ಹಿಂದೂ ಧರ್ಮದಲ್ಲಿ ಪ್ರತಿನಿತ್ಯ ದೇವರ ಪೂಜೆಯನ್ನು ಮಾಡುವುದು ಒಂದು ರೀತಿಯ ರೂಢಿ. ಈ ಕಾರಣಕ್ಕಾಗಿ ಪ್ರತಿಯೊಂದು ಮನೆಯಲ್ಲೂ ಪ್ರತ್ಯೇಕವಾದ ದೇವರ ಕೋಣೆಯನ್ನು ನಿರ್ಮಿಸಿರುತ್ತಾರೆ. ಆದರೆ, ಪೂಜೆಯ ಸಮಯದಲ್ಲಿ ನಾವು ಮಾಡುವ ಒಂದಿಷ್ಟು ತಪ್ಪುಗಳು ನಮಗೆ ಪೂಜೆಯ ಯಾವುದೇ ರೀತಿಯಾದ ಫಲ ಸಿಗದಂತೆ ಮಾಡುತ್ತದೆ.
IND vs NZ: ಇದು ಸ್ಪಿನ್ನರ್ ಜಡೇಜಾ ಮೋಡಿ: ದಿಗ್ಗಜರ ದಾಖಲೆ ಉಡೀಸ್!
ಪ್ರತಿನಿತ್ಯ ದೇವರನ್ನು ಪೂಜಿಸುವುದರಿಂದ ಕುಟುಂಬದಲ್ಲಿ ಸಂತೋಷ ಮತ್ತು ಸಮೃದ್ಧಿ ಸೃಷ್ಟಿಯಾಗುತ್ತದೆ ಎನ್ನುವ ನಂಬಿಕೆಯಿದೆ. ಜೀವನದ ಪ್ರತಿಯೊಂದು ಅಂಶವು ನಮ್ಮ ವೇದಗಳಲ್ಲಿ ವಿಜ್ಞಾನ ಅಥವಾ ನಂಬಿಕೆಯ ವಿಷಯವಾಗಿದೆ. ಪೂಜೆಯ ನಿಜವಾದ ವಿಧಾನ ಯಾವುದು ಎಂಬುದನ್ನು ನಾವಿಂದು ತಿಳಿಯೋಣ.
ಸಾಮಾನ್ಯವಾಗಿ, ಮಧ್ಯಾಹ್ನ ಪೂಜೆ ಮಾಡಬೇಕೋ ಬೇಡವೋ ಎಂಬ ಸಂದೇಹ ಸಾಮಾನ್ಯವಾಗಿ ಎಲ್ಲರ ಮನಸ್ಸಿನಲ್ಲೂ ಇರುತ್ತದೆ. ಹಿಂದೂ ಧರ್ಮದ ಪ್ರಕಾರ, ಸೂರ್ಯೋದಯದ ನಂತರ ಮುಂಜಾನೆ ಪೂಜೆಗೆ ಉತ್ತಮ ಸಮಯ ಎಂದು ಹೇಳಲಾಗುತ್ತದೆ. ಮುಂಜಾನೆ ದೇವರ ಪೂಜೆ ಮಾಡುವುದರಿಂದ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ. ಬ್ರಹ್ಮಮುಹೂರ್ತದಲ್ಲಿ ಎಂದರೆ ಮುಂಜಾನೆ 3:30 ರಿಂದ 5:30 ರವರೆಗಿನ ಸಮಯವು ಅತ್ಯುತ್ತಮ ಸಮಯವಾಗಿದೆ. ಮಧ್ಯಾಹ್ನ ಮಾಡುವ ಪೂಜೆಯನ್ನು ಪಿಶಾಚಿ ಪೂಜೆ ಎಂದು ಕರೆಯಲಾಗುತ್ತದೆ, ನಾವು ಈ ಸಮಯದಲ್ಲಿ ಎಷ್ಟೇ ಪೂಜೆ ಮಾಡಿದರೂ ಅದು ಮಾನ್ಯವಾಗುವುದಿಲ್ಲ. ಬ್ರಹ್ಮಮುಹೂರ್ತದಲ್ಲಿ ದೇವರ ಪೂಜೆ ಮಾಡುವುದರಿಂದ ನಿಮ್ಮ ದಿನಚರಿಯೂ ಉತ್ತಮಗೊಳ್ಳುತ್ತದೆ.
ಪ್ರತಿದಿನ ಸ್ನಾನ ಮತ್ತು ಧ್ಯಾನದ ನಂತರ ಶಾಂತ ಮತ್ತು ಶುದ್ಧ ಮನಸ್ಸಿನಿಂದ ದೇವರನ್ನು ಪೂಜಿಸಬೇಕು.
– ಸ್ನಾನದ ನಂತರ ಶುಭ್ರವಾದ ಬಟ್ಟೆಗಳನ್ನು ಧರಿಸಬೇಕು.
– ನಾವು ಯಾವಾಗಲೂ ಆಸನದ ಮೇಲೆ ಕುಳಿತು ದೇವರನ್ನು ಪ್ರಾರ್ಥಿಸಬೇಕು.
– ನಿಮ್ಮ ದೇವರ ಪೂಜೆಯನ್ನು ನಿಗದಿತ ಸಮಯದಲ್ಲಿ ಮಾಡಬೇಕು.
ದೇವರಿಗೆ ಧೂಪವನ್ನು ನೀಡುವುದರಿಂದ ಮನೆಯಲ್ಲಿರುವ ನಕಾರಾತ್ಮಕ ಶಕ್ತಿ ದೂರವಾಗುತ್ತದೆ ಎಂದು ಹೇಳಲಾಗುತ್ತದೆ. ಮನೆಯಲ್ಲಿ ಪರಿಮಳ ಹರಡುವುದರಿಂದ ಮನಸ್ಸಿಗೆ ನೆಮ್ಮದಿ ಸಿಗುತ್ತದೆ. ಧೂಪದ್ರವ್ಯವನ್ನು ನೀಡಲು ಕೆಲವು ವಿಶೇಷ ವಿಧಾನಗಳಿವೆ. ಆ ವಿಧಾನಗಳಾವುವು ಗೊತ್ತೇ..?
– ದೇವರಿಗೆ ಬೆಳಿಗ್ಗೆ ಧೂಪವನ್ನು ನೀಡಬೇಕು. ಸಂಜೆ ಧೂಪವನ್ನು ದೇವರಿಗೆ ನೀಡಬಾರದು
– ಧೂಪದ್ರವ್ಯವನ್ನು ನೀಡುವ ಮೊದಲು ಮನೆಯನ್ನು ಸ್ವಚ್ಛಗೊಳಿಸಬೇಕು.
ನೀವು ಶುದ್ಧರಾದ ನಂತರವೇ ಧೂಪವನ್ನು ನೀಡಬೇಕು.
– ಪೂಜೆಯ ಸಮಯದಲ್ಲಿ ಈಶಾನ್ಯ ದಿಕ್ಕಿನಲ್ಲಿ ಮಾತ್ರ ಧೂಪವನ್ನು ನೀಡಬೇಕು.
– ಮನೆಯ ಎಲ್ಲಾ ಮೂಲೆಗಳಲ್ಲಿ ಧೂಪದ ಹೊಗೆಯನ್ನು ತೋರಿಸಬೇಕು.
– ಧೂಪದ್ರವ್ಯದ ನಂತರ, ಧೂಪದ್ರವ್ಯದ ಪರಿಣಾಮವು ಉಳಿಯುವವರೆಗೆ ಮನೆಯಲ್ಲಿ ಯಾವುದೇ ರೀತಿಯ ಸಂಗೀತವನ್ನು ನುಡಿಸಬೇಡಿ.
ದೇವಸ್ಥಾನದಲ್ಲಿ ಪೂಜೆ ಮಾಡುವುದರಿಂದ ಮನಸ್ಸಿಗೆ ಶಾಂತಿ ಸಿಗುತ್ತದೆ. ಹಿಂದೂ ಧರ್ಮದಲ್ಲಿ, ಪ್ರತಿಯೊಂದು ಕಣದಲ್ಲೂ ದೇವರನ್ನು ಪರಿಗಣಿಸಲಾಗಿದೆ. ನಮ್ಮ ಪ್ರಕಾರ, ದೇವಾಲಯಗಳಂತಹ ಪವಿತ್ರ ಸ್ಥಳಗಳಲ್ಲಿ ದೇವರು ಮತ್ತು ದೇವತೆಗಳ ಆರಾಧನೆ ನಡೆಯುತ್ತದೆ. ಇದು ಆಲೋಚನೆಗಳು ಮತ್ತು ಮನಸ್ಸನ್ನು ಶುದ್ಧಗೊಳಿಸುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ ದೇವಸ್ಥಾನದಲ್ಲಿ ಪೂಜೆ ಮಾಡುವಾಗ ಕೆಲವು ವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ಅವುಗಳಾವುವು..?
ದೇವಾಲಯದಲ್ಲಿ ಪೂಜೆಯ ಮಾಡುವಾಗ ಗಂಟೆಯನ್ನು ಮೃದುವಾಗಿ ಬಾರಿಸಿ. ಇದರಿಂದ ನಮ್ಮನ್ನು ಬಿಟ್ಟು ಬೇರೆ ಪೂಜೆ ಮಾಡುವವರಿಗೆ ಯಾವುದೇ ತೊಂದರೆಯಾಗುವುದಿಲ್ಲ.
– ದೇವಸ್ಥಾನದಲ್ಲಿ ಆರತಿ ನಡೆಯುತ್ತಿದ್ದರೆ ನಿಮ್ಮ ಪೂಜೆಯನ್ನು ಬಿಟ್ಟು ಆರತಿಯಲ್ಲಿ ಸೇರಿಕೊಳ್ಳಿ.
ನಾವು ದೇವರಿಗೆ ಮಾಡಿದ ಪೂಜೆ ಅವನಿಗೆ ಇಷ್ಟವಾಗಿದ್ದರೆ ಅಥವಾ ನಮ್ಮ ಪೂಜೆಯನ್ನು ದೇವರು ಸ್ವೀಕರಿಸಿದ್ದರೆ ನಮಗೆ ಈ ಎಲ್ಲಾ ಸೂಚನೆಗಳು ಸಿಗುತ್ತದೆ.
– ನಾವು ದೇವರಿಗೆ ಹಚ್ಚಿದ ದೀಪವು ಪ್ರಕರವಾಗಿ ಅಂದರೆ ಪ್ರಕಾಶಮಾನವಾಗಿ ಉರಿಯಲು ಪ್ರಾರಂಭವಾಗುತ್ತದೆ.
– ದೇವರ ಮುಡಿಯಿಂದ ಅಥವಾ ದೇವರಿಗೆ ಹಾಕಿದ ಹೂವಿನ ಹಾರ ಪ್ರಸಾದಂತೆ ಬೀಳುವುದು.
– ನಾವು ದೇವರಿಗೆ ಆರತಿಯನ್ನು ಮಾಡುವಾಗ ಸುಗಂಧ ಪರಿಮಳ ಹರಡುವುದು.
– ಪೂಜೆಯ ಸಮಯದಲ್ಲಿ ನಮಗೆ ತಿಳಿಯದಂತೆ ಕಣ್ಣೀರು ಬರುವುದು.
ಪೂಜೆಯ ನಂತರ ಆರತಿ ಮಾಡಲೇಬೇಕೆನ್ನುವ ನಿಯಮವಿದೆ. ಆರತಿ ಇಲ್ಲದ ಪೂಜೆಯನ್ನು ವಿಫಲವೆಂದು ಪರಿಗಣಿಸಲಾಗುತ್ತದೆ. ಆರತಿಗೆ ಸಂಬಂಧಿಸಿದ ನಿಯಮಗಳ ಪ್ರಕಾರ ಧೂಪ, ಹೂವುಗಳು ಮತ್ತು ನೈವೇದ್ಯಗಳನ್ನು ಬಳಸಲಾಗುತ್ತದೆ. ಆರತಿಯನ್ನು ಮಾಡುವುದರಿಂದ ವೈವಾಹಿಕ ಜೀವನದಲ್ಲಿ ಸಂತೋಷ ಮತ್ತು ಅದೃಷ್ಟವನ್ನು ತರುತ್ತದೆ. ಮನೆಯಲ್ಲಿ ಸಮೃದ್ಧಿ ಹೆಚ್ಚುತ್ತದೆ. ಈ ಎಲ್ಲಾ ಪೂಜಾ ವಿಧಾನಗಳನ್ನು ನಮ್ಮ ಪ್ರಾಚೀನ ಗ್ರಂಥಗಳಲ್ಲಿ ವಿವರವಾಗಿ ಹೇಳಲಾಗಿದೆ.
