ಕೇಪ್‍ಟೌನ್: ಮೊದಲ ಇನ್ನಿಂಗ್ಸ್‌ನ 13 ರನ್‍ಗಳ ಅಲ್ಪಮುನ್ನಡೆಯೊಂದಿಗೆ ಸೆಕೆಂಡ್ ಇನ್ನಿಂಗ್ಸ್ ಆರಂಭಿಸಿದ ಟೀಂ ಇಂಡಿಯಾ ಒಟ್ಟು 70 ರನ್‍ಗಳ ಮುನ್ನಡೆ ಪಡೆದುಕೊಂಡಿದ್ದು, ಮೂರನೇ ದಿನ ಬೃಹತ್ ಮೊತ್ತ ಪೇರಿಸುವ ಇರಾದೆಯಲ್ಲಿದೆ. ಒಂದೇ ದಿನ ಎರಡು ತಂಡಗಳು ಸೇರಿ 11 ವಿಕೆಟ್ ಪತನಗೊಂಡಿದೆ. ಮೊದಲ ದಿನದಾಟದ ಅಂತ್ಯಕ್ಕೆ 1 ವಿಕೆಟ್ ಕಳೆದುಕೊಂಡು 17ರನ್ ಗಳಿಸಿದ್ದ ಆಫ್ರಿಕಾ ಪರ ಮಕ್ರಾರ್ಮ್ ಮತ್ತು ಕೇಶವ್ ಮಹರಾಜ್ ಬ್ಯಾಟಿಂಗ್ ಮುಂದುವರಿಸಿದರು. ಮಕ್ರಾರ್ಮ್ 8 ರನ್ (22 ಎಸೆತ, 1 ಬೌಂಡರಿ) ಮತ್ತು ಕೇಶವ್ ಮಹರಾಜ್ 25 ರನ್ (45 ಎಸೆತ, 4 ಬೌಂಡರಿ) ಬಾರಿಸಿ ವಿಕೆಟ್ ಒಪ್ಪಿಸಿದರು.
ನಂತರ ಒಂದಾದ ರಾಸ್ಸಿ ವ್ಯಾನ್ ಡೆರ್ ಡಸ್ಸೆನ್ 21 ರನ್ (54 ಎಸೆತ), ತೆಂಬ ಬವುಮ 28 ರನ್ (52 ಎಸೆತ, 4 ಬೌಂಡರಿ) ಸಿಡಿಸಿ ಸ್ಪಲ್ಪಮಟ್ಟಿನ ಪ್ರತಿರೋಧ ತೋರಿ ಬುಮ್ರಾ, ಶಮಿ ಮತ್ತು ಯಾದವ್ ದಾಳಿಗೆ ಸಿಲುಕಿ ವಿಕೆಟ್ ಕಳೆದುಕೊಂಡರು. ದಿನದಾಟದ ಅಂತ್ಯಕ್ಕೆ 17 ಓವರ್‌ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಭಾರತ 57 ರನ್ ಗಳಿಸಿದೆ. ಚೇತೇಶ್ವರ ಪೂಜಾರ ಅಜೇಯ 9 ರನ್ (31 ಎಸೆತ, 2 ಬೌಂಡರಿ) ಮತ್ತು ವಿರಾಟ್ ಕೊಹ್ಲಿ 14 ರನ್ (39 ಎಸೆತ, 2 ಬೌಂಡರಿ) ಬಾರಿಸಿ ಮೂರನೇ ದಿನದಾಟಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ. ಮೊದಲ ಇನ್ನಿಂಗ್ಸ್‌ನಲ್ಲಿ 13 ರನ್ ಮತ್ತು ಸೆಕೆಂಡ್ ಇನ್ನಿಂಗ್ಸ್‌ನ 57 ರನ್‍ಗಳೊಂದಿಗೆ ಟೀಂ ಇಂಡಿಯಾ ಒಟ್ಟು 70 ರನ್‍ಗಳ ಮುನ್ನಡೆ ಪಡೆದುಕೊಂಡಿದೆ.
