ಕಳೆದ ವರ್ಷ ಅಂದ್ರೆ ಕೆಲ ತಿಂಗಳ ಹಿಂದೆ, ಊರ್ವಶಿ ರೌಟೇಲಾ ಮತ್ತು ನಂದಮೂರಿ ಬಾಲಕೃಷ್ಣ ಅವರ ‘ದಬಿದಿ ದಿಬಿದಿ’ ಹಾಡಿನ ನೃತ್ಯ ಸಂಯೋಜನೆ ಬಗ್ಗೆ ಚರ್ಚೆ ನಡೆದಿತ್ತು. ಅದರ ನೃತ್ಯದ ಹೆಜ್ಜೆಗಳನ್ನು ಅಶ್ಲೀಲವೆಂದು ಹೇಳಲಾಗುತಿತ್ತು. ಈಗ ಶ್ರೀಲೀಲಾ ಮತ್ತು ನಿತಿನ್ ಅಭಿನಯದ ‘ರಾಬಿನ್ ಹುಡ್’ ಚಿತ್ರದ ‘ಅಧಿ ಧಾ ಸರ್ಪ್ರೈಸು’ ಹಾಡಿನಲ್ಲಿಯೂ ಇದೇ ರೀತಿಯದ್ದು ಕಂಡುಬಂದಿದೆ.
ಕಾಂಗ್ರೆಸ್ ಇರುವವರೆಗೆ ಈ ದೇಶಕ್ಕೆ ನೆಮ್ಮದಿ ಇಲ್ಲ: ಛಲವಾದಿ ನಾರಾಯಣಸ್ವಾಮಿ!
ಕೇತಿಕಾ ಶರ್ಮಾ ಡ್ಯಾನ್ಸ್ ಭಾರೀ ವಿವಾದ ಹುಟ್ಟು ಹಾಕುವ ಎಲ್ಲ ಲಕ್ಷಣಗಳು ಕಾಣುತ್ತಿವೆ. ನಿತಿನ್ ಹಾಗೂ ವೆಂಕಿ ಕುದುಮಲ ಕಾಂಬಿನೇಶನ್‌ನಲ್ಲಿ ʼರಾಬಿನ್‌ಹುಡ್ʼಎನ್ನುವ ಸಿನಿಮಾ ಮಾರ್ಚ್‌ 28ರಂದು ರಿಲೀಸ್‌ಆಗಲಿದೆ. ಇದು ಕ್ರೈಂ ಕಾಮಿಡಿ ಎಂಟರ್‌ಟೇನರ್‌ ಎನ್ನಬಹುದು. ಕನ್ನಡತಿ ಶ್ರೀಲೀಲಾ ಅವರು ಈ ಸಿನಿಮಾ ನಾಯಕಿ. ʼಎಕ್ಸ್ಟ್ರಾ ಆರ್ಡಿನರಿ ಮ್ಯಾನ್ʼ ಸಿನಿಮಾ ನಂತರದಲ್ಲಿ ಶ್ರೀಲೀಲಾ, ನಿತಿನ್ ಮತ್ತೆ ಈ ಚಿತ್ರದ ಮೂಲಕ ಜೊತೆಯಾಗಿದ್ದಾರೆ.
ʼಅದಿ ದಾ ಸರ್ಪ್ರೈಸುʼ ಎಂದ ಕೇತಿಕಾ ಶರ್ಮಾ!
ʼಅದಿ ದಾ ಸರ್ಪ್ರೈಸುʼ ಎನ್ನುವ ಹಾಡಿನಲ್ಲಿ ಕೇತಿಕಾ ಶರ್ಮಾ ಮಾದಕ ಡ್ಯಾನ್ಸ್ ಮಾಡಿದರು. ಶೇಖರ್‌ಮಾಸ್ಟರ್‌ಈ ಹಾಡಿಗೆ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಆಸ್ಕರ್‌ ಪ್ರಶಸ್ತಿ ವಿಜೇತ ಚಂದ್ರ ಬೋಸ್‌ಅವರು ಈ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ನಿತಿನ್ ಶ್ರೀಲೀಲಾ ಅವರು ಕೂಡ ಈ ಐಟಂ ಡ್ಯಾನ್ಸ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಜಿವಿ ಪ್ರಕಾಶ್‌ ಸಂಗೀತ ಸಂಯೋಜನೆ ಈ ಚಿತ್ರಕ್ಕಿದೆ.
ಮಲ್ಲಿಗೆ ಹೂವನ್ನೇ ಕೇತಿಕಾ ಶರ್ಮಾ ಡ್ರೆಸ್ ಮಾಡಿಕೊಂಡು ಹಾಕಿಕೊಂಡಿದ್ದಾರೆ. ಇನ್ನು ಸ್ಕರ್ಟ್‌ ಎಳೆಯುವ ಸ್ಟೆಪ್‌ಕೂಡ ಇಲ್ಲಿದೆ. ಈ ವಿಚಿತ್ರ ಸ್ಟೆಪ್ಸ್‌ ನೋಡಿ ಅನೇಕರು ಸೋಶಿಯಲ್‌ಮೀಡಿಯಾದಲ್ಲಿ ಕಿಡಿ ಕಾರಿದ್ದಾರೆ. ನಮ್ಮ ಸಂಸ್ಕೃತಿ ಎಲ್ಲಿಗೆ ಹೋಯ್ತು? ಬಟ್ಟೆಯಿಂದ ದೇಹ ಮುಚ್ಚಿಕೊಳ್ಳಬೇಕು, ಈಗ ಸ್ಕರ್ಟ್‌ಎಳೆಯುವ ಸ್ಟೆಪ್‌ಯಾಕೆ ಎಂದು ಕೆಲವರು ಪ್ರಶ್ನೆ ಮಾಡಿದ್ದಾರೆ. ಈ ಹಾಡು ರಿಲೀಸ್‌ ಆಗಿ 17 ಗಂಟೆಯೊಳಗಡೆ 2.2 ಮಿಲಿಯನ್‌ಗೈ ಅಧಿಕ ವೀಕ್ಷಣೆ ಕಂಡಿದೆ. ಒಂದು ಸಿನಿಮಾದಿಂದ ಇನ್ನೊಂದು ಸಿನಿಮಾಕ್ಕೆ ಬೋಲ್ಡ್‌ ಅವತಾರ ತಾಳುವ ಕೇತಿಕಾ ಶರ್ಮಾ ಈ ಐಟಮ್‌ ಡ್ಯಾನ್ಸ್ ಮೂಲಕವೂ ಪಡ್ಡೆ ಹುಡುಗರ ನಶೆ ಏರುವಂತೆ ಮಾಡಿದ್ದಾರೆ.
ಇನ್ನು ರಾಜೇಂದ್ರ ಪ್ರಸಾದ್‌, ಶೈನ್‌ ಥಾಮ್‌ ಚಾಕೋ, ವೆನ್ನೆಲ ಕಿಶೋರ್‌ , ಮೈಮ್‌ ಗೋಪಿ ಮುಂತಾದವರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ಮೈತ್ರಿ ಮೂವಿ ಮೇಕರ್ಸ್‌ ಈ ಸಿನಿಮಾಕ್ಕೆ ಹಣ ಹೂಡಿದ್ದಾರೆ.
