ಶಿವಮೊಗ್ಗ: ಶಿವಮೊಗ್ಗ ನಗರದ ಹಳೇಬೊಮ್ಮನ ಕಟ್ಟೆಯ ಮಾರಮ್ಮಗುಡಿ ಸಮೀಪದ ಗ್ಯಾರೇಜ್‌ ಒಂದರ ಬಳಿಯಲ್ಲಿ ಕಪಡ ರಾಜೇಶ್‌ ಶೆಟ್ಟಿ ಎಂಬಾತನನ್ನ ಮಾರಕಾಸ್ತ್ರಗಳಿಂದ ಹೊಡೆದು ಕೊಲೆ ಮಾಡಲಾಗಿದೆ. ಶನಿವಾರ ಮಧ್ಯಾಹ್ನ ಒಂದು ಗಂಟೆ ಸುಮಾರಿಗೆ ನಡೆದ ಕೊಲೆ ಘಟನೆಗೆ ಇತ್ತೀಚೆಗೆ ನಡೆದ ಹಲ್ಲೆಯ ಪ್ರತೀಕಾರವೇ ಕಾರಣ ಎನ್ನಲಾಗುತ್ತಿದೆ. ಬೊಮ್ಮನ ಕಟ್ಟೆಯ ಕರಿಯಾ ಮತ್ತವನ ಗ್ಯಾಂಗ್‌ ಮೇಲೆ ರಾಜೇಶ್‌ ಶೆಟ್ಟಿ ದಾಳಿ ಮಾಡಿದ್ದ. ಕೆಲವು ದಿನಗಳ ಹಿಂದೆ ಕರಿಯನ ಮೇಲೆ ಹಲ್ಲೆ ಮಾಡಿದ್ದ ರಾಜೇಶ್‌ ಶೆಟ್ಟಿ ಇವತ್ತು ವಿರೋಧಿ ಗ್ಯಾಂಗ್‌ನಿಂದಲೇ ಕೊಲೆಯಾಗಿದ್ದಾನೆ.
ಬೆಳಗಾವಿಯಲ್ಲಿ ಹಾಡುಹಗಲೇ ಯುವಕನ ಬರ್ಬರ ಹತ್ಯೆ
ರಾಜೇಶ್‌ ಶೆಟ್ಟಿ ಈ ಹಿಂದೆ ಬಸವನಗುಡಿಯಲ್ಲಿ ನಡೆದಿದ್ದ ರಾಘುಶೆಟ್ಟಿಯ ಕೊಲೆಯ ಪ್ರಮುಖ ಆರೋಪಿ, ಸುಮಾರು 38 ವರ್ಷದ ರಾಜೇಶ್‌ಶೆಟ್ಟಿ ಇತ್ತೀಚೆಗೆ ಯಾವುದೋ ಕಾರಣಕ್ಕೆ ಕರಿಯಾ ಮತ್ತವನ ಟೀಂ ಮೇಲೆ ಹಲ್ಲೆ ಮಾಡಿದ್ದ ಎನ್ನಲಾಗಿದೆ. ಅದೇ ದ್ವೇಷಕ್ಕೆ ಕರಿಯನ ಗ್ಯಾಂಗ್‌ ಈತನನ್ನ ಹಳೆಬೊಮ್ಮನ ಕಟ್ಟೆಯಲ್ಲಿ ಮಾರಕಾಸ್ತ್ರಗಳಿಂದ ಕೊಚ್ಚಿ ಕೊಲೆ ಮಾಡಿದೆ ಎನ್ನಲಾಗುತ್ತಿದೆ.
