ನಾವೆಲ್ಲರೂ ಬೆಳಗ್ಗೆ ಎದ್ದ ಬಳಿಕ ನಿತ್ಯಕರ್ಮಗಳನ್ನು ಪೂರೈಸಿಕೊಂಡು, ಒಂದು ಕಪ್ ಟೀ ಅಥವಾ ಕಾಫಿಗೆ ಎರಡು ಚಮಚ ಸಕ್ಕರೆ ಹಾಕಿಕೊಂಡು ಕುಡಿಯುವುದು ಅಭ್ಯಾಸವಾಗಿ ಬಿಟ್ಟಿದೆ. ಬೆಳಗ್ಗೆ ಟೀ ಕುಡಿಯದೆ ಇದ್ದರೆ ಆಗ ಆ ದಿನ ಸರಿಯಾಗಿ ಸಾಗುವುದೇ ಇಲ್ಲ, ಮನಸ್ಥಿತಿಯು ಉತ್ತಮವಾಗಿ ಇರದು.
ನಿದ್ರೆಯಿಂದ ಎದ್ದ ಬಳಿಕ ಮರಳಿ ನಮ್ಮನ್ನು ದಿನದ ಚಟುವಟಿಕೆಳಿಗೆ ತಯಾರು ಮಾಡುವಂತಹ ಕೆಲಸವನ್ನು ಚಾ ಮಾಡುವುದು.ಆದರೆ ನಾವು ಟೀ ಕುಡಿಯುತ್ತಿರುವ ರೀತಿಯು ಸರಿಯಾಗಿ ಇದೆಯಾ? ಖಂಡಿತವಾಗಿಯೂ ಇಲ್ಲ. ಯಾಕೆಂದರೆ ಚಹಾದ ಇತಿಹಾಸವನ್ನು ಗಮನಿಸಿದರೆ ಆಗ ನಾವು ಟೀ ಕುಡಿಯುತ್ತಿರುವ ರೀತಿಯು ತಪ್ಪಾಗಿರುವುದು.
ಚಹಾದ ಇತಿಹಾಸವನ್ನು ಗಮನಿಸುತ್ತಾ ಹೋದರೆ ಸಕ್ಕರೆ ಮತ್ತು ಹಾಲು ಇತ್ತೀಚಿನ ಸೇರ್ಪಡೆ ಎಂದು ತಿಳಿದುಬರುವುದು. ಹಿಂದೆ ಕೇವಲ ಬ್ಲ್ಯಾಕ್ ಟೀ ಮಾತ್ರ ಸೇವನೆ ಮಾಡುತ್ತಲಿದ್ದರು. ಆದರೆ ನಾವು ಅದಕ್ಕೆ ಹಾಲು ಹಾಗೂ ಸಕ್ಕರೆ ಬೆರೆಸಿಕೊಂಡು ಅದರಿಂದ ಸಿಗುವಂತಹ ಪೋಷಕಾಂಶಗಳಿಗೆ ಕತ್ತರಿ ಹಾಕಿದ್ದೇವೆ.
ಟೀ ಆರೋಗ್ಯಕ್ಕೆ ಒಳ್ಳೆಯದು
- ಎಲ್ಲಾ ರೀತಿಯ ಚಾದಲ್ಲಿ ಪೋಷಕಾಂಶಗಳು ಹಾಗೂ ಆಂಟಿಆಕ್ಸಿಡೆಂಟ್ ಅಂಶಗಳು ಇರುವುದು. ಆದರೆ ಹಾಲು ಹಾಗೂ ಸಕ್ಕರೆ ಹಾಕಿದರೆ ಅದು ಚಾದಿಂದ ಸಿಗುವಂತಹ ನೈಸರ್ಗಿಕ ಪೋಷಕಾಂಶಗಳನ್ನು ದೂರ ಮಾಡುವುದು.
- ಸಕ್ಕರೆಯಿಂದ ಕ್ಯಾಲರಿ ಹೆಚ್ಚಾಗುವುದು ಮತ್ತು ಹಾಲು ಬೆರೆಸಿದರೆ ಆಗ ಅದು ಆರೋಗ್ಯಕ್ಕೆ ಸಿಗುವ ಲಾಭವನ್ನು ಕಡಿಮೆ ಮಾಡುವುದು ಎಂದು ಅಧ್ಯಯನಗಳು ಕಂಡುಕೊಂಡಿವೆ.
- ಸಿಹಿ ಬೆರೆಸಿಕೊಂಡು ಚಾ ಕುಡಿಯುತ್ತಿದ್ದವರಿಗೆ ಇದನ್ನು ಒಮ್ಮೆಲೇ ನಿಲ್ಲಿಸುವುದು ತುಂಬಾ ಕಷ್ಟವಾಗುವುದು. ಆದರೆ ಅಂಗಡಿಗಳಲ್ಲಿ ಕೆಲವೊಂದು ಟೀ ಹುಡಿಯು ತೀರ ಕಹಿಯಾಗಿ ಇರದು.
- ಇಂತಹದನ್ನು ನೀವು ಮೊದಲು ಸ್ವಲ್ಪ ಸಕ್ಕರೆ ಕಡಿಮೆ ಮಾಡಿಕೊಂಡು ಬಂದು ಕೊನೆಗೆ ಸಕ್ಕರೆ ಇಲ್ಲದೆ ಕುಡಿಯಲು ಅಭ್ಯಾಸ ಮಾಡಿ.
ಸಕ್ಕರೆ ತ್ಯಜಿಸಿ
- ಚಾಗೆ ಸಕ್ಕರೆ ಹಾಕಿ ಕುಡಿದರೆ ಅದರಿಂದ ದೇಹವು ಶಕ್ತಿ ಪಡೆಯುವುದು ಎಂದು ಹೆಚ್ಚಿನವರು ನಂಬಿರುವರು. ಆದರೆ ನೀವು ಇಂತಹ ಮಾತನ್ನು ನಂಬುವ ಬದಲು ನೈಸರ್ಗಿಕವಾಗಿ ಸಿಗುವ ಕೆಫಿನ್ ಹಾಗೂ ಎಲ್-ಥಾನೈನ್ ಅಂಶವು ದಿನವಿಡಿ ನಿಮಗೆ ಶಕ್ತಿ ನೀಡಬಲ್ಲದು.
- ಎಲ್-ಥಾನೈನ್ ಪ್ರತಿಯೊಂದು ಚಾದಲ್ಲೂ ಇರುವಂತಹ ನೈಸರ್ಗಿಕ ಅಂಶವಾಗಿದೆ ಮತ್ತು ಇದು ಒತ್ತಡ ಕಡಿಮೆ ಮಾಡುವುದು, ಆರಾಮ ನೀಡುವುದು ಮತ್ತು ನಿದ್ರೆಗೆ ಕೂಡ ಸಹಕಾರಿ ಆಗಿರುವುದು.
- ಎಲ್ಲಾ ರೀತಿಯ ಟೀಯಲ್ಲಿ ಕೆಫಿನ್ ಅಂಶವಿದ್ದು, ದೇಹದಕ್ಕೆ ಇದು ಹುಮ್ಮಸ್ಸು ನೀಡುವುದು. ಎಲ್-ಥಾನೈನ್ ಅಂಶವು ಅರಿವಿನ ಪ್ರದರ್ಶನವನ್ನು ಉತ್ತಮಪಡಿಸುವುದು ಮತ್ತು ನಿಮ್ಮ ಸಂಪೂರ್ಣ ಉತ್ಪಾದಕತೆಯನ್ನು ಹೆಚ್ಚು ಮಾಡುವುದು.
ಕುಡಿಯುವ ವಿಧಾನ ಸರಳವಾಗಿಸಿ
- ಒಂದು ಕಪ್ ಚಾ ಕುಡಿಯುವುದು ತುಂಬಾ ಸುಲಭ. ಆದರೆ ನಾವು ಏನು ಮಾಡಿದ್ದೇವೆಂದರೆ ಅದಕ್ಕೆ ಹಾಲು ಹಾಗೂ ಸಕ್ಕರೆ ಹಾಕಿ ಕ್ಲಿಷ್ಟಗೊಳಿಸಿದ್ದೇವೆ. ಟೀ ಉತ್ತಮವಾಗಿ ರುಚಿ ನೀಡುವಂತಹ ವಸ್ತುಗಳನ್ನು ಇಡಿ. ನೀವು ಅತ್ಯುನ್ನತ ಗುಣಮಟ್ಟದ ಟೀ ಬ್ಯಾಗ್ ಬಳಸಿ.
- ಟೀ ಪಾಟ್ ಮತ್ತು ಕಪ್ ನ್ನು ಸರಳವಾಗಿ ಬಳಕೆ ಮಾಡಿ ಅಥವಾ ನೇರವಾಗಿ ಬಿಸಿ ನೀರಿಗೆ ಟೀ ಹುಡಿ ಹಾಕಿ. ಹೆಚ್ಚಾಗಿ ಉತ್ತಮ ಗುಣಮಟ್ಟದ ಚಾ ಎಲೆಗಳು ಕಹಿಯಾಗಿ ಇರಲ್ಲ. ಹೀಗಾಗಿ ಅದನ್ನು ಕುಡಿಯುವುದು ಕೂಡ ಸುಲಭ.
- ವಸಂತ ಕಾಲದಲ್ಲಿ ತೆಗೆದಿರುವಂತಹ ಟೀ ಎಲೆಗಳಲ್ಲಿ ಹೆಚ್ಚಿನ ನೈಸರ್ಗಿಕ ಸಕ್ಕರೆ ಇರುವುದು ಮತ್ತು ಇದು ಹೆಚ್ಚು ಕಹಿಯಾಗಿ ಇರದು. ಟೀ ಬ್ಯಾಗ್ ನ್ನು ಕೂಡ ಇದೇ ರೀತಿಯಾಗಿ ತಯಾರಿಸಿಕೊಳ್ಳಲಾಗಿದೆ. ಹೀಗಾಗಿ ನೀವು ಇದನ್ನು ಹೆಚ್ಚು ಹೊತ್ತು ನೆನೆಸಬೇಕು ಮತ್ತು ನೀರು ಕೂಡ ಬಿಸಿಯಾಗಿರಲೇಬೇಕು.
ಸಕ್ಕರೆ ಹಾಕದ ಟೀಯ ರುಚಿ ನೋಡಿ
ನೀವು ಮೊದಲು ಸಕ್ಕರೆ ಹಾಕದ ಆ ಚಹಾದ ರುಚಿ ನೋಡಬೇಕು. ಯಾಕೆಂದರೆ ಸಕ್ಕರೆ ಹಾಗೂ ಹಾಲು ಹಾಕಿದರೆ ಅದರ ರುಚಿ ಕೆಡುವುದು.
ವಿವಿಧ ರೀತಿಯ ಟೀ ಹುಡಿಗಳು ಅಥವಾ ಬ್ಯಾಗ್ ಗಳು ಅದಕ್ಕೆ ಬಳಸಲ್ಪಡುವಂತಹ ಎಲೆಗಳು ಹಾಗೂ ಅದನ್ನು ಬೆಳೆಯುವ ಸಮಯದ ಮೇಲೆ ಅದರ ಗುಣಮಟ್ಟವು ನಿರ್ಧರಿತವಾಗಿರುವುದು.
ಉತ್ತಮ ಗುಣಮಟ್ಟದ ಟೀ ಹುಡಿಯು ನಿಮ್ಮ ಆರೋಗ್ಯಕ್ಕೂ ಒಳ್ಳೆಯದು. ಆದರೆ ಇದನ್ನು ಸಕ್ಕರೆ ಹಾಕದರೆ ಕುಡಿಯಬೇಕು.
