ಕೇಂದ್ರ ಹಣಕಾಸು ಸಚಿವಾಲಯವು ನನ್ನ ಬಿಲ್ ನನ್ನ ಅಧಿಕಾರ (ಮೇರಾ ಬಿಲ್ ಮೇರಾ ಅಧಿಕಾರ್) ಎಂಬ ಯೋಜನೆಯನ್ನು ಪ್ರಾರಂಭಿಸಿದೆ. ಈ ಮೂಲಕ ಜನರು ತಮ್ಮ ಖರೀದಿಗಳಿಗೆ ಜಿಎಸ್‌ಟಿ ಬಿಲ್‌ಗಳನ್ನು ಪಾವತಿಸುವುದಕ್ಕೆ ಉತ್ತೇಜನ ನೀಡುವ ಕ್ರಮವನ್ನು ಕೇಂದ್ರ ಹಣಕಾಸು ಸಚಿವಾಲಯ ಕೈಗೊಂಡಿದೆ.
ಗ್ರಾಹಕರು ತಮ್ಮ ಜಿಎಸ್‌ಟಿ ಬಿಲ್‌ಗಳನ್ನು ಮೇರಾ ಬಿಲ್ ಮೇರಾ ಅಧಿಕಾರ್ ಅಪ್ಲಿಕೇಶನ್‌ನಲ್ಲಿ ಅಥವಾ ವೆಬ್ ಪೋರ್ಟಲ್ web.merabill.gst.gov.in ನಲ್ಲಿ ಅಪ್‌ಲೋಡ್ ಮಾಡಬಹುದು. ಈ ಯೋಜನೆಯು ಜಿಎಸ್‌ಟಿ ಬಿಲ್‌ಗಳನ್ನು ಕೇಳುವ ಅಭ್ಯಾಸವನ್ನು ಉತ್ತೇಜಿಸುವ ಮೂಲಕ ತೆರಿಗೆ ವಂಚನೆಯನ್ನು ಕಡಿಮೆ ಮಾಡುವ ಗುರಿ ಹೊಂದಿದೆ.
ಕೇಂದ್ರ ಸರಕಾರ ಪ್ರತಿ ತಿಂಗಳು ಲಕ್ಕಿ ಡ್ರಾ ನಡೆಸಲಿದೆ. ಈ ಯೋಜನೆಯು ಹೆಚ್ಚು ಹೆಚ್ಚು ಜನರು ಖರೀದಿಯ ಮೇಲೆ ಜಿಎಸ್‌ಟಿ ಬಿಲ್ ಕೇಳಲು ಉತ್ತೇಜಿಸುತ್ತದೆ. ತೆರಿಗೆ ವಂಚನೆಯನ್ನು ಎದುರಿಸಲು ಪರಿಣಾಮಕಾರಿಯಾಗಿದೆ,” ಎಂದು ಹರಿಯಾಣ ಸರ್ಕಾರದ ವಕ್ತಾರರು ತಿಳಿಸಿದ್ದಾರೆ.
ಮಾಸಿಕ ಲಕ್ಕಿ ಡ್ರಾಗೆ ಅರ್ಹರಾಗಲು, ಗ್ರಾಹಕರು ಹಿಂದಿನ ತಿಂಗಳಲ್ಲಿ ನೀಡಲಾದ ಎಲ್ಲಾ ಬಿ2ಸಿ (ಬ್ಯುಜಿನೆಸ್ ಟು ಕಸ್ಟಮರ್) ಇನ್‌ವಾಯ್ಸ್‌ಗಳನ್ನು ಪ್ರತಿ ತಿಂಗಳ 5 ನೇ ದಿನಾಂಕದೊಳಗೆ ಸಂಬಂಧಿತ ಅಪ್ಲಿಕೇಶನ್‌ಗೆ ಅಪ್‌ಲೋಡ್ ಮಾಡಬೇಕು.
ಅದೇ ರೀತಿ, ತ್ರೈಮಾಸಿಕ ಬಂಪರ್ ಬಹುಮಾನಗಳ ಡ್ರಾಗಾಗಿ, ಕಳೆದ ಮೂರು ತಿಂಗಳಲ್ಲಿ ಪ್ರತಿ ತಿಂಗಳ 5ನೇ ತಾರೀಖಿನೊಳಗೆ ಅಪ್‌ಲೋಡ್ ಮಾಡಿದ ಎಲ್ಲಾ ಇನ್‌ವಾಯ್ಸ್‌ಗಳನ್ನು ಪರಿಗಣಿಸಲಾಗುತ್ತದೆ. ಗ್ರಾಹಕರು ಈ ಯೋಜನೆಯಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದಾರೆ. ಜಿಎಸ್‌ಟಿ ಬಿಲ್‌ಗಳನ್ನು ನಿಯಮಿತವಾಗಿ ಅಪ್‌ಲೋಡ್ ಮಾಡುತ್ತಿದ್ದಾರೆ ಎಂದು ಇದು ಖಚಿತಪಡಿಸುತ್ತದೆ.
ಲಕ್ಕಿ ಡ್ರಾದಲ್ಲಿ ನ್ಯಾಯಯುತ ಭಾಗವಹಿಸುವಿಕೆಯನ್ನು ಖಚಿತಪಡಿಸಿಕೊಳ್ಳಲು, ಪ್ರತಿಯೊಬ್ಬ ವ್ಯಕ್ತಿಯು ತಿಂಗಳಿಗೆ ಗರಿಷ್ಠ 25 ಇನ್‌ವಾಯ್ಸ್‌ಗಳನ್ನು ಅಪ್‌ಲೋಡ್ ಮಾಡಬಹುದು. ಕನಿಷ್ಠ ಇನ್‌ವಾಯ್ಸ್ ಮೌಲ್ಯ 200 ರೂಪಾಯಿ ಆಗಿದೆ.
ಪ್ರತಿ ಅಪ್‌ಲೋಡ್ ಮಾಡಿದ ಇನ್‌ವಾಯ್ಸ್‌ಗೆ ಗುರುತಿನ ಉದ್ದೇಶಗಳಿಗಾಗಿ ಉಲ್ಲೇಖ ಸಂಖ್ಯೆಯನ್ನು (ಎಆರ್‌ಎನ್) ನಿಗದಿಪಡಿಸಲಾಗುತ್ತದೆ. ಮಾಸಿಕ ಡ್ರಾಗಳು ತಲಾ 10,000 ರೂಪಾಯಿಗಳ 800 ಬಹುಮಾನಗಳನ್ನು ನೀಡಲಾಗುತ್ತದೆ.
ಇನ್ನು ತಲಾ 10 ಲಕ್ಷ ರೂಪಾಯಿಗಳ ಎರಡು ದೊಡ್ಡ ಬಹುಮಾನಗಳನ್ನು ಒಳಗೊಂಡಿರುತ್ತವೆ.
