ಸೋಮವಾರವು ಪ್ರಶಸ್ಥವಾದ ದಿನವಾಗಿದ್ದು, ಈ ದಿನ ಶಿವ ಪೂಜೆ ಮಾಡುವುದರಿಂದ ಅಥವಾ ಶಿವ ಮಂತ್ರಗಳನ್ನು ಪಠಿಸುವುದರಿಂದ ಜೀವನದ ಅನೇಕ ಸಮಸ್ಯೆಗಳಿಂದ ಮುಕ್ತಿಯನ್ನು ಪಡೆದುಕೊಳ್ಳಬಹುದು. ಭಗವಾನ್ ಶಿವನಿಂದ ಆಶೀರ್ವಾದ ಪಡೆದ ವ್ಯಕ್ತಿಯು ತನ್ನ ಜೀವನದಲ್ಲಿ ಯಾವುದೇ ನೋವು ಅಥವಾ ತೊಂದರೆಯನ್ನು ಎದುರಿಸುವುದಿಲ್ಲ. ಧಾರ್ಮಿಕ ಗ್ರಂಥಗಳಲ್ಲಿ ಸೋಮವಾರದ ದಿನದಂದು ಕೆಲವು ಕೆಲಸಗಳನ್ನು ಮಾಡುವುದನ್ನು ನಿಷೇಧಿಸಲಾಗಿದೆ.
ಏಕೆಂದರೆ, ಸೋಮವಾರ ಮಾಡಿದ ಕೆಲವು ತಪ್ಪುಗಳು ಭಗವಾನ್ ಶಿವನಿಗೆ ಕೋಪ ತರಬಹುದು ಎನ್ನಲಾಗುತ್ತದೆ. ಅಲ್ಲದೇ ಇದು ನಿಮ್ಮ ಜೀವನವನ್ನು ಅಪಾಯಕ್ಕೆ ದೂಡಬಹುದು. ಹಾಗಾದರೆ ಸೋಮವಾರ ಯಾವ ಕೆಲಸಗಳನ್ನು ಮಾಡಬಾರದು ನೋಡೋಣ.
ಜೂಜಾಡಬೇಡಿ ಅಥವಾ ಕದಿಯಬೇಡಿ:
ವಾರದ ಯಾವುದೇ ದಿನ ತಪ್ಪು ಕೆಲಸಗಳನ್ನು ಮಾಡುವುದನ್ನು ತಪ್ಪಿಸಬೇಕು. ವಿಶೇಷವಾಗಿ ಸೋಮವಾರದಂದು. ಒಬ್ಬ ವ್ಯಕ್ತಿಯು ಸೋಮವಾರದಂದು ಜೂಜಾಟ (gambling), ಕಳ್ಳತನ ಅಥವಾ ಮಹಿಳೆಯ ಮೇಲೆ ಕೆಟ್ಟ ಕಣ್ಣಿಡುವಂತಹ ಕೆಲಸಗಳನ್ನು ಮಾಡಿದರೆ, ಅವನು ಪಾಪದ ಪಾಲುದಾರನಾಗುತ್ತಾನೆ ಎಂದು ಧಾರ್ಮಿಕ ಗ್ರಂಥಗಳಲ್ಲಿ ಹೇಳಲಾಗಿದೆ. ಆದ್ದರಿಂದ, ಈ ದುಷ್ಕೃತ್ಯಗಳನ್ನು ಮಾಡುವುದನ್ನು ನಿಷೇಧಿಸಲಾಗಿದೆ.
ಕಪ್ಪು ಬಟ್ಟೆಗಳನ್ನು ಧರಿಸಬೇಡಿ:
ಜ್ಯೋತಿಷ್ಯದ ಪ್ರಕಾರ, ಸೋಮವಾರವನ್ನು ಭಗವಾನ್ ಶಿವನಿಗೆ ಅತ್ಯಂತ ಪ್ರೀತಿಯ ದಿನವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ, ಈ ದಿನ ಶಿವನನ್ನು ಪೂಜಿಸಲಾಗುತ್ತದೆ. ಆದರೆ ಈ ದಿನ ಕೆಲವು ವಿಷಯಗಳನ್ನು ತಪ್ಪಿಸಬೇಕು. ಸೋಮವಾರದಂದು ಶಿವನ ಪೂಜೆಯ ಸಮಯದಲ್ಲಿ ಎಂದಿಗೂ ಕಪ್ಪು ಬಟ್ಟೆಗಳನ್ನು ಧರಿಸಬೇಡಿ. ಹೀಗೆ ಮಾಡುವುದರಿಂದ ಶಿವನಿಗೆ ಕೋಪ ಬರುತ್ತದೆ.
ಅನೈತಿಕ ಕ್ರಿಯೆಗಳನ್ನು ತಪ್ಪಿಸಿ:
ಜ್ಯೋತಿಷಿಗಳ ಪ್ರಕಾರ, ನೀವು ಸೋಮವಾರ ಉಪವಾಸ ಮಾಡಲು ಯೋಜಿಸುತ್ತಿದ್ದರೆ, ಅದಕ್ಕೆ ಸಂಬಂಧಿಸಿದ ನಿಯಮಗಳನ್ನು ಸಹ ನೀವು ತಿಳಿದುಕೊಳ್ಳಬೇಕು. ನೀವು ಸೋಮವಾರ ಶಿವನನ್ನು ಪೂಜಿಸಿದರೆ, ಈ ದಿನ ಇತರರಿಗೆ ತೊಂದರೆ ನೀಡುವಂತಹ ಯಾವುದೇ ಕೆಲಸಗಳನ್ನು ಮಾಡಬಾರದು ಅನ್ನೋದನ್ನು ನೆನಪಿನಲ್ಲಿಡಿ. ಇದಲ್ಲದೆ, ಯಾವುದೇ ಅನೈತಿಕ ಕೆಲಸವನ್ನು (illegal work) ಮಾಡುವುದನ್ನು ತಪ್ಪಿಸಿ. ಹಾಗೆ ಮಾಡುವುದರಿಂದ ಜೀವನವು ಅಪಾಯಕ್ಕೆ ಸಿಲುಕಬಹುದು.
ಪೂಜೆಯಲ್ಲಿ ತುಳಸಿಯ ಬಳಕೆಯನ್ನು ತಪ್ಪಿಸಿ:
ಜ್ಯೋತಿಷ್ಯದ ಪ್ರಕಾರ, ಶಿವನನ್ನು ಪೂಜಿಸುವಾಗ, ತಪ್ಪಿಯೂ ತುಳಸಿಯನ್ನು ಬಳಸಬಾರದು. ತುಳಸಿ ಶಾಪಗ್ರಸ್ತಳಾಗಿದ್ದಾಳೆ ಮತ್ತು ಅವಳ ಗಂಡನನ್ನು ಶಿವನು ಕೊಂದನು ಎಂದು ಹೇಳಲಾಗುತ್ತದೆ. ಆದ್ದರಿಂದ, ಅವುಗಳನ್ನು ಶಿವನ ಆರಾಧನೆಯಲ್ಲಿ ಪೂಜಿಸಲಾಗುವುದಿಲ್ಲ.
ತೆಂಗಿನಕಾಯಿ ಅರ್ಪಿಸಬೇಡಿ:
ಭಗವಾನ್ ಶಿವನ ಪೂಜೆಯಲ್ಲಿ ತೆಂಗಿನಕಾಯಿಯನ್ನು (coconut) ಬಳಸಬಾರದು. ಹಾಗೆ ಮಾಡುವುದು ಅಶುಭವೆಂದು ಪರಿಗಣಿಸಲಾಗುತ್ತದೆ. ವಾಸ್ತವವಾಗಿ, ತೆಂಗಿನಕಾಯಿಯನ್ನು ವಿಷ್ಣುವಿಗೆ ಸಂಬಂಧಿಸಿದ ಲಕ್ಷ್ಮಿ ದೇವಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಲಕ್ಷ್ಮಿ ದೇವಿಯು ವಿಷ್ಣುವಿನ ಪತ್ನಿ ಮತ್ತು ತೆಂಗಿನಕಾಯಿಯನ್ನು ಶ್ರೀಫಲ ಎಂದೂ ಕರೆಯಲಾಗುತ್ತದೆ. ಇದನ್ನು ಲಕ್ಷ್ಮಿ ದೇವಿಯ ರೂಪವೆಂದು ಪರಿಗಣಿಸಲಾಗುತ್ತದೆ, ಆದ್ದರಿಂದ ಇದನ್ನು ಶಿವನ ಪೂಜೆಯಲ್ಲಿ ಬಳಸಲಾಗುವುದಿಲ್ಲ.
