IPL-2022 ಟೂರ್ನಿಯ 10ನೇ ಪಂದ್ಯದಲ್ಲಿ ಹೊಸ ತಂಡ ಗುಜರಾತ್ ಟೈಟನ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡಗಳು ಸೆಣಸಾಟ ನಡೆಸುತ್ತಿದ್ದವು. ಪಂದ್ಯ ವೀಕ್ಷಿಸಲು ಕ್ರೀಡಾಂಗಣಕ್ಕೆ ಬಂದಿದ್ದ ಯುವ ಜೋಡಿ, ತುಟಿಗೆ ತುಟಿ ಬೆಸೆಯುವುದರಲ್ಲಿ ತಲ್ಲೀನವಾಗಿತ್ತು. ಪಂದ್ಯ ಆರಂಭವಾದ ಕೆಲವೇ ಹೊತ್ತಿನಲ್ಲಿ ಈ ದೃಶ್ಯ ಟಿವಿ ಪರದೆಯಲ್ಲಿ ಕಾಣಿಸಿಕೊಂಡಿದ್ದು, ವೈರಲ್ ಆಗಿದೆ. ಟಾಸ್‌ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್‌ ಬೌಲಿಂಗ್ ಆಯ್ದುಕೊಂಡಿತು. ಅದರಂತೆ ಗುಜರಾತ್ ಪಡೆ ಇನಿಂಗ್ಸ್‌ ಆರಂಭಿಸಿತು. ಐದನೇ ಓವರ್‌ ನಡೆಯುತ್ತಿದ್ದಾಗ, ಯುವ ಜೋಡಿಯೊಂದು ಲಿಪ್‌ಕಿಸ್ ಮಾಡುತ್ತಿದ್ದ ದೃಶ್ಯ ಕ್ಯಾಮೆರಾ ಕಣ್ಣಲ್ಲಿ ಸೆರೆಯಾಗಿದೆ. ಈ ಚಿತ್ರಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದು, ಭಾರಿ ಚರ್ಚೆ ನಡೆಯುತ್ತಿದೆ.
Breaking: Kiss cam now introduced in IPL pic.twitter.com/bSL7GrumZy
— CA Subham Agrawal (@ca_whotravels) April 2, 2022
ಧನಂಜಯ್ ಝಾ ಎನ್ನುವವರು, ‘ಈ ಜೋಡಿ ಐಪಿಎಲ್‌ ಪಂದ್ಯವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ದಿದೆ’ ಎಂದು ಬರೆದುಕೊಂಡು ಚಿತ್ರ ಹಂಚಿಕೊಂಡಿದ್ದಾರೆ. ‘ನನ್ನ ದೇಶ ಬದಲಾಗುತ್ತಿದೆ, ಹಾಗೇ ಮುಂದುವರಿಯುತ್ತಿದೆ’ ಎಂದು ಮತ್ತೊಬ್ಬರು ಟ್ವೀಟ್ ಮಾಡಿದ್ದಾರೆ. ‘ಬ್ರೇಕಿಂಗ್: ಐಪಿಎಲ್‌ನಲ್ಲಿ ಕಿಸ್‌ ಕ್ಯಾಮ್‌ ಪರಿಚಯಿಸಲಾಗಿದೆ’ ಎಂದು ಶುಭಂ ಅಗರವಾಲ್ ಬರೆದುಕೊಂಡಿದ್ದಾರೆ. ಪ್ರಯಾಗ್ ಎನ್ನುವವರು ಹಂಚಿಕೊಂಡಿರುವ ಚಿತ್ರಕ್ಕೆ ಅಸಮಾಧಾನ ವ್ಯಕ್ತಪಡಿಸಿರುವ ಆಶಿಶ್ ಎಂಬವರು, ‘ಪ್ರಪಂಚದ ಬಹುಭಾಗಗಳಲ್ಲಿ ಇದು ನಡೆಯುತ್ತದೆ. ಆ ಕುರಿತು ಯಾರೊಬ್ಬರೂ ಅಸಮಾಧಾನ ವ್ಯಕ್ತಪಡಿಸುವುದಿಲ್ಲ. ಈ ಘಟನೆ ಬಗ್ಗೆ ಮಾತ್ರ ಗದ್ದಲವೇಕೆ? ಇದೊಂದು ಅರ್ಥಹೀನವಾದ ಪೋಸ್ಟ್‌’ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
