ಲಂಡನ್ : ಬ್ರಿಟಿಷ್ ರಾಜಕುಮಾರಿ ಡಯಾನ ದುರಂತವಾಗಿ ಸಾವನ್ನಪ್ಪಿ 26 ವರುಷಗಳೇ ಕಳೆದಿವೆ. ಆದರೆ ಅವರು ಅಂದು ಧರಿಸಿದ್ದ ಸ್ವೆಟರ್ ಈಗ 26 ವರ್ಷಗಳ ನಂತರ ಸುಮಾರು 1.1 ಮಿಲಿಯನ್ ಡಾಲರ್‌ಗೆ ಹರಾಜಾಗಿದೆ. ಹರಾಜು ಸಂಸ್ಥೆ ಸೋಥಿಬೆ ಈ ಹರಾಜು ಪ್ರಕ್ರಿಯೆ ನಡೆಸಿದ್ದು, ಭರ್ಜರಿ ಮೊತ್ತಕ್ಕೆ ರಾಜಕುಮಾರಿ ಡಯಾನ ಸ್ವೆಟ್ಟರ್ ಸೇಲ್ ಆಗಿದೆ. ಕೊನೆಯ 15 ನಿಮಿಷಗಳಲ್ಲಿ 1,90,000 ಡಾಲರ್‌ನಿಂದ ಈಗ 1.1 ಮಿಲಿಯನ್ ಡಾಲರ್‌ಗೆ ಜಂಪ್ ಆಗಿದ್ದು, ಇದು ಸ್ವೆಟರ್‌ನ ಮೂಲ ಬೆಲೆಗಿಂತ 80 ಸಾವಿರ ಡಾಲರ್ ಅಧಿಕ ಬೆಲೆಗೆ ಸೇಲ್ ಆಗಿ ಅಚ್ಚರಿ ಮೂಡಿಸಿದೆ.
ಭೂ ವಿಜ್ಞಾನಿ ಪ್ರತಿಮಾ ಹತ್ಯೆ ಕೇಸ್: ತನಿಖೆ ವೇಳೆ ಸ್ಪೋಟಕ ವಿಚಾರ ಬೆಳಕಿಗೆ
ಡಯಾನ 1981ರಲ್ಲಿ ಬಿಳಿ ಹಾಗೂ ಕಪ್ಪು ಕುರಿ ಮಾದರಿಯ ಕೆಂಪು ಸ್ವೆಟರ್‌ನ್ನು ಧರಿಸಿದ್ದರು. ಆಗ 19 ವರ್ಷ ವಯಸ್ಸಿನವರಾಗಿದ್ದ ಡಯಾನಾ ಈ ಸ್ವೆಟರ್ ಧರಿಸಿ ರಾಜಕುಮಾರ ಚಾರ್ಲ್ಸ್‌ನ ಪೋಲೋ ಪಂದ್ಯವನ್ನು ವೀಕ್ಷಿಸಿದ್ದರು. ಆದರೆ ನಂತರ ಈ ಸ್ವೆಟರ್ ಸ್ವಲ್ಪ ಹರಿದು ಹೋಗಿತ್ತು. ಈ ವೇಳೆ ಅದನ್ನು ಅವರು ಬೇರೆ ಬೇರೆ ಸ್ವೆಟರ್‌ನೊಂದಿಗೆ ಬದಲಾಯಿಸಿಕೊಂಡಿದ್ದರು. ಸೋಥೆಬಿಯ ಆನ್‌ಲೈನ್ ಫ್ಯಾಶನ್ ಐಕಾನ್‌ಗಳ ಮಾರಾಟದಲ್ಲಿ ಅಪರಿಚಿತ ಬಿಡ್‌ದಾರರು ಖರೀದಿಸಿದ್ದಾರೆ. ರಾಜಮನೆತನದ ವಸ್ತುವೊಂದು ಈ ರೀತಿ ಭಾರಿ ಮೊತ್ತಕ್ಕೆ ಮಾರಾಟ ಕಂಡು ಇತಿಹಾಸ ಬರೆದಿದೆ.
