ಪಾಕಿಸ್ತಾನ್ ಆಟಗಾರನಿಗೆ ಬಿತ್ತು 14 ಲಕ್ಷ ರೂ. ದಂಡ ವಿಧಿಸಲಾಗಿದೆ. ಪಾಕಿಸ್ತಾನ್ ತಂಡದ ವೇಗಿ ಆಮಿರ್ ಜಮಾಲ್ ಸಖತ್ ಸುದ್ದಿಯಲ್ಲಿದ್ದಾರೆ. ಆದರೆ ಹೀಗೆ ಸುದ್ದಿಯಾಗಿದ್ದು ತನ್ನ ಆಟದಿಂದಲ್ಲ. ಬದಲಾಗಿ ಪಾಕಿಸ್ತಾನ್ ಕ್ರಿಕೆಟ್ ಮಂಡಳಿ ವಿಧಿಸಿರುವ ದಂಡದಿಂದಾಗಿ ಎಂಬುದು ವಿಶೇಷ.
ಕೊಂಡ ಹಾಯುವಾಗ ಅಪಘಡ ; ಇಬ್ಬರಿಗೆ ಗಾಯ
ಇಂತಹದೊಂದು ದಂಡ ವಿಧಿಸಲು ಮುಖ್ಯ ಕಾರಣ ಆಮಿರ್ ಜಮಾಲ್ ತನ್ನ ಹ್ಯಾಟ್ ಮೇಲೆ ಖೈದಿ ನಂಬರ್ ಅನ್ನು ಬರೆದುಕೊಂಡಿದ್ದು. 2024 ರಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಸರಣಿ ವೇಳೆ ಆಮಿರ್ ಜಮಾಲ್ ‘804’ ಎಂದು ಬರೆದಿರುವ ಕ್ಯಾಪ್ ಧರಿಸಿ ಕಾಣಿಸಿಕೊಂಡಿದ್ದರು. ಈ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು.
ಪಾಕಿಸ್ತಾನ್ ತಂಡದ ಮಾಜಿ ನಾಯಕ/ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಅವರಿಗೆ ಬೆಂಬಲ ವ್ಯಕ್ತಪಡಿಸುವ ಸಲುವಾಗಿ ಆಮಿರ್ ಜಮಾಲ್ ತನ್ನ ಕ್ಯಾಪ್ ಮೇಲೆ 804 ಬರೆದುಕೊಂಡಿದ್ದರು. ಇದು ಜೈಲಿನಲ್ಲಿರುವ ಇಮ್ರಾನ್ ಖಾನ್ ಅವರ ಖೈದಿ ಸಂಖ್ಯೆ. ಇದನ್ನೇ ತನ್ನ ಹ್ಯಾಟ್ ಮೇಲೆ ಬರೆದು ಆಮಿಲ್ ಜಮಾಲ್ ಇಮ್ರಾನ್ ಖಾನ್ಗೆ ಬೆಂಬಲ ವ್ಯಕ್ತಪಡಿಸಿದ್ದರು.
