ರದ ಜನರಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ. ಶಿವಮೊಗ್ಗದಲ್ಲಿ ಮಾತನಾಡಿದ ಅವರು, ವಿಶ್ವಾಸದ ದಿನ ಇವತ್ತು ಬಹಳ ಸಂತೋಷ ಆಗುತ್ತಿದೆ. ರಾಜ್ಯದ ಜನರು ಕಾಂಗ್ರೆಸ್ ಸರ್ಕಾರಕ್ಕೆ ವಿಶ್ವಾಸ ಹೆಚ್ಚು ಮಾಡಿದ್ದಾರೆ. ಇಡೀ ರಾಜ್ಯದಲ್ಲಿ ಕಾರ್ಯಕರ್ತರು ಸೇರಿದಂತೆ ಎಲ್ಲರು ಮನೆಮನೆಗೆ ಹೋಗಿ ಮತ ಚಲಾಯಿಸುವಂತೆ ಮಾಡಿದ್ದಾರೆ. ಮುಖ್ಯಂತ್ರಿಗಳಿಗೆ ಶುಭಾಶಯ ಕೋರುತ್ತೇನೆ. ವಿರೋಧ ಪಕ್ಷಗಳು ತುಂಬಾ ಕೆಳಮಟ್ಟದಲ್ಲಿ ಹೋಗಿ ಸಿಎಂ ಕುರ್ಚಿಗೆ ಅವಮಾನ ಮಾಡಿದ್ದರು. ವಿರೋಧ ಪಕ್ಷದವರಿಗೆ ನಿಮ್ಮ ಯೋಗ್ಯತೆ ಇಷ್ಟೇ ಅಂತ ತೋರಿಸಿದ್ದಾರೆ ಎಂದರು.
ಈ ಉಪಚುನಾವಣೆ ಫಲಿತಾಂಶ, 2028ರ ಚುನಾವಣೆ ಫಲಿತಾಂಶಕ್ಕೆ ರಾಜ್ಯದ ಜನರ ಮುನ್ನುಡಿ: ಡಿ.ಕೆ. ಶಿವಕುಮಾರ್ ಆತ್ಮವಿಶ್ವಾಸ
ಶಿಗ್ಗಾಂವಿ ಉಸ್ತುವಾರಿ ನನಗೆ ಕೊಟ್ಟಿದ್ದರು ಹೆಮ್ಮೆ ಇದೆ ಕೆಲಸ ಮಾಡಿದ್ದಕ್ಕೆ, ಚನ್ನಪಟ್ಟಣ ಸಹ ನಾನು ಹೋಗಿದ್ದೆ ಅಮಿಷಕ್ಕೆ ಚನ್ನಪಟ್ಟಣದ ಜನ ಇಲ್ಲ. ಪ್ರಜಾಪ್ರಭುತ್ವ ಉಳಿಸುವ ಕೆಲಸ ಮತದಾರರು ಮಾಡಿದ್ದಾರೆ ಎಂದರು. ವಿಜಯೇಂದ್ರ ಅವರಿಗೆ ಬೇರೆ ಸ್ಥಾನದ ದಿನಗಳು ಹತ್ತಿರ ಇದೆ. ಇದರಲ್ಲಿ ಯತ್ನಾಳ್ ಸಕ್ಸಸ್ ಆಗಿದ್ದಾರೆ ನಾನು ಅವರಿಗೆ ಅಭಿನಂದನೆ ಸಲ್ಲಿಸುತ್ತೇನೆ. ಬಿಜೆಪಿಯವರ ಮನೆಯಲ್ಲಿ ಬೆಳಕಾಗುತ್ತಿರೊದು ಕಾಂಗ್ರೆಸ್ ಫ್ರೀ ಕರೆಂಟ್ ನಿಂದ, ನನಗೆ ಫಲಿತಾಂಶ ಸೂಕ್ಷ್ಮವಾಗಿ ತಿಳಿದಿತ್ತು. ನಾವು ಮಾಡಿದ ಒಳ್ಳೆಯ ಕೆಲಸದ ಮೇಲೆ ಮತ ಕೆಳಿದ್ದೇವೆ. ಟೀಕಾ ಟಿಪ್ಪಣಿ ಮಾಡಿಲ್ಲ ಎಂದು ಬಿಜೆಪಿಗರಿಗೆ ಟಾಂಗ್‌ ನೀಡಿದರು.
